ಬೆಳೆ ಪರಿಹಾರ ನೀಡಬೇಕೆಂದು ಕರವೇ ಆಗ್ರಹ

ಆಳಂದ: ತಾಲೂಕು ವ್ಯಾಪ್ತಿಯಲ್ಲಿ ಸತತವಾಗಿ ಮಳೆಯಿಂದ ಸಂಪೂರ್ಣ ಕೃಷಿ ಜಮೀನಲ್ಲಿ ನೀರು ನಿಂತು ಬೆಳೆ ಜಲವೃತಗೊಂಡು ಕಂಗಾದ ರೈತರಿಗೆ ಬೆಳೆ ಪರಿಹಾರ ಒದಗಿಸಬೇಕೆಂದು ನಿಂಬರ್ಗಾ ಕರವೇ ಘಟಕ ತಹಶೀಲ್ದಾರ ಮುಖಾಂತರ ಸಿಎಂಗೆ ಆಗ್ರಹಿಸಿದ್ದಾರೆ.

ಹತ್ತಿ, ಹೆಸರು, ತೊಗರಿ ಸೇರಿದಂತೆ ತರಕಾರಿ ಬೆಳೆಗಳು ಸಂಪೂರ್ಣ ಜಲವೃತಗೊಂಡಿದ್ದು, ಕೃಷಿ ಮತ್ತು ಕಂದಾಯ ಅಧಿಕಾರಿಗಳ ಜಂಟಿ ಸಮೀಕ್ಷೆ ನಡೆಸಿ ನಷ್ಟ ಹೊಂದಿದ ರೈತರಿಗೆ ಸರಕಾರ ಶೀಘ್ರ ಪರಿಹಾರ ಘೋಷಿಸಬೇಕೆಂದು ವೇದಿಕೆಯ ಘಟಕದ ಅಧ್ಯಕ್ಷರಾದ ಬಸವರಾಜ ಯಳಸಂಗಿ ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಮಹಾದೇವ ಮಿಟೆಕಾರ,ಸಚಿನಕುಮಾರ ಶೀಲವಂತ, ಶ್ರೀಶೈಲ ನೀಗಶೆಟ್ಟಿ, ಪ್ರವೀಣ ಮಿಟೆಕಾರ, ಅನಿಲ ನಾಗುರ,ಕ್ಷೇಮಲಿಂಗ ಕಂಭಾರ , ಇನ್ನಿತರರು ಉಪಸ್ಥಿತರಿದ್ದರು.