ಹತ್ರಾಸ್ ಘಟನೆ ಖಂಡಿಸಿ SFI ಸೇರಿ ಇತರ ಸಂಘಟನೆಗಳಿಂದ ಪ್ರತಿಭಟನೆ

ಬೆಂಗಳೂರು: ಉತ್ತರ ಪ್ರದೇಶದ ಹತ್ರಾಸ್ ನಲ್ಲಿ ಸಾಮೂಹಿಕ ಅತ್ಯಾಚಾರ ಮತ್ತು ಕೊಲೆಗೀಡಾದ ಮನೀಶಾ ಳ ಸಾವಿನ ನ್ಯಾಯಕ್ಕೆ ಆಗ್ರಹಿಸಿ ಮತ್ತು ಜಸ್ಟಿಸ್ ವರ್ಮಾ ಸಮಿತಿಯ ಶಿಫಾರಸುಗಳನ್ನು ಜಾರಿಗೊಳಿಸಲು ಒತ್ತಾಯಿಸಿ SFI – DYFI, AIDWA, DHS ಮತ್ತು AILU ವತಿಯಿಂದ ಬೆಂಗಳೂರು ಸೇರಿ ರಾಜ್ಯದ ವಿವಿಧೆಡೆ ಪ್ರತಿಭಟನೆಯನ್ನು ನಡೆಸಿದರು.

ಉತ್ತರ ಪ್ರದೇಶದಲ್ಲಿ ಮಹಿಳೆಯರಿಗೆ ವಿರುದ್ಧ ವಾಗಿ ಬೆಳೆಯುತ್ತಿರುವ ನಿತ್ಯವೂ ಹಿಂಸಾಚಾರ ವನ್ನು ಸಂಘಟನೆಗಳು ತೀವ್ರವಾಗಿ ಖಂಡಿಸುತ್ತವೆ. ಮೊನ್ನೆ ಉತ್ತರ ಪ್ರದೇಶದ ಹತ್ರಾಸ್ ನಲ್ಲಿ ನಡೆದ ದಲಿತ ಯುವತಿಯ ಕ್ರೂರವಾದ, ಸಾಮೂಹಿಕ ಅತ್ಯಾಚಾರ ಮಾಡಿ ಕೊಲೆ ಮಾಡಿರುವವರು ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಪ್ರತಿಭಟನೆ ಮಾಡುವ ಮೂಲಕ ಆಗ್ರಹಿಸಿದರು.

ಆರೋಪಗಳು ಸಾಕ್ಷ್ಯ ನಾಶಕ್ಕಾಗಿ ಅವಳ ನಾಲಿಗೆಯನ್ನು ಕತ್ತರಿಸಿದ್ದರು. ಹಾಗೂ ಮನೀಶಾಳ ಕುಟುಂಬವು ನಾಲ್ಕೈದು ದಿನಗಳ ವರೆಗೆ ಅಲಿಘರ್ ಠಾಣೆಗೆ ಅಲೆದಾಡಿದರು ಪೋಲಿಸರು ಪ್ರಕರಣ ದಾಖಲಿಸಲು ಹಿಂದೇಟು ಹಾಕಿ ಆರೋಪಗಳನ್ನು ಬಚ್ಚಾವ್ ಮಾಡಲು ಯತ್ನಿಸಿದರು ಎಂದು ಕುಟುಂಬಸ್ಥರು ಆರೋಪಿಸುತ್ತಾರೆ.

ಉತ್ತರ ಪ್ರದೇಶ ರಾಜ್ಯವು ಮಹಿಳೆಯರ ಅಪಹರಣ, ಅತ್ಯಾಚಾರ, ಕೊಲೆ, ದೌರ್ಜನ್ಯ ಮತ್ತು ದರೋಡೆ ಯಂತ ಘಟನೆಗಳು ದಿನ ದಿನ ಹೆಚ್ಚುತ್ತಾ ಅಪರಾಧದ ತವರೂರಾಗಿ ಮಾರ್ಪಾಡುತ್ತಿದೆ. ಉತ್ತರ ಪ್ರದೇಶದಲ್ಲಿ ರಾಜಕಾರಣಿ ಗಳು ಅಪರಾಧಿಗಳಿಗೆ ನೀಡುತ್ತಿರುವ ಬೆಂಬಲ ಮತ್ತು ಸಹಕಾರದಿಂದಾಗಿಯೆ ಅಲ್ಲಿನ ಗೂಂಡಾಗಳು ಕಾನೂನಿನ ಯಾವುದೇ ಭಯ ಇಲ್ಲದೆ ನಿರ್ಭಯವಾಗಿ ತಿರುಗುತ್ತಾ ತಮ್ಮ ಕುಕೃತ್ಯಗಳನ್ನು ಮಾಡುತ್ತಾ ಮೆರೆಯುತ್ತಿದ್ದಾರೆ. ಉನ್ನಾವೋ ಅತ್ಯಾಚಾರ ಪ್ರಕರಣವನ್ನು ತನಿಖೆ ನಡೆಸಿದ ‌ಸಿಬಿಐ ಇಬ್ಬರು IPS ಮತ್ತು ಒಬ್ಬ IAS ಅಧಿಕಾರಿಗಳು ಆ ಪ್ರಕರಣವನ್ನು ಸರಿಯಾಗಿ ತನಿಖೆ ನೆಡೆಸಿಲ್ಲ ಮತ್ತು ಅವರು ಸರಿಯಾಗಿ ಕರ್ತವ್ಯ ನಿರ್ವಹಿಸಿಲ್ಲ ಹಾಗಾಗಿ ಅವರ ವಿರುದ್ದ ಕ್ರಮ ಕೈಗೊಳ್ಳಲು ಸಿಬಿಐ ಸರ್ಕಾರಕ್ಕೆ ಹೇಳಿತ್ತು. ಆದರೆ ಉತ್ತರ ಪ್ರದೇಶ ಅಲ್ಲಿನ ಸರ್ಕಾರ ಇಲ್ಲಿಯವರೆಗೂ ಇವರ ವಿರುದ್ದ ಯಾವುದೇ ಕ್ರಮ ಕೈಗೊಂಡಿಲ್ಲ.

ಸಂತ್ರಸ್ತಯ ಕುಟುಂಬಕ್ಕೆ ಸೂಕ್ತ ಪೋಲಿಸ್ ರಕ್ಷಣೆ ಮತ್ತು ಅಗತ್ಯ ಪರಿಹಾರವನ್ನು ನೀಡಿ ಪ್ರಕರಣ ಅಪರಾಧಿಗಳಿಗೆ ಕಾನೂನಿನ ಕಠಿಣ ಶಿಕ್ಷೆಯನ್ನು ವಿಧಿಸಬೇಕು ಹಾಗೂ ಹೆಣ್ಣುಮಕ್ಕಳ ರಕ್ಷಣೆಗಾಗಿಯೆ ನಡೆದ ಜಸ್ಟಿಸ್ ವರ್ಮಾ ಸಮಿತಿಯ ಶಿಫಾರಸುಗಳನ್ನು ದೇಶದಲ್ಲಿ ಜಾರಿಗೆ ತರಲು ಮುಂದಾಗಬೇಕೆಂದು SFI, DYFI AIDWA, DHS, AILU ಸಂಘಟನೆಗಳು ಬೆಂಗಳೂರಿನ ಮೈಸೂರು ಬ್ಯಾಂಕ್ ಸರ್ಕಲ್, ಕೋಲಾರ, ಹೊಸಪೇಟೆ, ಕವಿತಾಳ, ಜಾಲಹಳ್ಳಿ, ಶಿಂಗ್ಗಾವ್, ಗಜೇಂದ್ರ ಗಡ ಸೇರಿ ರಾಜ್ಯದ ವಿವಿಧೆಡೆ ಪ್ರತಿಭಟನೆ ಮಾಡಿ ಒತ್ತಾಯಿಸಿದರು.

ಈ ಸಂಧರ್ಭದಲ್ಲಿ SFI ರಾಜ್ಯ ಕಾರ್ಯದರ್ಶಿ ವಾಸುದೇವ ರೆಡ್ಡಿ, ಕೆ. AIDWA ಮುಖಂಡರಾದ ಗೌರಮ್ಮ, KS ಲಕ್ಷ್ಮೀ, CITU ಮುಖಂಡರಾದ ಎಸ್. ವರಲಕ್ಷ್ಮೀ, DHS ಸಂಚಾಲಕರಾ ರಾಚಪ್ಪ, SFI ರಾಜ್ಯ ಉಪಾಧ್ಯಕ್ಷರಾದ ಶಿವಕುಮಾರ ಮ್ಯಾಗಳಮನಿ, ದಿಲೀಪ್ ಶೆಟ್ಟಿ, ಜಂಟಿ ಕಾರ್ಯದರ್ಶಿ ಭೀಮನಗೌಡ, ಸಾಗರ್, ಬಸ್ಸಮ್ಮ, ಜನನಿ, ಅಭಿಷೇಕ್ ಸೇರಿ ಅನೇಕರಿದ್ದರು.