ಚಿಂಚೋಳಿ ಮತಕ್ಷೇತ್ರದಲ್ಲಿ ಕಿತ್ತೋದ ರಸ್ತೆ: ವಾಹನ ಸವಾರರ ಪರದಾಟ

ಚಿಂಚೋಳಿ: ತಾಲ್ಲೂಕಿನ ಕೋಡ್ಲಿ ಗ್ರಾಮದ ರುಮ್ಮನಗೋಡ ಮಾರ್ಗ ಮಧ್ಯದಲ್ಲಿ 1 ಕಿ.ಮೀಟರ್ ನಷ್ಟು ಹಾಗೂ ರುಮ್ಮನಗೋಡ ಮಾರ್ಗ ಹೂವಿನಬಾವಿ ಮಾರ್ಗದ ಮಧ್ಯದಲ್ಲೂ ಅಲ್ಲಲಿ ರಸ್ತೆಯು ಡಾಂಬರೀಕರಣ ಕಿತ್ತು ಹೋಗಿದೆ ತಗ್ಗುಗಳ ಗುಂಡಿಗಳು ಹೆಚ್ಚಾಗಿ ಪ್ರಯಾಣೀಕರು ಜೀವ ಭಯದಿಂದ ಸಾಗುವ ಸನ್ನಿವೇಶ ನಿರ್ಮಾಣವಾಗಿದೆ.

ಪ್ರತಿದಿನ ನೂರಾರು ವಾಹನಗಳು ಚಲಿಸುವ ಈ ಮಾರ್ಗದಲ್ಲಿ ಸವಾರರು ಪರದಾಡುತ ತೊಂದರೆಯಲ್ಲಿ ಪ್ರಯಾಣಿಸುತ್ತಿದ್ದಾರೆ. ಸಂಸದ ಡಾ. ಉಮೇಶ ಜಾಧವ್ ಅವರ ಪುತ್ರ ಅವಿನಾಶ ಜಾಧವ್ ಅವರ ಮತ ಕೇತ್ರ ಇದ್ದಾಗಿದ್ದು, ಕೇವಲ ಹೆಸರಿಗಷ್ಟೆ ರಸ್ತೆ ಕಾಮಗಾರಿಗಳು ನಡೆದಿದ್ದು, ಒಂದು ಅಥವಾ ಎರಡು ವರ್ಷದಲ್ಲಿ ಡಾಂಬರ ಕಿತ್ತು ಬರುವಂತೆ ಕಾಮಗಾರಿ ನಡೆಯುತ್ತಿದೆ ಎಂದು ಶಾಸಕರ ವಿರುದ್ಧ ವಾಹನ ಸವಾರರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಅಲ್ಲದೇ ಜನರು ಅಗತ್ಯ ಕೆಲಸಗಳಿಗೆ ಬರಬೇಕಾದರೆ ಹಾಗೂ ರೋಗಿಗಳು ತುರ್ತು ಚಿಕಿತ್ಸೆಗೆ ತೆರಳಲು ಹರಸಾಹಸ ಪಡಬೇಕಾಗಿರುವುದರಿಂದ ಸಂಚಾರ ವ್ಯವಸ್ಥೆ ಸರಿಪಡಿಸಬೇಕೆಂದು ಸಾಮಾಜಿಕ ಕಾರ್ಯಕರ್ತ ಸಂತೋಷ ಜಾಬೀನ್ ಸುಲೇಪೇಟ ಆಗ್ರಹಿಸಿದ್ದಾರೆ.