ಸ್ವದೇಶಿ ಜಾಗರಣ ಮಂಚ್ ಪ್ರತಿಭಟನೆ ವಿದೇಶಿ ಕಂಪನಿಗಳ ಕಡಿವಾಣಕ್ಕೆ ಅಗ್ರಹ

ಸುರಪುರ: ನಗರದ ತಹಸೀಲ್ದಾರ್ ಕಚೇರಿ ಮುಂದೆ ಸ್ವದೇಶೀ ಜಾಗರಣಾ ಮಂಚ್ ಸಂಘಟನೆಯ ಮುಖಂಡರು ಪ್ರತಿಭಟನೆ ನಡೆಸಿ ವಿದೇಶಿ ವಸ್ತು ಮತ್ತು ಕಂಪನಿಗಳ ನಿಷೇಧಕ್ಕೆ ಆಗ್ರಹಿಸಿದರು.

ಈ ಸಂದರ್ಭದಲ್ಲಿ ಸ್ವದೇಶಿ ಜಾಗರಣ ಮಂಚ್ ಜಿಲ್ಲಾ ಸಂಯೋಜಕ ಶರಣಬಸವ ಚಟ್ಟಿ ಮಾತನಾಡಿ, ವಿದೇಶಿ ವಸ್ತು ಹಾಗೂ ಕಂಪನಿಗಳಿಗೆ ಕಡಿವಾಣ ಹಾಕಬೇಕ ದೇಶದಲ್ಲಿ ಸುಮಾರು ೪ ಸಾವಿರದಷ್ಟು ವಿದೇಶಿ ಕಂಪನಿಗಳು ಬೀಡು ಬಿಟ್ಟಿದ್ದು ಇದರಿಂದ ದೇಶದ ಕಂಪನಿಗಳ ಮೇಲೆ ದೊಡ್ಡ ಪರಿಣಾಮ ಬೀರಿದೆ. ನಮ್ಮ ದೇಶದ ೭ ಕೋಟಿ ಕಂಪನಿಗಳಿದ್ದರು ವಿದೇಶಿ ಕಂಪನಿಗಳು ದೇಶದ ಹಣವನ್ನು ಕೊಳ್ಳೆ ಹೊಡೆಯುತ್ತಿವೆ.ಆದ್ದರಿಂದ ವಿದೇಶಿ ಕಂಪನಿಗಳಿಗೆ ಹೆಚ್ಚಿನ ತೆರಿಗೆ ಜೊತೆಗೆ ವಿದೇಶಿ ವಸ್ತುಗಳ ಆಮದಿಗೆ ಹೆಚ್ಚಿನ ತೆರಿಗೆ ವಿಧಿಸಬೇಕೆಂದು ಹಾಗೂ ವಿದೇಶಿ ಕಂಪನಿಗಳಲ್ಲಿನ ಉದ್ಯೋಗ ನೇಮಕಾತಿಯಲ್ಲಿ ಸ್ಥಳಿಯರಿಗೆ ಆದ್ಯತೆ ನೀಡುವಂತೆ ನಿಯಮ ರೂಪಿಸಬೇಕೆಂದು ಒತ್ತಾಯಿಸಿದರು.

ಇಂದಿನ ಯುಗದಲ್ಲಿ ಜಾಗತಿಕವಾಗಿ ನಮ್ಮ ದೇಶವನ್ನು ಬೇಳಸಲುಹೋಗಿ ಮತ್ತೆ ನಾವು ಇನ್ನೊಂದು ಕಂಪನಿಗೆ ಗುಲಾಮರಾಗುವ ಪರಿಸ್ಥಿತಿ ಎದುರಾಗುತ್ತಿದೆ ಇಂದು ದೇಶದಲ್ಲಿರುವ ಭಾರತೀಯರ ಒಡೆತನದ ಕಂಪನಿಗಳಿಗಿಂತ ಹೊರದೇಶದ ಕಂಪನಿಗಳು ಹೆಚ್ಚಾಗುತ್ತಿವೆ ಇದು ನಮ್ಮ ದೇಶದ ಸಂಪನ್ಮೂಲ ಮತ್ತು ನಮ್ಮ ದೇಶಹಣವನ್ನು ವಿದೇಶಗಳಿಗೆ ನೀಡಿ ನಮ್ಮತನವನ್ನು ಕಳೆದುಕೊಳ್ಳುತ್ತಿದ್ದೇವೆ ಹೀಗಾಗಿ ವಿದೇಶಿಕಂಪನಿಗಳಿಗೆ ಕಡಿವಾಣಹಾಕುವುದು ಅವಶ್ಯಕವಾಗಿದೆ ಎಂದರು.

ನಂತರ ಪ್ರಧಾನ ಮಂತ್ರಿಯವರಿಗೆ ಬರೆದ ಮನವಿಯನ್ನು ಶಿರಸ್ತೆದಾರ ನಿಸಾರ ಅಹ್ಮದ್ ಅವರ ಮೂಲಕ ಸಲ್ಲಿಸಿದರು.ಈ ಸಂದರ್ಭದಲ್ಲಿ ಶಿವರಾಜ್ ಶೆಟ್ಟಿ, ಆನಂದ ದೇವರ್‌ಶೆಟ್ಟಿ, ಬಸವರಾಜ ಕೊಳೂರ, ಅವಿನಾಶ್ ಪತ್ತಾರ, ಭರತ್ ಚೆಟ್ಟಿ, ಗೋಪಾಲ ಕುಲಕರ್ಣಿ ಇತರರಿದ್ದರು.