ಜನಧನ ಖಾತೆ, ಉಜ್ವಾಲ ಯೋಜನೆ ಸೌಲಭ್ಯ ಹಂಚಿಕೆ

ಶಹಾಬಾದ: ನಗರದ ಕೆನರಾ ಬ್ಯಾಂಕ್ ಸಿಬ್ಬಂದಿಗಳು ವಡ್ಡರಗೇರಾ ಬಡಾವಣೆಯ ಬಡಜನರಿಗೆ ಕೇಂದ್ರ ಸರ್ಕಾರ ಜನಧನ ಖಾತೆ ಹೊಂದಿದ ಫಲಾನುಭವಿಗಳಿಗೆ ಹಾಗೂ ಉಜ್ವಲ ಯೋಜನೆಯ ಫಲಾನುಗಳಿಗೆ ಖಾತೆಗೆ ಹಾಕಿದ ಹಣವನ್ನು ವಿತರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ನಗರಸಭೆ ಸದಸ್ಯೆ ತಿಮ್ಮಬಾಯಿ ಕುಸಾಳೆ, ಕೇಂದ್ರ ಸರ್ಕಾರ ಜನಧನ ಖಾತೆ ಹೊಂದಿದ ಬಡಜನರಿಗೆ ೫೦೦ ರೂ. ಹಾಗೂ ಉಜ್ವಲ ಯೋಜನೆಯ ಫಲಾನುಗಳ ಖಾತೆಗೆ ೭೬೭ ರೂ. ಗಳನ್ನು ಹಾಕಿದೆ.ಅದನ್ನು ಕೆನರಾ ಬ್ಯಾಂಕಿನ ಸಿಬ್ಬಂದಿ ವರ್ಗದವರು ಕೊರೊನಾ ವೈರಸ್ ಹರಡುತ್ತಿರುವುದರಿಂದ ಸಾರ್ವಜನಿಕರು ಸಾಮಾಜಿಕ ಅಂತರ ಕಾಪಾಡುಕೊಳ್ಳುವಲ್ಲಿ ವಿಫಲರಾಗುತ್ತಿದ್ದಾರೆ.ಆದ್ದರಿಂದ ಅವರೇ ಕುದ್ದಾಗಿ ನಮ್ಮ ಬಡಾವಣೆಗಳಿಗೆ ಬಂದು ಹಣವನ್ನು ನೀಡುತ್ತಿರುವುದು ಸಂತೋಷದ ವಿಷಯ ಎಂದರು.

ನಗರಸಭೆ ಸದಸ್ಯೆ ಲಕ್ಷ್ಮಿಬಾಯಿ ಕುಸಾಳೆ,ನಾಗಣ್ಣ ಗೌಡ, ಶಂಕರ ಕುಸಾಳೆ, ಸಿದ್ರಾಮ ಕುಸಾಳೆ, ಪಿಎಸ್‌ಐ ಯಲ್ಲಮ್ಮ ಸೇರಿದಂತೆ ಬ್ಯಾಂಕ್ ಸಿಬ್ಬಂದಿ ವರ್ಗವದರು ಇದ್ದರು.