ನಳದ ಪೈಪ್ಲೈನ್ ಒಡೆದು ನೀರು ಪೋಲು. ಶಾಹಪುರದಲ್ಲಿ ಅಧಿಕಾರಿಗಳ ನಿರ್ಲಕ್ಷ ಧೋರಣೆ!?

• ಬಸವರಾಜ ಸಿನ್ನೂರ.

ಶಹಾಪುರ: ಕುಡಿಯುವ ನೀರಿನ ನಳದ ಪೈಪ್ ಲೈನ್ ಒಡೆದು ನೀರು ಪೋಲಾಗುತ್ತಿರುವ ದೃಶ್ಯ ಶಹಾಪುರ ನಗರದ ವಾರ್ಡ್ ನಂಬರ್ 8 ಚರಬಸವೇಶ್ವರ ಕಾಲೊನಿಯಲ್ಲಿ ಕಂಡು ಬಂತು

ಈ ವಿಷಯಕ್ಕೆ ಸಂಬಂಧಿಸಿದಂತೆ ಈಗಾಗಲೆ ನಗರಸಭೆ ಅಧಿಕಾರಿಗಳ ಗಮನಕ್ಕೂ ತಂದರೂ ಪ್ರಯೋಜನೆಯಾಗಿಲ್ಲ ಕಳೆದ 5 ತಿಂಗಳ ಹಿಂದೆ ನಗರಸಭೆ ಸಿಬ್ಬಂದಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿ ಭಾವಚಿತ್ರ ತೆಗೆದುಕೊಂಡು ಮತ್ತು ವರದಿಯನ್ನು ಮಾಡಿಕೊಂಡು ಹೋದವರು ಇತ್ತ ಕಡೆ ಗಮನ ಹರಿಸಿಲ್ಲ ಎಂದು ಬಡಾವಣೆಯ ನಿವಾಸಿಗಳು ಆರೋಪಿಸಿದರು.

ಬೇಸಿಗೆಯಲ್ಲಿ ಕೆಲವೊಂದು ಕಡೆ ನೀರಿನ ಅಭಾವ ತೋರಿದೆ ಆದರೆ ಇಲ್ಲಿ ನೀರು ಪೋಲಾಗುತ್ತಿರುವುದನ್ನು ಕಣ್ಣಾರೆ ಕಂಡು ನಗರಸಭೆ ಅಧಿಕಾರಿಗಳು ಕಣ್ಣು ಮುಚ್ಚಿಕೊಂಡು ಕುಳಿತಿದ್ದಾರೆ. ಪೋಲಾಗುತ್ತಿರುವ ನೀರು ರಸ್ತೆಯ ಮೇಲೆ ನಿಂತು ಕೆಸರು ಗದ್ದೆಯಂತಾಗಿ  ಸಾರ್ವಜನಿಕರಿಗೆ ತುಂಬಾ ತೊಂದರೆಯಾಗುತ್ತಿದೆ ನಿವಾಸಿಗಳು ಕಳವಳ ವ್ಯಕ್ತಪಡಿಸಿದ್ದಾರೆ.

ಕೂಡಲೇ ನಗರಸಭೆಯ ಸಿಬ್ಬಂದಿಗಳು ಇತ್ತ ಕಡೆ ಗಮನ ಹರಿಸಿ ಒಡೆದಿರುವ ಪೈಪ್ ಲೈನನ್ನು ದುರಸ್ತಿ ಮಾಡಿ ಪೋಲಾಗುತ್ತಿರುವ ಜೀವಜಲವನ್ನು ಸಂರಕ್ಷಣೆ ಮಾಡಬೇಕೆಂದು ಕಾಲೋನಿಯ ಪ್ರಗತಿಪರ ಚಿಂತಕರು ಈ ಮೂಲಕ ಎಚ್ಚರಿಕೆ ನೀಡಿದರು.