ವಿವಿಧ ಬೇಡಿಕೆಗಳ ಈಡೇರಿಸಲು ಮಾದಿಗ ಸಮುದಾಯ ಪ್ರತಿಭಟನೆ ಮನವಿ

ಸುರಪುರ: ಸದಾಶಿವ ಆಯೋಗದ ವರದಿ ಜಾರಿ ಸೇರಿದಂತೆ ತಾಲೂಕಿನಲ್ಲಿಯ ಮಾದಿಗ ಸಮುದಾಯದ ಅನೇಕ ಬೇಡಿಕೆಗಳ ಈಡೇರಿಸಲು ಆಗ್ರಹಿಸಿ ಮಾದಿಗ ಸಮುದಾಯಸ್ಥರು ನಗರದ ಪೊಲೀಸ್ ಠಾಣೆ ಮುಂದೆ ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಅನೇಕ ಮುಖಂಡರು ಮಾತನಾಡಿ,ಮಾದಿಗ ಸಮುದಾಯದ ಜನರ ಮೇಲೆ ಗ್ರಾಮೀಣ ಭಾಗದಲ್ಲಿ ನಿರಂತರ ಹಲ್ಲೆಗಳಾಗುತ್ತಿವೆ.ಅಲ್ಲದೆ ಇನ್ನೂ ಅನೇಕ ಗ್ರಾಮಗಳಲ್ಲಿ ಅಸ್ಪೃಶ್ಯತೆ ಆಚರಿಸಲಾಗುತ್ತಿದೆ.ಇದರಿಂದ ಗ್ರಾಮೀಣ ಭಾಗದಲ್ಲಿನ ಮಾದಿಗ ಸಮುದಾಯದ ನಮ್ಮ ಜನತೆ ನಿತ್ಯವು ಭಯದಲ್ಲಿ ಕಾಲ ಕಳೆಯುವಂತಾಗಿದೆ. ಆದ್ದರಿಂದ ಪೊಲೀಸ್ ಇಲಾಖೆ ಮಾದಿಗ ಸಮುದಾಯದ ಜನತೆಗೆ ಹೆಚ್ಚಿನ ಭದ್ರತೆ ನೀಡಬೇಕು.

ದೇವಿಕೆರಾ ಗ್ರಾಮದಲ್ಲಿ ಕೆಲ ಕಿಡಿಗೇಡಿಗಳಿಂದ ಡಾ: ಬಾಬಾ ಸಾಹೇಬ್ ಅಂಬೇಡ್ಕರ್ ಹಾಗು ಡಾ: ಬಾಬು ಜಗಜೀವನರಾಮ್ ಅವರ ನಾಮಫಲಕದ ವಿಚಾರವಾಗಿ ಪುಂಡಾಟ ನಡೆಸಲಾಗುತ್ತಿದ್ದು ಎರಡು ಸಮುದಾಯಗಳ ಮದ್ಯೆ ಗೊಂದಲ ಹುಟ್ಟು ಹಾಕಲಾಗುತ್ತಿದೆ.ಅಂತಹ ಕಿಡಿಗೇಡಿಗಳನ್ನು ಪತ್ತೆ ಹಚ್ಚಿ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿ ಬರೆದ ಮನವಿಯನ್ನು ಡಿವಾಯ್‌ಎಸ್ಪಿ ವೆಂಕಟೇಶ ಹುಗಿಬಂಡಿ ಹಾಗು ಪಿಐ ಎಸ್.ಎಮ್.ಪಾಟೀಲ್ ಅವರ ಮೂಲಕ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಭೀಮಾಶಂಕರ ಬಿಲ್ಲವ್,ದಾನಪ್ಪ ಕಡಿಮನಿ,ಮಲ್ಲು ಬಿಲ್ಲವ್,ಹಣಮಂತ ಬೊಮ್ಮನಹಳ್ಳಿ,ಹಣಮಂತ ಬಿಲ್ಲವ್,ನಾಗರಾಜ ಓಕಳಿ,ಚಂದ್ರು ದೀವಳಗುಡ್ಡ,ಮಂಜುನಾಥ ಅಡ್ಡೊಡಗಿ,ದುರ್ಗಪ್ಪ ಬಡಿಗೇರ,ರಾಜು ತೊಳೆನೂರ,ಬಸವರಾಜ ಮುಷ್ಠಳ್ಳಿ,ತಿಮ್ಮಣ್ಣ ದೇವಿಕೆರಾ,ಬಾಬು ವಾಗಣಗೇರಾ ಸೇರಿದಂತೆ ಅನೇಕರಿದ್ದರು.