ಕುಂಬಾರ ಸಮಾಜದ ಒಕ್ಕೂಟ: ಪ್ರಚಾರ ಸಮಿತಿ ರಾಜ್ಯಾಧ್ಯಕ್ಷರಾಗಿ ಜಗದೇವ ಎಸ್ ಕುಂಬಾರ ಆಯ್ಕೆ

ಬೆಂಗಳೂರು: ರಾಜ್ಯದ ಕುಂಬಾರ ಸಮಾಜದ ಒಕ್ಕೂಟದ ಪ್ರಚಾರ ಸಮಿತಿಯ ರಾಜ್ಯಾಧ್ಯಕ್ಷರಾಗಿ ಜಗದೇವ ಎಸ್ ಕುಂಬಾರ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಕುಂಬಾರ ಮಹಾ ಸಂಘದ ರಾಜ್ಯಾಧ್ಯಕ್ಷ ಹಾಗೂ ಶ್ರೀ ಶಿರಡಿ ಸಾಯಿ ಬಾಬಾ ಮಂದಿರದ ಡಿ. ಹಲಸಿಹಳ್ಳಿ ಧರ್ಮಾಧಿಕಾರಿ ಶಿವಕುಮಾರ್ ಚೌಡಶಟ್ಟಿ ತಿಳಿಸಿದ್ದಾರೆ.

ಮಂಡ್ಯ ಜಿಲ್ಲೆಯ ಮಳವಳ್ಳಿ ತಾಲ್ಲೂಕಿನ ಡಿ.ಹಲಸಹಳ್ಳಿ ಸರ್ಕಲ್ ಹತ್ತಿರ ನಿರ್ಮಾಣವಾಗಿರುವ ಶ್ರೀ ಶಿರಡಿ ಸಾಯಿಬಾಬ ಮಂದಿರದಲ್ಲಿ ಹಮ್ಮಿಕೊಂಡಿದ್ದ ಸಮಾಜದ ಒಕ್ಕೂಟದ ಸಭೆಯಲ್ಲಿ ಮಾತನಾಡಿದ ಅವರು ಕುಂಬಾರ ಸಮುದಾಯದ ಒಟ್ಟು ಜನಸಂಖ್ಯೆ ಅಂದಾಜು 20 ಲಕ್ಷಕ್ಕೂ ಹೆಚ್ಚಿದೆ. ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಮತ್ತು ರಾಜಕೀಯವಾಗಿ ತುಂಬಾ ಹಿಂದುಳಿದ ಸಮುದಾಯವಾಗಿದ್ದು ಕುಂಬಾರಿಕೆ ವೃತ್ತಿ ಅವಲಂಬಿತ ಕುಟುಂಬಗಳಿಗೆ ಸರ್ಕಾರ ಯಾವುದೇ ಸಹಾಯಧನ ನೀಡುತ್ತಿಲ್ಲ ಹೀಗಾಗಿ ಸಮಾಜ ಕುಂಠಿತವಾಗಿದೆ.

ಸಾಮಾಜದ ಏಳಿಗೆಗಾಗಿ ರಾಜ್ಯದಲ್ಲಿರುವ ಎಲ್ಲಾ ಸಂಘಗಳು ಒಟ್ಟಿಗೆ ಸೇರಿ ರಾಜ್ಯ ಮಟ್ಟದ ಕುಂಬಾರರ ಒಕ್ಕೂಟ ಮಾಡುವ ಸಲುವಾಗಿ ಒಕ್ಕೂಟದ ಅವಶ್ಯಕತೆ ಇದೆ ಆದರಿಂದ ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲಿ ಒಕ್ಕೂಟದ ಪ್ರಚಾರ ಸಮಿತಿಯಿಂದ ಪ್ರತಿ ಜಿಲ್ಲೆಯಲ್ಲಿ ಸಭೆ ನಡೆಸಲು ಅನುಮತಿ ನೀಡಲಾಗಿದೆ ಎಲ್ಲಾ ಜಿಲ್ಲೆಯು ಸಮಾಜದ ಹಿರಿಯ ಕಿರಿಯ ಮುಖಂಡರು ಸಹಕರಿಸಬೇಕು ಎಂದರು.

ಈ ಸಂದರ್ಭದಲ್ಲಿ ಬೀದರ್ ಜಿಲ್ಲೆಯ ಸಮಾಜದ ಮುಖಂಡ ಬಾಬು ಕುಂಬಾರ.ಚಾಮರಾಜ ನಗರ ಜಿಲ್ಲೆಯ ವೆಂಕಟರಾಜು ಕುಂಬಾರ, ಕಲಬುರ್ಗಿ ಜಿಲ್ಲೆಯ ದೌವಲತರಾಯ ಕುಂಬಾರ, ವಿಜಯಪೂರ ಜಿಲ್ಲೆಯ ಬಸವರಾಜ್ ಕುಂಬಾರ, ಇದ್ದರು ಹಾಗೂ ಫೋನ್ ಕರೆಗಳ ಮೂಲಕ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷ ಆರ್ ಶ್ರೀನಿವಾಸ್, ಮತ್ತು ಕುಂಬಾರ ಮಹಾ ಸಂಘದ ಕಾರ್ಯಧ್ಯಕ್ಷ ಅಣ್ಣಯ್ಯ ಕುಲಾಲ್ ಒಪ್ಪಿಗೆ ಸೂಚಿಸಿದ್ದಾರೆ.