ಕನ್ನಡ ಸಾಹಿತ್ಯ ಪರಿಷತ್ತು ವತಿಯಿಂದ ಹಿರಿಯ ಸಾಹಿತಿಗಳಿಗೆ ನುಡಿ ನಮನ

ಕಲಬುರಗಿ: ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತು ವತಿಯಿಂದ ಇಂದು ಕನ್ನಡ ಭವನದಲ್ಲಿ ಈ ಭಾಗದ ಹಿರಿಯ ಸಾಹಿತಿಗಳಾದ ದಿ.ಡಾ.ಚೆನ್ನಣ್ಣ ವಾಲಿಕಾರ, ದಿ.ಡಾ.ಗೀತಾ ನಾಗಭೂಷಣ,ದಿ. ಗವೀಶ ಹಿರೇಮಠ, ದಿ.ಡಾ. ಈಶ್ವರಯ್ಯ ಮಠ ಇವರಿಗೆ ನುಡಿ ನಮನ ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಜಿಲ್ಲಾ ಅಧ್ಯಕ್ಷ ವೀರಭದ್ರ ಸಿಂಪಿಯವರು ಮಾತನಾಡುತ್ತ ಈ ಭಾಗದ ನಾಲ್ಕು ಜನ ಹಿರಿಯ ಸಾಹಿತಿಗಳನ್ನು ಕಳೆದುಕೊಂಡ ನಾವು ಅನಾಥರಾಗಿದ್ದೆವೆ. ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ತಮ್ಮ ವ್ಯಕ್ತಿತ್ವವನ್ನು ಬೆಳೆಸಿಕೊಂಡು ಬಂದವರು ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿ ತಾಲೂಕು ಕಸಾಪ ಅಧ್ಯಕ್ಷರಾದ ಸಿ.ಎಸ್.ಮಾಲಿಪಾಟೀಲ ಮಾತನಾಡುತ್ತ, ಅಖಿಲ ಭಾರತ ಸಾಹಿತ್ಯ ಸಮ್ಮೇಳನ ಮುಗಿಸಿಕೊಂಡು ಸಂತೋಷದಲ್ಲಿದ್ದ ನಾವುಗಳು ಮುಂದೆ ಕೊರೋನಾ ವೈರಸ್ ಸೋಂಕಿನಿಂದ ಇಡೀ ಪ್ರಪಂಚವು ತಲ್ಲಣಗೊಂಡಿದೆ.

ಸುಮಾರು ಮಾರ್ಚನಿಂದ ಒಬ್ಬರಿಗೊಬ್ಬರು ಯೋಗ ಕ್ಷೇಮದ ಬಗ್ಗೆ ಮೊಬೈಲನಲ್ಲಿಯೇ ವಿಚಾರಿಸುತ್ತಿದ್ದ ಈ ಸಂದರ್ಭದಲ್ಲಿ ನಮ್ಮ ಭಾಗದ ಹಿರಿಯ ಸಾಹಿತಿಗಳು ನಮ್ಮನ್ನಗಲಿ ಹೋಗಿರುವುದು ತುಂಬಲಾರದ ನಷ್ಟವಾಗಿದೆ. ಅದರಲ್ಲೂ ಕರ್ತವ್ಯದಲ್ಲಿದ್ದ ಡಾ.ಈಶ್ವರಯ್ಯ ಮಠರವರು ಅಗಲಿರುವ ಸುದ್ದಿ ಸಾಹಿತಿ ಲೇಖಕರಿಗೂ ಶಿಕ್ಷಣ ಪ್ರೇಮಿಗಳಿಗು ವಿಧ್ಯಾರ್ಥಿಗಳಿಗು ನೋವನ್ನುಂಟು ಮಾಡಿದೆ,ಆ ಕಾರಣಕ್ಕಾಗಿ ಆ ಎಲ್ಲ ಹಿರಿಯ ಸಾಹಿತಿ ದಿಗ್ಗಜರಿಗೆ ತಾಲೂಕು ಪರಿಷತ್ತಿನಿಂದ ನುಡಿ ನಮನ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಈ ಸಂದರ್ಭದಲ್ಲಿ ವಿಶ್ವನಾಥ ಭಕರೆ, ದೌಲತರಾವ ಪಾಟೀಲ, ವೆಂಕಟೇಶ ನೀರಡಗಿ, ಅರುಣಾ ಹಳ್ಳಿಖೇಡ, ಭಾನುಕುಮಾರ ಗಿರೇಗೋಳ, ಎನ್.ಸಿ.ವಾರದ ಮಲ್ಲಿಕಾರ್ಜುನ ಸಂಗಶೆಟ್ಟಿ, ಮುಂತಾದವರು ಉಪಸ್ಥಿತರಿದ್ದರು.