ಕೊರೊನಾ: ಕ್ವಾರಂಟೈನ್ ಸ್ಥಳಾಂತರಕ್ಕೆ ನಿವಾಸಿಗಳಿಂದ ಪ್ರತಿಭಟನೆ

ಕಲಬುರಗಿ: ಕರೊನಾ ಸೋಂಕಿತರ ಆರೈಕೆಗಾಗಿ ನಗರದ ವಾರ್ಡ್ ನಂ.‌54 pwd Quarters (ಹೊಸ ಕಟ್ಟಡ) ಗುರುತಿಸಿ ಅಲ್ಲಿ ಅಧಿಕಾರಿಗಳು ಸ್ವಚ್ಛತಾ ಕಾರ್ಯ ನಡೆಸಿದ್ದು, ಕೂಡಲೇ ಇದನ್ನು ಸ್ಥಳಾಂತರಿಸಬೇಕು ಎಂದು ಬಡಾವಣೆಯ ನಾಗರಿಕರು ಇಂದು ಪ್ರತಿಭಟನೆ ನಡೆಸಿ ಒತ್ತಾಯಿಸಿದರು.

ಜಿಲ್ಲಾಡಳಿತ ನಿಯೋಜಿಸದ ಸ್ಥಳ ನಗರದ ಹೃದಯ ಭಾಗದಲ್ಲಿದ್ದು, ಜನವಸತಿ ಪ್ರದೇಶವಾಗಿದೆ. ಸೋಂಕಿತ ರೋಗಿಗಳ ಆರೈಕೆ ಮಾಡುತ್ತಾರೆ ಎಂದು ತಿಳಿದು ಇಲ್ಲಿನ ನಿವಾಸಿಗಳು ಭಯಭೀತರಾಗಿ ವಿರೋಧ ವ್ಯಕ್ತಪಡಿಸಿದ್ದಾರೆ.

ಕೂಡಲೇ ಇದನ್ನು ಬೇರೆ ಕಡೆ ಸ್ಥಳಾಂತರಿಸಬೇಕು ಎಂದು ಬಡಾವಣೆಯ ಪ್ರಮುಖರಾದ ಪ್ರಹ್ಲಾದ ಮಠಮಾರಿ, ವಿನೋದ, ಇಬ್ರಾಹಿಂ, ಜೈಭೀಮ ಕೊರಳ್ಳಿ ಸೇರಿದಂತೆ ಬಡಾವಣೆಯ ನಿವಾಸಿಗಳು ಆಗ್ರಹಿಸಿದರು.