ಕಲಾವಿದ ಯಲ್ಲಪ್ಪ ಹುಲಿಕಲ್‌ಗೆ ಬಸವ ಜ್ಯೋತಿ ಸದ್ಭಾವನಾ ಪ್ರಶಸ್ತಿ ಪ್ರದಾನ

ಸುರಪುರ: ನಗರದ ಗೃಹ ರಕ್ಷಕ ದಳದ ಕಂಪನಿ ಕಮಾಂಡರ್ ಮತ್ತು ನ್ಯಾಯವಾದಿ ಹಾಗು ಜಾನಪದ ಕಲಾವಿದರಾದ ಯಲ್ಲಪ್ಪ ಹುಲಿಕಲ್ ಅವರಿಗೆ ಬಸವ ಜ್ಯೋತಿ ಸದ್ಭಾವನಾ ಪ್ರಶಸ್ತಿಯನ್ನು ನಿಡಿ ಗೌರವಿಸಲಾಗಿದೆ.

ಅಖೀಲ ಕರ್ನಾಟಕ ಹವ್ಯಾಸಿ ರಂಗಭೂಮಿ ಮತ್ತು ಸರ್ವ ಜಾನಪದ ಕಲಾವಿದರ ಸಂಘ ಬೆಂಗಳೂರು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬಾಗಲಕೋಟೆ ಹಾಗು ಕರ್ನಾಟಕ ರಕ್ಷಣಾ ವೇದಿಕೆ ಉತ್ತರ ಕರ್ನಾಟಕ ಇವರುಗಳ ಸಂಯುಕ್ತಾಶ್ರಯದಲ್ಲಿ ಕೂಡಲ ಸಂಗಮದ ಸರ್ವಜ್ಞ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಡಾ: ಪಂಡೀತ ಪುಟ್ಟರಾಜ ಗವಾಯಿಗಳವರ ೧೦ನೇ ಪುಣ್ಯ ಸ್ಮರಣೋತ್ಸವದ ಅಂಗವಾಗಿ ಕರ್ನಾಟಕ ಜಾನಪದ ಕಲಾ ವೈಭವ-೨೦೨೦ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರಿಗೆ ರಾಜ್ಯ ಮಟ್ಟದ ಬಸವಜ್ಯೋತಿ ಬಸವ ಸದ್ಭಾವನ ಪ್ರಶಸ್ತಿಯನ್ನು ನಿಡಲಾಯಿತು.

ಕಾರ್ಯಕ್ರಮದ ಸಾನಿಧ್ಯವಹಿಸಿದ್ದ ಲಿಂಗಾಯತ ಪಂಚಮಸಾಲಿ ಗುರುಪೀಠದ ಬಸವ ಜಯ ಮೃತ್ಯಂಜಯ ಸ್ವಾಮೀಜಿ ಮಾತನಾಡಿ,ಜಗತ್ತಿನ ಮೂಲಕ ಸಂಸ್ಕೃತಿ ಎಂದರೆ ಅದು ಜನಪದ,ಅಂತಹ ಜನಪದ ಇಂದು ಮರೆಯಾಗುತ್ತಿದೆ,ಟಿವಿ ಮೋಬೈಲ್ ಸಿನೆಮಾದ ಹಿಂದೆ ಬಿದ್ದ ಯುವ ಜನಾಂಗ ಜನಪದವನ್ನು ಮರೆಯುತ್ತಿದೆ.ಆದರೆ ಜನಪದವನ್ನು ಇಂದು ಉಳಿಸಿ ಬೆಳೆಸುವ ನಿಟ್ಟಿನಲ್ಲಿ ಸರ್ವ ಜನಪದ ಕಲಾವಿದರ ಸಂಘ ಮತ್ತು ಕರ್ನಾಟಕ ರಕ್ಷಣಾ ವೇದಿಕೆ ಹಾಗು ಕನ್ನಡ ಮತ್ತು ಸಂಸ್ಕೃತಿಕ ಇಲಾಖೆ ಇಂತಹ ಕಾರ್ಯಕ್ರಮದ ಮೂಲಕ ಜನಪದ ಕಲಾವಿದರನ್ನು ಗುರುತಿಸಿ ಗೌರವಿಸುತ್ತಿರುವುದು ಹೆಮ್ಮೆಯ ಸಂಗತಿಯಾಗಿದೆ ಎಂದರು.

ಇದೇ ಸಂದರ್ಭದಲ್ಲಿ ಯಲ್ಲಪ್ಪ ಹುಲಿಕಲ್ ಅವರ ಮೊಮ್ಮಗ ಭರತ್ಯ ನಾಟ ಕಲಾವಿದ ಕು: ಪ್ರೇಮ್‌ಜಿ ಮತ್ತು ಕು: ಹೆಚ್.ಎನ್.ಚೌದ್ರಿ ಬಾಲಕರಿಗೆ ಬಸವಜ್ಯೋತಿ ಪುರಸ್ಕಾರವನ್ನು ನೀಡಲಾಯಿತು.

ಕಾರ್ಯಕ್ರಮದಲ್ಲಿ ಕರ್ನಾಟಕ ರಕ್ಷಣಾ ವೇದಿಕೆಯ ಉತ್ತರ ಕರ್ನಾಟಕ ಅಧ್ಯಕ್ಷ ಶರಣು ಬಿ ಗದ್ದುಗೆ ಬಾಗಲಕೋಟೆ ಜಿಲ್ಲಾ ಗೃಹ ರಕ್ಷಕ ದಳದ ಕಮಾಂಡೆಂಟ್ ಹೆಚ್.ಬಿ.ಚೌದ್ರಿ ರಾಯಣ್ಣ ಗಡ್ಡಿಮನಿ ಸಿದ್ದಣ್ಣ ಬ್ಯಾಡಗಿ ಶಮೀರ್ ಕನವಳ್ಳಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಅಧಿಕಾರಿ ಗೀತಾ ಸೇರಿದಂತೆ ಅನೇಕರಿದ್ದರು.