ಗ್ರಾಮ ಪಂಚಾಯತ ಮುಂದೆ ಪ್ರತಿಭಟನೆ

ಆಳಂದ: ನಿಂಬರ್ಗಾ ಗ್ರಾ.ಪಂ. ಮುಂದೆ ಕ.ರ.ವೇ  ವಲಯ ಅಧ್ಯಕ್ಷರಾದ ಬಸವರಾಜ ಯಳಸಂಗಿ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಲಾಯಿತು.

ನಿಂಬರ್ಗಾ ಗ್ರಾಮದಲ್ಲಿ ಗ್ರಾ.ಪಂ. ಇದ್ದರೂ, ಗ್ರಾಮ ಇನ್ನೂ ಅಭಿವೃದ್ಧಿ ಕಾಣದೆ ಇರೋದು ದುರ್ದೈವವಾಗಿದ್ದು, ವಾರ್ಡ್-2 (ಶರಣ ನಗರ)ದಲ್ಲಿ ಇದುವರೆಗೂ ಒಂದೇ ಒಂದು ಸಿ.ಸಿ. ರಸ್ತೆಗಳಿಲ್ಲ, ಚರಂಡಿ ವ್ಯವಸ್ಥೆ ಇಲ್ಲ, ಸಾಕಷ್ಟು ಬೀದಿ ದೀಪಗಳಿಲ್ಲ,ಸರಿಯಾಗಿ ಕುಡಿಯುವ ನೀರಿನ ವ್ಯವಸ್ಥೆ ಇಲ್ಲ,ಬಚ್ಚಲ ನೀರು ರಸ್ತೆ ಮೇಲೆ ನಿಂತು ಅನೇಕ ಸಾಂಕ್ರಾಮಿಕ ರೋಗಗಳು ಹರಡುವ ಭೀತಿ ಎದುರಾಗಿದೆ ಎಂದರು.

ರೈತಾಪಿ ವರ್ಗದ ಧನ-ಕರುಗಳು, ಆಕಳು, ಎಮ್ಮೆ ಕೇಸರಿನಲ್ಲೇ ನಿಂತಿ ರೋಗಕ್ಕೆ ತುತ್ತಾಗುತ್ತಿವೆ.ಸ್ವಲ್ಪ ಮಳೆ ಬಂದರೆ ಕೆಸರು ಗದ್ದೆಯಂತಾಗುವ ಶರಣ ನಗರದಲ್ಲಿನ ರಸ್ತೆಗಳು ಅನೇಕ ಮಕ್ಕಳು ಹಾಗೂ ವೃದ್ಧರು ಜಾರಿ ಬಿದ್ದು ಗಾಯಗೊಂಡ ಉದಾಹರಣೆಗಳು ನಡೆದಿವೆ. ಅನೇಕ ಭಾರಿ ಗ್ರಾ.ಪಂ. ಗೆ ವಿಷಯ ತಿಳಿಸಿದ್ದರು, ಮನವಿ ಪತ್ರ ಕೊಟ್ಟರು ಅಧಿಕಾರಿಗಳು ನಿರ್ಲಕ್ಷ್ಯ ತೋರಿದ್ದು, ಕೂಡಲೇ ಈ ವಿಷಯಗಳ ಬಗ್ಗೆ ಗಂಭೀರವಾಗಿ ಚರ್ಚಿಸಿ, ನಿಂಬರ್ಗಾ ಗ್ರಾಮದ ಎಲ್ಲಾ ವಾರ್ಡಗಳಲ್ಲಿ ಸರಿಯಾಗಿ ರಸ್ತೆ,ನೀರು,ಚರಂಡಿ ವ್ಯವಸ್ಥೆ,ಮಹಿಳೆಯರಿಗೆ ಶೌಚಾಲಯದ ವ್ಯವಸ್ಥೆ ಕಲ್ಪಿಸಬೇಕೆಂದು ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗೆ ಮನವಿ ಸಲ್ಲಿಸಿ, ಮುಂದಿನ ದಿನಗಳಲ್ಲಿ ಮತ್ತೆ ಹೋರಾಟ ನಡೆಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ಈ ಸಂದರ್ಭದಲ್ಲಿ ನಿಂಬರ್ಗಾ ವಲಯ ಅಧ್ಯಕ್ಷರಾದ ಬಸವರಾಜ ಯಳಸಂಗಿ,ಯುವ ಘಟಕ ಅಧ್ಯಕ್ಷ ಪ್ರವೀಣ್ ಮಿಟೆಕಾರ, ರೈತ ಘಟಕ ಅಧ್ಯಕ್ಷ ಧರ್ಮರಾಯ ವಗ್ದರ್ಗಿ,ವಿಧ್ಯಾರ್ಥಿ ಘಟಕ ಅಧ್ಯಕ್ಷ ಈರಣ್ಣ ಶರಣ,ಕಾರ್ಮಿಕ ಘಟಕ ಅಧ್ಯಕ್ಷ ಯಲ್ಲಪ್ಪ ಕಟ್ಟಿಮನಿ,ಗ್ರಾ.ಘಟಕ ಉಪಾಧ್ಯಕ್ಷ ಮಹಾದೇವ ಮಿಟೆಕಾರ, ಕಾರ್ಯದರ್ಶಿಗಳಾದ ಸಚಿನಕುಮಾರ ಶೀಲವಂತ, ಶಿವಕುಮಾರ ಕುಂಭಾರ, ಕ್ಷೇಮಲಿಂಗ ಕಂಭಾರ, ಹಾಗೂ ಅನಿಲಕುಮಾರ ಮಠಪತಿ,ಶಿವಲಿಂಗ ನಾಗಶೆಟ್ಟಿ,ವೈಜನಾಥ ಮಾ.ಪಾಟೀಲ್ ಉಪಸ್ಥಿತರಿದ್ದರು.