ಸದಾಶಿವ ಆಯೋಗದ ವರಿದ ಜಾರಿಗೆ ಚೈತನ್ಯ ಯಾತ್ರೆ: ಸುರಪುರದಲ್ಲಿ ಸ್ವಾಗತ

ಸುರಪುರ: ರಾಜ್ಯದಲ್ಲಿನ ಮಾದಿಗ ಸಮುದಾಯದ ಅಭಿವೃಧ್ಧಿಗಾಗಿ ನ್ಯಾ ಎ.ಜೆ.ಸದಾಶಿವ ಆಯೋಗದ ವರದಿ ಜಾರಿಗೆ ಆಗ್ರಹಿಸಿ ಬೀದರ ದಿಂದ ಬೆಂಗಳೂರಿನ ವರೆಗೆ ಹಮ್ಮಿಕೊಳ್ಳಲಾದ ಚೈತನ್ಯ ರಥಯಾತ್ರೆಗೆ ಸುರಪುರ ನಗರದಲ್ಲಿ ಭವ್ಯ ಸ್ವಾಗತವನ್ನು ಕೋರಲಾಯಿತು.

ರಥಯಾತ್ರೆಯನ್ನು ನಗರದ ಮುಖ್ಯ ಬೀದಿಯಲ್ಲಿ ಮೆರವಣಿಗೆ ನಡೆಸಿ ಸದಾಶಿವ ಆಯೋಗದ ವರದಿ ಜಾರಿ ಮಾಡುವಂತೆ ಸರಕಾರಕ್ಕೆ ಒತ್ತಾಯಿಸಿ ಘೋಷಣೆಗಳನ್ನು ಕೂಗಿದರು.ನಂತರ ಮಹಾತ್ಮ ಗಾಂಧಿ ವೃತ್ತದಲ್ಲಿ ಬಹಿರಂಗ ಸಮಾವೇಶವನ್ನು ನಡೆಸಲಾಯಿತು.

ಈ ಸಂದರ್ಭದಲ್ಲಿ ಅನೇಕ ಮುಖಂಡರು ಮಾತನಾಡಿ,ರಾಜ್ಯದಲ್ಲಿನ ಮಾದಿಗ ಸಮುದಾಯದ ಅಮಗ್ರ ಅಭೀವೃಧ್ಧಿಗಾಗಿ ನ್ಯಾಯಮೂರ್ತಿ ಎ.ಜೆ.ಸದಾಶಿವ ಆಯೋಗದ ವರದಿ ಜಾರಿಗೊಳಿಸಬೇಕು,ಅದಕ್ಕಾಗಿ ಇಂದು ಬೀದರಿನಿಂದ ಬೆಂಗಳೂರುವರೆಗೆ ಜಾಗೃತಿ ರಥಯಾತ್ರೆ ಹಮ್ಮಿಕೊಳ್ಳಲಾಗಿದೆ.ಕೂಡಲೆ ವರದಿ ಜಾರಿಯಾಗದಿದ್ದಲ್ಲಿ ಮುಂದೆ ರಾಜ್ಯಾದ್ಯಂತ ಉಗ್ರ ಹೋರಾಟ ಹಮ್ಮಿಕೊಳ್ಳುವುದಾಗಿ ಆಕ್ರೋಶ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ರ‍್ಯಾಲಿಯನ್ನು ನಡೆಸಿರುವ ಉದ್ಯಮಿ ಸುಬ್ಬರಾಜು ಹಿರಿಯ ಸಂಚಾಲಕ ನಾಗರಾಜು ಲಕ್ಷ್ಮೀನಾರಾಯಣ ಇಂಜಿನಿಯರ್ ಜಿ.ನಾಗಪ್ಪ ಹಾಗು ಸ್ಥಳಿಯ ಮುಖಂಡರಾದ ಹಣಮಂತ ಕಟ್ಟಿಮನಿ ಬೊಮ್ಮನಹಳ್ಳಿ ಭೀಮಾಶಂಕರ ಬಿಲ್ಲವ್ ಯಲ್ಲಪ್ಪ ಹುಲಿಕಲ್ ದಾನಪ್ಪ ಲಕ್ಷ್ಮೀಪುರ ದುರ್ಗಪ್ಪ ನಾಗರಾಳ ಬಸವರಾಜ ಮುಷ್ಠಳ್ಳಿ ಹೈಯಳಪ್ಪ ಜಾಲಿಬೆಂಚಿ ಮರೆಪ್ಪ ದೇವಾಪುರ ಸೇರಿದಂತೆ ಅನೇಕರಿದ್ದರು.