ಕೊರೋನಾ ಮಹಾಮಾರಿಗೆ ಸಾಮಾಜಿಕ ಅಂತರವೆ ಮದ್ದು: ಡಾ:ಚಂದ್ರಶೇಖರ್ ಸುಬೇದಾರ

ಶಹಾಪುರ : ವಿಪರೀತವಾಗಿ ದಿನದಿಂದ ದಿನಕ್ಕೆ ಹಬ್ಬುತ್ತಿರುವ ಕರೋನಾ ಮಹಾಮಾರಿ ಸೊಂಕಿಗೆ ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದೆ ಮದ್ದು ಎಂದು ಶಹಾಪುರದ ಖ್ಯಾತ ವೈದ್ಯರು ಹಾಗೂ ಬಿಜೆಪಿ ಹಿರಿಯ ಮುಖಂಡರಾದ ಡಾ: ಚಂದ್ರಶೇಖರ ಸುಬೇದಾರ ಹೇಳಿದರು.

ಭಾರತೀಯ ಜನತಾ ಪಕ್ಷದ ಶಹಾಪುರ ಮಂಡಲ ವತಿಯಿಂದ ನಗರದಲ್ಲಿ ಹಮ್ಮಿಕೊಂಡಿರುವ ಕೊರೋನಾ ವಿರುದ್ಧ ಜನಜಾಗೃತಿ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಪ್ರತಿಯೊಬ್ಬರು ಸರ್ಕಾರದ ಆದೇಶಗಳನ್ನು ಪಾಲಿಸಿ ಕಡ್ಡಾಯವಾಗಿ ಮಾಸ್ಕ್, ಹ್ಯಾಂಡ್ ಗ್ಲೌಸ್ ಧರಿಸಬೇಕು ಅನಗತ್ಯವಾಗಿ ಮನೆಯಿಂದ ಹೊರಗಡೆ ಬರಬಾರದು,ಬಂದರೂ ಗುಂಪಾಗಿ ಸೇರಬಾರದು ಎಂದು ಜಾಗೃತಿ ಮೂಡಿಸಿದರು.

ಈ ಸಂದರ್ಭದಲ್ಲಿ ಬಿಜೆಪಿಯ ಮಂಡಲ ಅಧ್ಯಕ್ಷರಾದ ರಾಜುಗೌಡ ಉಕ್ಕಿನಾಳ,ಹಿರಿಯ ಮುಖಂಡರಾದ ರಾಜಶೇಖರ ನಗನೂರು,ಯಲ್ಲಯ್ಯ ನಾಯಕ ವನದುರ್ಗ, ಅಡಿವಪ್ಪ ಜಾಕಾ, ಹಾಗೂ ಇತರರು ಹಾಜರಿದ್ದರು.