ಸ್ಮಶಾನ ಭೂಮಿಗೆ ಕಂಪೌಂಡ್ ನಿರ್ಮಾಣಕ್ಕೆ ತಹಸೀಲ್ದಾರ್ ಸ್ಥಳ ಪರಿಶೀಲನೆ

ಸುರಪುರ: ನಗರದ ಹಸನಾಪುರ ರಂಗಂಪೇಟೆಯ ಸರ್ವೆ ನಂಬರ್ ೭೩/೧ ರಲ್ಲಿನ ೧ ಎಕರೆ ಜಾಗದಲ್ಲಿನ ಸ್ಮಶಾನ ಭೂಮಿಗೆ ಕಂಪೌಂಡ್ ನಿರ್ಮಾಣಕ್ಕೆ ತಹಸೀಲ್ದಾರ್ ನಿಂಗಣ್ಣ ಬಿರಾದಾವ್ ಅವರು ಸ್ಥಳ ಪರಿಶೀಲನೆ ನಡೆಸಿದರು.

ಈ ಕುರಿತು ಅನೇಕ ತಿಂಗಳುಗಳಿಂದ ಇಲ್ಲಿಯ ಸ್ಮಶಾನದ ಜಾಗ ಒತ್ತುವರಿಯಾಗಿದೆ ಎಂದು ಸಾರ್ವಜನಿಕರು ತಾಲೂಕು ಆಡಳಿತಕ್ಕೆ ಮನವಿ ಮಾಡಿ ತಮಗೆ ಸ್ಮಶಾನ ಜಾಗವಮನ್ನು ದೊರಕಿಸಿ ಕೊಡುವಂತೆ ಮನವಿ ಮಾಡುತ್ತಿದ್ದರು.ಈಗ ಸ್ಮಶಾನ ಭೂಮಿಗೆ ೫ ಲಕ್ಷ ರೂಪಾಯಿಗಳ ಕಂಪೌಂಡ್ ನಿರ್ಮಾಣಕ್ಕೆ ಹಣ ಮಂಜೂರಾಗಿದ್ದು ಇಂದು ತಹಸೀಲ್ದಾರರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಈ ಸಂದರ್ಭದಲ್ಲಿ ಕಂದಾಯ ನಿರೀಕ್ಷಕ ಗುರುಬಸಪ್ಪ ಗ್ರಾಮ ಲೆಕ್ಕಾಧಿಕಾರಿಗಳು ಹಾಗು ಮುಖಂಡರಾದ ಸವಿತಾ ಸಮಾಜದ ಅಧ್ಯಕ್ಷ ಗೋಪಾಲ ಚಿನ್ನಾಕಾರ ಭಗಿರಥ ಸಮಾಜದ ಮುಖಂಡ ಯಂಕಣ್ಣ ಗದ್ವಾಲ ರಾಘವೇಂದ್ರ ಕಡಬೂರ ನರಸಪ್ಪ ಚಿನ್ನಾಕಾರ್ ಬಸವರಾಜ ಚಿನ್ನಾಕಾರ್ ಇತರರಿದ್ದರು.