ಅಂಬಾರಾಯ ಅಷ್ಠಗಿ, ಮಾರುತಿರಾವ ಮಾಲೆ ಯವರಿಗೆ ಸುಲಫಲ ಮಠದ ಶ್ರೀ ಗಳಿಂದ ಸನ್ಮಾನ

ಕಲಬುರಗಿ: ಚಿತ್ತರಗಿ-ಇಳಕಲ್ ಸಂಸ್ಥಾನ ಮಠದ ಲಿಂಗೈಕ್ಯ ಪೂಜ್ಯ ಶ್ರೀ ಮಹಾಂತ ಶಿವಯೋಗಿಗಳ ಪುಣ್ಯಸ್ಮರಣೊತ್ಸವವನ್ನು ಕಲಬುರಗಿಯ ಶಹಬಜಾರನ ಸುಲಫಲ ಮಠದಲ್ಲಿ ಆಯೋಜಿಸಿದ್ದ ಶುಭ ಸಂದರ್ಭದಲ್ಲಿ ಕಲಬುರಗಿಯ ದಲಿತ ನಾಯಕರು, ಮಾಜಿ ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಅಂಬಾರಾಯ ಅಷ್ಠಗಿ ಯವರಿಗೆ ಹಾಗೂ ಮಾಜಿ ಶಾಸಕರಾದ ಮಾರುತಿ ರಾವ ಮಾಲೆ ಯವರಿಗೆ ಜಗದ್ಗುರು ಪೂಜ್ಯ ಶ್ರೀ ಡಾ.ಸಾರಂಗಧರ ದೇಶಿಕೇಂದ್ರ ಮಹಾಸ್ವಾಮಿಗಳು ಗೌರವಿಸಿ ಆಶೀರ್ವದಿಸಿದರು.

ಚಿತ್ತರಗಿ-ಇಳಕಲ್ ಶ್ರೀ ಗಳು ತಮ್ಮ ಜೀವನದುದ್ದಕ್ಕೂ ದಲಿತರಿಗಾಗಿ ಧ್ವನಿ ಎತ್ತಿ, ಅಸ್ಪೃಶ್ಯತೆ ನಿವಾರಣೆಗಾಗಿ; ದೀನ, ದುರ್ಬಲರ ಹಾಗೂ ಶೋಷಿತ ವರ್ಗದ ಕಲ್ಯಾಣಕ್ಕಾಗಿ ಅವಿರತವಾಗಿ ಶ್ರಮಿಸಿದ ಲಿಂಗೈಕ್ಯ ಪೂಜ್ಯ ಶ್ರೀ ಮಹಾಂತಪ್ಪಗಳು, ತಮ್ಮ “ಮಹಾಂತ ಜೋಳಿಗೆಯಲ್ಲಿ” ಜನರ ದುಶ್ಚಟಗಳನ್ನು ದಾನ ಮಾಡಿ ಎಂದು ಕೇಳಿದ ಲಿಂಗೈಕ್ಯ ಪೂಜ್ಯರ ಪುಣ್ಯಸ್ಮರಣೆಯನ್ನು ಸುಲಫಲ ಮಠದಲ್ಲಿ ಆಚರಿಸರಿಸುತ್ತಿರುವುದು ನಮ್ಮೇಲ್ಲರ ಸೌಭಾಗ್ಯ ಎಂದು ಪೂಜ್ಯ ಡಾ.ಸಾರಂಗಧರ ಶ್ರೀ ಗಳು ತಮ್ಮ ಆಶೀರ್ವಚನದಲ್ಲಿ ಹೇಳಿದರಲ್ಲದೆ; ಪೂಜ್ಯ ಮಹಾಂತಪ್ಪಗಳ ಸ್ಮರಣಾರ್ಥ ದೀನ, ದಲಿತರಮತ್ತು ಬಡವರ ಹಕ್ಕುಗಳಿಗಾಗಿ ಶ್ರಮಿಸುತ್ತಿರುವ ದಲಿತ ನಾಯಕರಾದ ಅಂಬಾರಾಯ ಅಷ್ಠಗಿ ಹಾಗೂ ಮಾರುತಿ ರಾವ ಮಾಲೆ ಯವರನ್ನು ಗೌರವಿಸಿ ಚಿತ್ತರಗಿ-ಇಳಕಲ್ ಶ್ರೀ ಗಳ ವಿಚಾರಧಾರೆಗಳನ್ನು ಮುಂದುವರೆಸುತ್ತೆವೇಂದು ಭರವಸೆಯ ನೀಡಿದರು.

ಈ ಸಂದರ್ಭದಲ್ಲಿ ಲಿಂಗಾಯತ ಸಮಾಜದ ಮುಖಂಡರಾದ ಚಿಂತಕ ಪ್ರೊ.ಶಿವರಾಜ ಪಾಟೀಲ್ ,ಡಾ.ಅರುಣ ಕುಮಾರ್ ಪಾಟೀಲ್, ವಿಜಯಕುಮಾರ ಪಾಟೀಲ್ ತೇಗಲತಿಪ್ಪಿ, ಕಲ್ಯಾಣರಾವ ಶೀಲವಂತ,ಪ್ರಭುಲಿಂಗ ಮಹಾಗಾಂವಕರ್ ,ಪ್ರಭವ ಪಟ್ಟಣಕರ್ ಇತರರಿದ್ದರು.