ಕೊರೊನಾ ನಿರ್ಮೂಲನೆಗೆ ನಗರದ ವಾರ್ಡ್‍ಗಳಲ್ಲಿನ ಬಿಎಲ್‍ಒಗಳಿಗೆ ಸೂಚನೆ-ಅಶೋಕ ಸುರಪುರಕರ್

ಸುರಪುರ: ನಗರದ ತಹಸೀಲ್ ಸಭಾಂಗಣದಲ್ಲಿ ನಗರದ 31 ವಾರ್ಡ್‍ಗಳಲ್ಲಿನ ಬಿಎಲ್‍ಒಗಳ ಸಭೆ ನಡೆಸಿ ಎಲ್ಲಾ ವಾರ್ಡುಗಳಲ್ಲಿ ಕೊರೊನಾ ನಿರ್ಮೂಲನೆಗೆ ಕೆಸಲ ಮಾಡಲು ಮುಂದಾಗುವಂತೆ ಕರೆ ನೀಡಲಾಯಿತು.

ಸಭೆಯಲ್ಲಿ ಭಾಗವಹಿಸಿದ್ದ ಚುನಾವಣಾ ಶಾಖೆಯ ಸಿರಸ್ತೆದಾರ ಅಶೋಕ ಸುರಪುರಕರ್ ಮಾತನಾಡಿ,ಜಿಲ್ಲಾಧಿಕಾರಿಗಳ ಆದೇಶದ ಮೇರೆಗೆ ನಗರದ ಎಲ್ಲಾ 31 ವಾರ್ಡ್‍ಗಳಲ್ಲಿನ ಬಿಎಲ್‍ಒಗಳು ಕೊರೊನಾ ನಿರ್ಮೂಲನೆಯ ಕಾರ್ಯದಲ್ಲಿ ತೊಡಗಿಕೊಂಡು ಆಯಾ ವಾರ್ಡ್‍ಗಳಲ್ಲಿನ ಕೊರೊನಾ ಸೊಂಕಿತರು ಹಾಗು ಸೊಂಕಿತರೊಂದಿಗಿನ ಪ್ರಾಥಮಿಕ ಸಂಪರ್ಕ ಹೊಂದಿದವರು ಮತ್ತು ಗೃಹ ದಿಗ್ಬಂಧನದಲ್ಲಿರುವವರ ಮೇಲೆ ನಿಗಾವಹಿಸಲು ತಾವೆಲ್ಲರು ಕಾರ್ಯಪ್ರವೃತ್ತರಾಗಿ ಆರೋಗ್ಯ ಇಲಾಖೆಗೆ ನಿರಂತರ ಮಾಹಿತಿ ನೀಡುವಂತೆ ತಿಳಿಸಿದರು.

ಈ ಸಂದರ್ಭದಲ್ಲಿ ಸಿರಸ್ತೆದಾರ ನಾಸಿರ್ ಅಹ್ಮದ್ ಆರೋಗ್ಯ ಇಲಾಖೆಯ ಸುರೇಶ, ನಾಗವೇಣಿ ಹಾಗು ಎಲ್ಲಾ 31 ವಾರ್ಡ್‍ಗಳ ಬಿಎಲ್‍ಒಗಳು ಸಭೆಯಲ್ಲಿ ಭಾಗವಹಿಸಿದ್ದರು.