ಕಾರ್ಮಿಕರ ದಿನಾಚರಣೆ ನಿಮಿತ್ತ ಡಾ. ಚಂದ್ರಶೇಖರ ಪಾಟೀಲಗೆ ಸನ್ಮಾನ

ಕಲಬುರಗಿ: ಜನಸೇವೆಯೇ ಜನಾರ್ಧನನ ಸೇವೆ, ವೈದ್ಯರೇ ರೋಗಿಗಳಿಗೆ ದೇವರಾಗಿದ್ದಾರೆ. ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ವೈದ್ಯರು ತಮ್ಮ ಕುಟುಂಬವನ್ನೇ ಮರೆತು ಜೀವದ ಹಂಗು ತೊರೆದು ಸೇವೆ ಮಾಡಿ ನಮ್ಮ ಜೀವ ಉಳಿಸುತ್ತಿರುವುದು ನೋಡಿದರೆ ಸತ್ಯವಾಗಲು ವೈದ್ಯರೇ ದೇವರಾಗಿದ್ದಾರೆ ಎಂದು ಅಖಿಲ ಭಾರತ ಯುವಜನ ಒಕ್ಕೂಟದ ಜಿಲ್ಲಾಧ್ಯಕ್ಷ ನ್ಯಾಯವಾದಿ ಹಣಮಂತರಾಯ ಅಟ್ಟೂರ ಹೇಳಿದರು.

ನಿನ್ನೆ ಕಾರ್ಮಿಕರ ದಿನಾಚರಣೆ ನಿಮಿತ್ಯ ಡಾ. ಚಂದ್ರಶೇಖರ ಪಾಟೀಲ ಅವರನ್ನು ನಗರದ ಗಂಜ ಪ್ರದೇಶದಲ್ಲಿರುವ ಮಹಾಲಕ್ಷ್ಮೀ ಲೇಔಟ್‍ನಲ್ಲಿ ವಿಶೇಷವಾಗಿ ಗೌರವಿಸಿ ಮಾತನಾಡಿ, 12ನೇ ಶತಮಾನದ ಶರಣರು ಕಾಯಕದಲ್ಲೇ ಕೈಲಾಸ ಕಂಡು ಅಮರರಾದರು. ಅವರಂತೆ ಯಾವುದೇ ಕಾಯಕವಿರಲಿ ಪ್ರಾಮಾಣಿಕತೆಯಿಂದ ಸೇವೆ ಮಾಡಿದರೆ ತಮ್ಮ ಹೆಸರು ಉಳಿಯುವದರೊಂದಿಗೆ ಬೇರೆಯವರಿಗೆ ಆದರ್ಶವಾಗುತ್ತಾರೆ ಎಂದರು.

ಇಂದಿನ ಸಂದರ್ಭದಲ್ಲಿ ವೈದ್ಯರು ಹಗಲು ರಾತ್ರಿಯನ್ನದೇ ಸೇವೆ ಮಾಡುತ್ತಿರುವುದು ಹೆಮ್ಮೆಯ ವಿಷಯ ಅಲ್ಲದೆ ಇದರೊಂದಿಗೆ ಪೊಲೀಸ್ ಅಧಿಕಾರಿಗಳು, ಪತ್ರಕರ್ತರೂ, ಅಂಗನವಾಡಿ ಕಾರ್ಯಕರ್ತೆಯರಿಗೂ, ಜಿಲ್ಲಾಡಳಿತಕ್ಕೂ ಹಾಗೂ ಯಾರಿಗೂ ರೋಗ ಹರಡದಂತೆ ಮನೆಯಲ್ಲಿದ್ದ ಜನರಿಗೂ ಇವರೆಲ್ಲರ ಪರವಾಗಿ ವೈದ್ಯರಿಗೆ ಗೌರವಿಸುವುದರ ಮೂಲಕ ಸಂಘಟನೆಯ ಪರವಾಗಿ ಅಭಿನಂದಿಸಲಾಯಿತು.

ಸನ್ಮಾನಿಸಿಕೊಂಡ ಯುವ ವೈದ್ಯ ಡಾ. ಸ್ನೇಹಿತ ಪಾಟೀಲ ಮಾತನಾಡುತ್ತಾ ರೋಗಿಗಳ ಸೇವೆ ಮಾಡುವುದು ನಮ್ಮ ಕರ್ತವ್ಯ ಎಂತಹ ಸ್ಥಿತಿ ಇದ್ದರು ರೋಗಿಯನ್ನು ಉಳಿಸಿಕೊಳ್ಳಲು ಹಗಲಿರುಳು ಪ್ರಾಮಾಣಿಕ ಸೇವೆ ವೈದ್ಯರು ಮಾಡುತ್ತಾರೆ ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ಚಂದ್ರಶೇಖರ ಪಾಟೀಲ, ಶರಣಮ್ಮ ಪಾಟೀಲ, ಶ್ರೀದೇವಿ ಅಟ್ಟೂರ, ರೇಖಾ ಸಿ. ಬಿರಾದಾರ, ಜಯಲಕ್ಷ್ಮೀ ಕಣ್ಣೂರ, ವಿಠಾಬಾಯಿ ಅಟ್ಟೂರ, ವಿನಿತಾ ಪಾಟೀಲ, ಕಮಲಮ್ಮ ಇದ್ದರು.