ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ನೇರವಾಗಿ ಪಾಲ್ಗೊಂಡಿದ್ದ ಅಷ್ಟೇ ಅಲ್ಲದೆ ತಮ್ಮ ಕವಿತೆಗಳಿಂದ ಜನರನ್ನು ಬ್ರಿಟಿಷರ ವಿರುದ್ಧ ದೇಶದ ಜನರನ್ನು ಸಿಡಿದೆಬ್ಬಿಸಿದ್ದರು. ಕೋಮುಸೌಹಾರ್ದತೆಯ ಬಗ್ಗೆ ಇವರು ಕೇವಲ ಕೆಲವು ಕವನಗಳನ್ನು ಅಷ್ಟೇ ಬರೆದಿಲ್ಲ. ಅದರಲ್ಲಿ ತಮ್ಮ ಹೃದಯ ಅಂತರಾಳದ ಭಾವನೆಯನ್ನು ವ್ಯಕ್ತಪಡಿಸಿದ್ದಾರೆ. ಅವರ ಒಂದು ಪದ್ಯದಲ್ಲಿ *”ನನ್ನ ಒಂದು ಗಿಡದಲ್ಲಿ ಎರಡು ಹೂಗಳಿವೆ, ಅವೇ ಹಿಂದೂ-ಮುಸ್ಲಿಮ್”,* ಎಂದು ಬರೆದಿದ್ದಾರೆ. ಇಂತಹ ಮಹಾನ್ ಚೇತನದ ಜನ್ಮದಿನ ಇಂದು
ಆ ಸಂದರ್ಭದಲ್ಲಿ ಬರೆದ ಅವರ ಒಂದು ಕವನ ಇಲ್ಲಿದೆ.
ನಾವಿಕ ಎಚ್ಚರ ! ಕಡಿದಾದ ಬೆಟ್ಟ, ಬಾಯಿಬಿಟ್ಟ ಕಣಿವೆ ಮರುಭೂಮಿ ಸುಡುತ್ತ ಸುಡುತ್ತ ಹಿರಿದಾದ ಕಡಲು ಕತ್ತಲಿನ ರಾತ್ರಿ ಮುತ್ತಿಹವು ಸುತ್ತಮುತ್ತ ಪಯಣಿಗನೆ ಕೇಳ ಎಚ್ಚರದಿ ನೋಡ ಸಾಗಬೇಕು ದೂರ ದೂರ ಕುದಿಕುದಿವ ನೀರು ಮೊರೆ ಮೊರೆವ ಅಲೆಯು ಕುಣಿದಿರುವುದು ನಿನ್ನ ನಾವೆ ಬಿರಬಿರನೇ ಗಾಳಿ ಬೀಸುತ್ತ ಬರಲು ದಿಕ್ಕೆಟ್ಟು ತೂರಿತೂರಿ ಇಂತಿರುವ ದೋಣಿ ಚುಕ್ಕಾಣಿ ಹಿಡಿವ ಎಂಟೆದೆಯ ಧೀರ ಯಾರು? ಈಜರಿಯದಂತ ಅಸಹಾ ಯ ದೇಶ ಮುಳುಗಿ ಮುಳುಗಿ ಎದ್ದು ಮುಳಗೆ ತೂಫಾನಿನಲ್ಲೂ ಕಿರು ದೋಣಿಯನ್ನು ನೀ ನಡೆಸೆ ಮುಂದೆ ಮುಂದೆ ಭವಿಷ್ಯವಿಂದು ಬಾ ಧೀರ ಎಂದು ಕರೆದಿಹುದು ಕೈ ಬೀಸಿ ಬೀಸಿ.
ಬಂಧನದಿ ಬಂದ ತಾಯಮುಕ್ತಿಗಾಗಿ ನೀ ಬಾರ ಧೈರ್ಯ ತೋರ ಮುಸ್ಲಿಮರು ಯಾರು,ಯಾರು ಹಿಂದೂವೆಂದು ಕೇಳಿಹರು ಯಾರು ಯಾರು? ಮುಳುಗಿಹನು ಮನುಜ ಸೋದರನು ಎಂದು ಅಂಬಿಗನ ಹೇಳು ಹೇಳು.
ಈ ಬದುಕ ಕುರಿತು ಜಯಗೀತೆ ಹಾಡಿ ಗಲ್ಲುಗಂಬವೆರಿ ಮೆರೆದ ಆ ವೀರರಿಂದು ನಿನ್ನ ಕೇಳುತಿಹರು ‘ ಬಲಿದಾನ, ಎಲ್ಲಿ ಎಲ್ಲಿ? ಕೈಬಿಟ್ಟು ದೇಶ, ಕಾದುವೆಯೆ ಕುಲಕ್ಕೆ? ಕಾಪಿಡುವೆ ಯಾವುದನ್ನು?.
ತೆರೆ ತೆರೆಗಳುರುಳಿ ನೀರ್ ಕೆರಳಿ ಕೆರಳಿ ಹರಿಗೋಲು ತೇಲಿ ಹಾರಿ ಪರೀಕ್ಷೆಯಂತೆ ಇಂದಿಹುದು ಹೌದು ನಮ್ಮೆದುರು ಬಂದು ನಿಂತು ಎಚ್ಚರದಿ ನಿಂತು ಎಚ್ಚರದಿ ನೋಡು ಎಚ್ಚರದಿ ಹುಟ್ಟುಹಾಕು.
ದೇಶದ ಕುರಿತು ಜಾತಿ-ಧರ್ಮದ ಸೌಹಾರ್ದತೆ ಬಗ್ಗೆ ಬಹಳ ವಿಶಾಲವಾದ ಅರ್ಥವನ್ನು ಕಟ್ಟಿಕೊಟ್ಟಿದ್ದಾರೆ. ನಮ್ಮೆಲ್ಲರಿಗೆ ಆದರ್ಶವಾಗಿದ್ದಾರೆ. ಅದೇ ರೀತಿ ನಾವುಗಳು ಪರಸ್ಪರ ಪ್ರೀತಿ ಭಾವೈಕ್ಯತೆಯಿಂದ ಇದೇ ರೀತಿ ನಾವು ನೀವು ಒಗ್ಗಟಾಗಿ ಇರೋಣ. ಭವ್ಯ ಭಾರತವನ್ನು ಕಟ್ಟೋಣ. ನೂರಾರು ವರ್ಷಗಳಿಂದ ಸೋದರ ಭಾವದಿಂದ ಬೆಳೆದು ಬಂದಂತೆ ಹಿಂದೂ-ಮುಸ್ಲಿಮರ ನಡುವಿನ ಸ್ನೇಹ ಪ್ರೀತಿ ಗೌರವಗಳಿಗೆ ಧಕ್ಕೆಯಾಗದಂತೆ ರಾಜಕೀಯದ ಕುತಂತ್ರದ ಆಟಕ್ಕೆ ಬಲಿಯಾಗದೇ ದೇಶದ ಪ್ರಜಾಪ್ರಭುತ್ವ ಮೌಲ್ಯಗಳು ಮಾನವೀಯ ಗುಣಗಳು ಮತ್ತು ಜಾತ್ಯತೀತ ರಾಷ್ಟ್ರವನ್ನು ಉಳಿಸೋಣ.
ಎಲ್ಲ ಜಾತಿ ಧರ್ಮಗಳಲ್ಲಿ ಕೋಮುವಾದವನ್ನು ಅಳಿಸೋಣ! ರಾಷ್ಟ್ರಕವಿ ಕುವೆಂಪು ರವರು ಸಾರಿದ ಈ ಸಂದೇಶ *”ಗುಡಿ- ಚರ್ಚು ಮಸೀದಿಗಳ ಬಿಟ್ಟು ಹೊರಬನ್ನಿ! ಬಡತನವ ಬುಡಮಟ್ಟ ಕೀಳಬನ್ನಿ* ಸಾಕಿನ್ನು ಸೇರಿರೈ ಮನುಜ ಮತಕೆ ವಿಶ್ವ ಪಥಕೆ* ಇಂಥ ಧರ್ಮನಿರಪೇಕ್ಷ ವಿಚಾರ ಅಳವಡಿ ಸಿಕೊಳ್ಳುವುದು ಬಹಳ ಮಹತ್ವದಾಗಿದೆ. ಅದೇ ರೀತಿಯಾಗಿ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಬ್ರಿಟಿಷರ ವಿಭಜಕ ನೀತಿಗಳ ವಿರುದ್ಧ ರಾಜಿ ರಹಿತವಾಗಿ ಹೋರಾಡಿದಂತ
ಅಶ್ಫಾ ಕುಲ್ಲಾ ಅಲ್ಲಾಖಾನ್- ರಾಮಪ್ರಸಾದ ಬಿಸ್ಮಿಲ್ಲಾ ಅಂತ ಸೌಹಾರ್ಧಯುತ ಸ್ನೇಹವನ್ನು ನಾವೆಲ್ಲರೂ ಬೆಳಸಿಕೊಳ್ಳೋಣ.
ನಮ್ಮನ್ನು ಕಾಡುತ್ತಿರುವ ಜ್ವಲಂತ ಸಮಸ್ಯೆಗಳಾದ ನಿರುದ್ಯೋಗ, ಬಡತನ ಬೆಲೆ ಏರಿಕೆ, ಹಸಿವು ಜಾತಿವಾದ ಕೋಮುವಾದದ ವಿರುದ್ಧ ನಾವೆಲ್ಲರೂ ಒಟ್ಟಾಗಿ ಧ್ವನಿ ಎತ್ತು ಮೂಲಕ ನಿಜವಾದ ಭಾರತೀಯರಾಗೋಣ.
ಮುಸ್ಲಿಂ ಬಾಂಧವರಿಗೆ ಭಾವೈಕ್ಯತೆ ಸಾರುವ ಪವಿತ್ರ ರಂಜಾನ್ ಹಬ್ಬದ ಶುಭಾಶಯಗಳು. ಶಾಂತಿ ಸೌಹಾರ್ದತೆಯ ಸಂಕೇತವಾಗಿರುವ ರಂಜಾನ್ ಹಬ್ಬ ತಮ್ಮೆಲ್ಲರ ಬದುಕಿನಲ್ಲಿ ಸಂತಸ ಸಂಭ್ರಮ, ನೆಮ್ಮದಿ ತರಲಿ ಎಂದು ಹಾರೈಸುತ್ತೇನೆ.
ಕೊರೊನಾದಿಂದ ಇಡೀ ಜಗತ್ತೇ ಸಂಕಷ್ಟ ಅನುಭವಿಸುತ್ತಿರುವ ಈ ಸಂದರ್ಭದಲ್ಲಿ ಸಾಮಾಜಿಕ ಅಂತರದೊಂದಿಗೆ ಸುರಕ್ಷಿತವಾಗಿ ಮನೆಯಲ್ಲೇ ಪವಿತ್ರ ರಂಜಾನ್ ಹಬ್ಬವನ್ನು ಆಚರಿಸಬೇಕೆಂದು ಸಮಸ್ತ ಮುಸ್ಲಿಂ ಸಹೋದರರಲ್ಲಿ ಈ ಮೂಲಕ ಮನವಿ ಮಾಡಿಕೊಳ್ಳುತ್ತಿದ್ದೇನೆ.