ನಾಗರ ಪಂಚಮಿ ಬದಲು ಬಸವ ಪಂಚಮಿ ಆಚರಿಸಿ : ಶರಣು ಬೀರನೂರು

ಶಹಾಪುರ : ಕಲ್ಲು ನಾಗರನಿಗೆ ಹಾಲೆರೆದು ವ್ಯರ್ಥ ಮಾಡುವ ಬದಲು ಅನಾಥ ಮಕ್ಕಳಿಗೆ ಹಾಲು ನೀಡಿ ಮೂಢನಂಬಿಕೆಯ ವಿರುದ್ಧ ತೊಡೆ ತಟ್ಟಿ ನಾಗರ ಪಂಚಮಿಯ ಬದಲು ಬಸವ ಪಂಚಮಿ ಆಚರಿಸಿ ಎಂದು ಮುಖಂಡ ಶರಣು ಬೀರನೂರು ಹೇಳಿದರು.

ಅದೆಷ್ಟೋ ಮಕ್ಕಳಿಗೆ ಉಣ್ಣುವುದಕ್ಕೆ ಅನ್ನವಿಲ್ಲ ಕುಡಿಯುವುದಕ್ಕೆ ಹಾಲು ಇಲ್ಲ ಅಷ್ಟೊಂದು ಬಡತನ ತಾಂಡವವಾಡುತ್ತಿರುವಾಗ ಕಲ್ಲು ನಾಗರಿಗೆ ಹಾಲು ನೆರೆದು ಹಾಲು ವ್ಯರ್ಥ ಮಾಡದೆ ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಮಕ್ಕಳಿಗೆ ಹಾಗೂ ಅನಾಥ ಆಶ್ರಮದ ಮಕ್ಕಳಿಗೆ ಹಾಲು ಉಳಿಸಿದರೆ ಪುಣ್ಯ ಬರುತ್ತದೆ ಸಲಹೆ ನೀಡಿದರು.

ಇದೇ ಸಂದರ್ಭದಲ್ಲಿ ಅನಾಥಾಶ್ರಮಕ್ಕೆ ಒಂದೂವರೆ ಕ್ವಿಂಟಲ್ ಅಕ್ಕಿ,ಎರಡು ನೂರು ರೊಟ್ಟಿ ಮನೆಯಿಂದ ತಂದ ಸಿಹಿ ತಿನಿಸುಗಳು ವಿತರಿಸಿದರು ಮಕ್ಕಳೊಂದಿಗೆ ಖುಷಿ ಹಂಚಿಕೊಂಡರು.