ನೂತನ ಕಟ್ಟಡ ಕಾರ್ಮಿಕ ಸಂಘ ಅಸ್ತಿತ್ವಕ್ಕೆ

ಕಲಬುರಗಿ: ಅಸಂಘಟಿತ ಕಟ್ಟಡ ಕಾರ್ಮಿಕರು ಅನೇಕ ಸಮಸ್ಯೆಗಳಿಂದಾಗಿ ತೊಂದರೆಯಲ್ಲಿ ಸಿಲುಕಿಕೊಂಡಿದ್ದಾರೆ. ಕೊವಿಡ್-19ರ ಕಾರಣ ಅನೇಕ ಕಾರ್ಮಿಕರು ಉದ್ಯೋಗವಿಲ್ಲದೇ ಒಂದು ಹೊತ್ತು ಊಟಕ್ಕೂ ಪರದಾಡವಂತಾಗಿದೆ. ಕಾರ್ಮಿಕರ ಕಲ್ಯಾಣದ ಹಿತದೃಷ್ಠಿಯಿಂದ ಹಾಗೂ ದುಡಿಯುವ ಕಾರ್ಮಿಕರ ಕುಟುಂದವರ ಕಲ್ಯಾಣಕ್ಕಾಗಿ ನೂತನವಾಗಿ ನವ ಕಲ್ಯಾಣ ಕರ್ನಾಟಕ ಕಟ್ಟಡ ಕಾರ್ಮಿಕರ ಸಂಘ ಅಸ್ತಿತ್ವಕ್ಕೆ ತರಲಾಗಿದೆ ಎಂದು ಮುಖಂಡರು ತಿಳಿಸಿದರು.

ಆ. 14 ರಂದು ನಡೆದ ಸಂಘದ ಸಭೆಯಲ್ಲಿ ಗೌರವ ಅಧ್ಯಕ್ಷರಾಗಿ ಮಲ್ಲಪ್ಪ ಚಿಗಾನೂರ, ಅಧ್ಯಕ್ಷರಾಗಿ ಭೀಮಾರಾಯ ಮಹಾದೇವಪ್ಪ ಅವರನ್ನು ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.

ಉಪಾಧ್ಯಕ್ಷರನ್ನಾಗಿ ಶಿವಕುಮಾರ ಶರಣಪ್ಪ, ಕಾರ್ಯದರ್ಶಿಯಾಗಿ ಮರೆಪ್ಪ ಹೆಚ್. ರೊಟನಡಗಿ, ಜಂಟಿ ಕಾರ್ಯದರ್ಶಿಯಾಗಿ ಶರಣಪ್ಪ ಅರ್ಜುನ, ಖಚಾಂಚಿಯಾಗಿ ದೇವೀಂದ್ರ ಶಿವಶರಣಪ್ಪ ಸದಸ್ಯರಾಗಿ ದತ್ತಾತ್ರೇಯ ಕಲ್ಯಾಣಿ, ಯಲ್ಲಪ್ಪ ಚಿಗಾನೂರ, ಮಲ್ಲಿಕಾರ್ಜುನ ಹಣಮಂತ, ಮಡಿವಾಳಪ್ಪ ಆರ್. ಚಿಗಾನೂರ,, ನಾಗೇಶ ಲಕ್ಷ್ಮಣ, ಚಂದ್ರಕಾಂತ ಕಲ್ಯಾಣಿ ಮಹಿಳಾ ಸದಸ್ಯೆಯಾಗಿ ಸಾವಿತ್ರಿ ಭೀಮರಾಯ ಅವರನ್ನು ಆಯ್ಕೆ ಮಾಡಲಾಯಿತು.

ಸಭೆಯಲ್ಲಿ ಸುಮಾರು 70 ಕ್ಕೂ ಅಧಿಕ ಕಾರ್ಮಿಕರು ಭಾಗವಹಿಸಿದ್ದು, ಕಾರ್ಮಿಕ ಇಲಾಖೆಯಿಂದ ಅಥವಾ ಜಿಲ್ಲಾಡಳಿತದಿಂದ ಬಡ ಕಾರ್ಮಿಕರಿಗಾಗಿ ಹಾಗೂ ಅಸಂಘಟಿತ ಕಾರ್ಮಿಕರಿಗೆ ಇರುವ ಸವಲತ್ತುಗಳು ದೊರಕುವ ಪ್ರಾಮಾಣಿಕ ಪ್ರಯತ್ನವನ್ನು ಸಂಘದ ಕಡೆಯಿಂದ ಮಾಡಲು ತೀರ್ಮಾನಿಸಲಾಯಿತು.