ಗೋಶಾಲೆಗೆ ಭೇಟಿ ನೀಡಿ ಧನಸಹಾಯ ಮಾಡಿದ ಶಾಸಕ ಶರಣಬಸಪ್ಪಗೌಡ ದರ್ಶನಾಪುರ

ಶಹಾಪುರ:  ನಂದಿ ಬೆಟ್ಟದಲ್ಲಿರುವ ವಿಶ್ವಮಾತಾ ಗುರುಕುಲ ಗೋಶಾಲೆಗೆ ಶಹಾಪುರದ ಶಾಸಕರಾದ ಶ್ರೀ ಶರಣಬಸಪ್ಪಗೌಡ ದರ್ಶನಾಪುರ ಇಂದು ಭೇಟಿ ನೀಡಿ 25.000 ಸಾವಿರ ರೂಪಾಯಿಗಳನ್ನು ಧನಸಹಾಯ ನೀಡಿದರು.

ನೀರಿನ ಸಮಸ್ಯೆ ಇದ್ದುದರಿಂದ ಮುಂಬರುವ ದಿನಗಳಲ್ಲಿ ಬೋರ್ವೆಲ್ ವ್ಯವಸ್ಥೆ ಮಾಡಲಾಗುವುದೆಂದು ಈ ಸಂದರ್ಭದಲ್ಲಿ ಭರವಸೆ ನೀಡಿದರು ಈ ಗೋಶಾಲೆಯಲ್ಲಿ ಸುಮಾರು 500 ಕ್ಕೂ ಹೆಚ್ಚು ಹಸುಗಳಿದ್ದು 22 ಜನರು ಕೆಲಸ ನಿರ್ವಹಿಸುತ್ತಿದ್ದು ಜೀವನ ನಡೆಸುವುದು ಬಹಳ ಕಷ್ಟಕರವಾಗಿದೆ.

ಲಾಕ್ ಡೌನ್ ಸಂದರ್ಭದಲ್ಲಿ ತುಂಬಾ ಸಂಕಷ್ಟಕ್ಕೀಡಾದ ಗೋಶಾಲೆಗಳಿಗೆ ಇಂದು ಶಾಸಕರಾದ ಶರಣಬಸ್ಸಪ್ಪಗೌಡ ದರ್ಶನಾಪುರ ಅವರು ಭೇಟಿ ನೀಡಿ ಪ್ರಸ್ತುತ ವಾಸ್ತವ ಮಾಹಿತಿಯನ್ನು ಪಡೆದುಕೊಂಡರು.

ಈ ಸಂದರ್ಭದಲ್ಲಿ ಶ್ರೀ ಸ್ವಾಮಿ ವಿವೇಕಾನಂದ ಗೆಳೆಯರ ಬಳಗದ ಸದಸ್ಯರು ಹಾಗೂ ಸಂಗಮೇಶ ಶಾಸ್ತ್ರೀ ಅರವಿಂದ ಉಪ್ಪಿನ್ ಹಾಗೂ ಇತರರು ಹಾಜರಿದ್ದರು.