ಲಾಕ್ ಡೌನ್ ಗೆ ಯಾರು ಜವಾಬ್ದಾರರು ಸರ್ಕಾರವೋ? ಅಥವಾ ಸಾರ್ವಜನಿಕರು?

ಕಲಬುರಗಿ: ಇಷ್ಟು ದಿನಗಳ ಲಾಕ್ ಡೌನ ಕಾರ್ಯ ವ್ಯರ್ಥವಾದಂತಾಯಿತು. ಏಕೆಂದರೆ ಇನ್ನೂ ಸ್ವಲ್ಪ ದಿವಸ ಸರಕಾರ ಕಠಿಣ ಕ್ರಮ ಕೈಗೊಂಡು ಹತೋಟಿಯಲ್ಲಿ ತರಬಹುದಾಗಿತ್ತು ಎಂದು ಅಖಿಲ ಭಾರತ ಯುವಜನ ಒಕ್ಕೂಟ ಎಐವೈಎಫ್ ಅಧ್ಯಕ್ಷರಾದ ಹಣಮಂತರಾಯ ಅಟ್ಟೂರ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇನ್ನು ಮುಂದೆ ಕೊರೋನಾ ರೋಗಿಗಳ ಸಂಖ್ಯೆ ಎಣಿಸುವುದರ ಜತೆಗೆ ಮರಣಗಳ ಸಂಖ್ಯೆ ಹೆಚ್ಚಾಗಿ ದೇಶದ ಪರಿಸ್ಥಿತಿ ಬಿಗಡಾಯಿಸುವುದರಲ್ಲಿ ಸಂದೇಹವಿಲ್ಲ ಅದಕ್ಕಾಗಿ ನಮ್ಮನ್ನು ನಾವು ಎಚ್ಚರಿಕೆಯಿಂದ ಜೀವನ ಮಾಡುವುದು ಒಳಿತು. ಕೊರೋನಾ ರೋಗಕ್ಕೆ ತುತ್ತಾಗಿ ತತ್ತರಿಸಿರುವ ಹಲವಾರು ದೇಶಗಳ ಪರಿಸ್ಥಿತಿ ನಮ್ಮ ದೇಶದಲ್ಲಿ ಬಂದರೂ ಬರಬಹುದು ಎಂದು ಆತಂಕ ವ್ಯಕ್ತಪಡಿಸಿ, ಎಲ್ಲರೂ ಜಾಗೃತರಾಗಿ ಎಚ್ಚರಿಕೆಯಿಂದ ಕೊರೋನಾ ದೊಂದಿಗೆ ಜೀವನ ಮಾಡೋಣ ಎಂದು ಕರೆ ನೀಡಿದ್ದಾರೆ.