ಮಹಾತ್ಮ ಗಾಂಧಿಜಿ ಜಯಂತಿ ಅಂಗವಾಗಿ ಶ್ರಮಿಕರಿಗೆ ಉಚಿತ ಕೊರೊನಾ ಪರೀಕ್ಷೆ

ಸುರಪುರ: ಮಹಾತ್ಮ ಗಾಂಧಿಯವರ ೧೫೦ನೇ ಜಯಂತಿ ಅಂಗವಾಗಿ ವಿಶೇಷ ಕ್ಷೇತ್ರ ಆರೋಗ್ಯ ತಪಾಸಣಾ ಶಿಬಿರವನ್ನು ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಆಶಾ ಮತ್ತು ಪೌರ ಕಾರ್ಮಿಕರ ಉಚಿತ ಕೊರೊನಾ ತಪಾಸಣೆಯ ಮೂಲಕ ನಡೆಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ತಾಲೂಕು ಆರೋಗ್ಯಾಧಿಕಾರಿ ಡಾ: ಆರ್.ವಿ.ನಾಯಕ ಮಾತನಾಡಿ,ಸರಕಾರದ ಆದೇಶದಂತೆ ರಾಷ್ಟ್ರೀಯ ನಗರ ಆರೋಗ್ಯ ಅಭಿಯಾನ ಹಾಗು ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದ ವತಿಯಿಂದ ಮಹಾತ್ಮ ಗಾಂಧಿಯವರ ೧೫೦ನೇ ಜಯಂತಿ ಅಂಗವಾಗಿ ಶ್ರಮಿಕರಿಗಾಗಿ ವಿಶೇಷ ಕ್ಷೇತ್ರ ಆರೋಗ್ಯ ತಪಾಸಣಾ ಶಿಬಿರವನ್ನು ಹಮ್ಮಿಕೊಳ್ಳಲಾಗಿದೆ.ಈ ಶಿಬಿರದಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಪೌರ ಕಾರ್ಮಿಕರು ಹಾಗು ಆರೋಗ್ಯ ಇಲಾಖೆಯ ಸಿಬ್ಬಂದಿಗಳ ಆರೋಗ್ಯ ತಪಾಸಣೆ ಹಾಗು ಕೊರೊನಾ ಕ್ಯಾನ್ಸರ್ ರಕ್ತದೊತ್ತಡ ಹಾಗು ಮಧುಮೇಹ ಕಾಯಿಲೆಗಳ ತಪಾಸಣಾ ಶಿಬಿರ ನಡೆಸಲಾಗುತ್ತಿದೆ ಎಂದು ತಿಳಿಸಿದರು.

ನಂತರ ನಡೆದ ಆರೋಗ್ಯ ತಪಾಸಣೆಯಲ್ಲಿ ೧೬೮ ಜನರ ಆರೋಗ್ಯ ತಪಾಸಣೆ ನಡೆಸಲಾಯಿತು.ಇದರಲ್ಲಿ ೯೫ ಹೆಣ್ಣು ೫೮ ಗಂಡು ಹಾಗು ೨೦ ಮಕ್ಕಳ ಆರೋಗ್ಯ ಪರೀಕ್ಷಿಸಲಾಯಿತು.೨೬ ಜನರ ಕೊರೊನಾ ಪರೀಕ್ಷೆ ೫೮ ಜನರ ರಕ್ತದೊತ್ತಡ ಪರೀಕ್ಷೆ ೩೩ ಜನರ ಮಧುಮೇಹ ಪರೀಕ್ಷೆ ನಡೆಸಲಾಯಿತು.ಮಕ್ಕಳ ತಜ್ಞ ಡಾ: ರಾಹುಲ್ ಜ್ಯೋತಿ ಬೆಳಗಿಸುವ ಮೂಲಕ ಶಿಬಿರಕ್ಕೆ ಚಾಲನೆ ನೀಡಿದರು ಆಯುಷ್ ವೈದ್ಯೆ ಡಾ: ಪರಿಮಳ ಮುಖ್ಯ ಅತಿಥಿಗಳಾಗಿದ್ದರು.

ಸಂಗಣ್ಣ ಚೆಟ್ಟಿ ಕಾರ್ಯಕ್ರಮ ನಿರ್ವಹಿಸಿದರು.ಕಾರ್ಯಕ್ರಮದಲ್ಲಿ ಹಣಮಂತ ಅನ್ವರ್ ಉಮಾಶಂಕರ ಸಯ್ಯದ್ ವೆಂಕಟೇಶ ಸುನಿತಾ ಬಿ ಪದ್ಮಾವತಿ ಸ್ವಪ್ನಾ ಜೇಜಮ್ಮಾ ಪದ್ದಮ್ಮ ಸುನಿತಾ ಸೇರಿದಂತೆ ಅನೇಕ ಜನ ಪೌರ ಕಾರ್ಮಿಕರು ಬಾಣಂತಿಯರು ಅಂಗನವಾಡಿ ಮತ್ತು ಆಶಾ ಕಾರ್ಯಕರ್ತೆಯರು ಭಾಗವಹಿಸಿದ್ದರು.