ಅಲೆಮಾರಿ ಮಕ್ಕಳಿಗೆ ಪೌಷ್ಠಿಕ ಹಾಲು ವಿತರಣೆ: ಮಾನವ ಬಂಧುತ್ವ ವೇದಿಕೆಯಿಂದ ಬಸವ ಪಂಚಮಿ ಆಚರಣೆ

ಕಲಬುರಗಿ: ನಗರದ ಹೊರವಲಯದ ನೃಪತುಂಗ ಕಾಲನಿ ಸಮೀಪದ ಅಲೆಮಾರಿ ಸಮುದಾಯ ಬಡವಾಣೆಯಲ್ಲಿ ಮಾನವ ಬಂಧುತ್ವ ವೇದಿಕೆ ವತಿಯಿಂದ ಶನಿವಾರ ಬಸವ ಪಂಚಮಿ ಆಚರಿಸಲಾಯಿತು. ಬಡಾವಣೆಯ ಅಲೆಮಾರಿ ಮಕ್ಕಳಿಗೆ ಪೌಷ್ಠಿಕ ಹಾಲು ವಿತರಿಸಲಾಯಿತು.

ಮುಖ್ಯ ಅತಿಥಿಯಾಗಿದ್ದ ಪತ್ರಕರ್ತ-ಲೇಖಕ ಶಿವರಂಜನ್ ಸತ್ಯಂಪೇಟೆ ಬಸವಣ್ಣನವರ ಭಾವಚಿತ್ರಕ್ಕೆ ಮಾಲಾರ್ಪಣೆ ಮಾಡಿ ಮಾತನಾಡಿ, ನಾಗರ ಪಂಚಮಿಯಂದು ಕಲ್ಲ ನಾಗರಕ್ಕೆ ಹಾಲೆರೆದು ಪೋಲು ಮಾಡದೆ ಪೌಷ್ಠಿಕ ಹಾಲನ್ನು ಬಡ, ನಿರ್ಗತಿಕ ಮಕ್ಕಳು ಹಾಗೂ ವೃದ್ಧರಿಗೆ ವಿತರಿಸುವ ಮೂಲಕ ಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಬೇಕು ಎಂದು ತಿಳಿಸಿದರು.

ಮಾನವ ಬಂಧುತ್ವ ಹಾಗೂ ವಿದ್ಯಾರ್ಥಿ ಬಂಧುತ್ವ ವೇದಿಕೆಯ ಸಂಸ್ಥಾಪಕ ಸತೀಶ ಜಾರಕಿಹೊಳಿ ನಿರ್ದೇಶನದಂತೆ ಮಾನವ ಬಂಧುತ್ವ ವೇದಿಕೆಯ ನಾಗೇಂದ್ರ ಕೆ. ಜವಳಿ, ವಿದ್ಯಾರ್ಥಿ ಬಂಧುತ್ವ ವೇದಿಕೆಯ ದಿನೇಶ ದೊಡ್ಡಮನಿ ಈ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು. ಮುಖಂಡರಾದ ದತ್ತು ಗುತ್ತೇದಾರ, ಬಸವರಾಜ ಹೂಗಾರ, ವಿಠ್ಠಲ್ ಚಿಕಣಿ, ಸುನಿಲ ಮಾನ್ಪಡೆ ವೇದಿಕೆಯಲ್ಲಿದ್ದರು.

ಸಂತೋಷ ಮೇಲ್ಮನಿ, ಹನುಮಂತ ಇಟಗಿ, ಅಲ್ಲಮಪ್ರಭು ನಿಂಬರ್ಗಾ, ಧರ್ಮಣ್ಣ ಕೊಣೆಕರ್, ಶಿವು ನರೋಣಾ, ಲವಕುಶ ಕಡಗಂಚಿ, ಪ್ರಶಾಂತ ನಂದಿಕೂರ, ಶೀವು ಜಾಲವಾದ, ಧರ್ಮಣ್ಣ ಜೈನಾಪುರ, ಸಂಗರಾಜ ವಾಲೀಕಾರ, ರಾಣು ಮುದ್ದನಕರ್, ಶರಣು ಸುತಾರ, ಸಂದೇಶ ವಾಗ್ಮೋರೆ ಇತರರಿದ್ದರು.