ಇಂದಿರಾ ನಗರ ಮಡ್ಡಿಯಲ್ಲಿ ಬಂಜಾರಾ ರುದ್ರಭೂಮಿಗಾಗಿ ಶಾಸಕರಿಗೆ ಮನವಿ

ಶಹಾಬಾದ:ನಗರದ ಇಂದಿರಾ ನಗರದ ಮಡ್ಡಿ ನಂ.೧ ಮತ್ತು ಇಂದಿರಾ ನಗರ ಮಡ್ಡಿ ನಂ. ೨ರ ಜೆಪಿ ಕಾಲೋನಿಯ ಬಂಜಾರಾ ಸಮಾಜದವರಿಗೆ ಸ್ಮಶಾನ ಭೂಮಿ ನೀಡಬೇಕೆಂದು ನಗರದ ಬಂಜಾರ ಸಮಾಜದ ಅಧ್ಯಕ್ಷ ಭರತಕುಮಾರ ರಾಠೋಡ ಶಾಸಕ ಬಸವರಾಜ ಮತ್ತಿಮಡು ಅವರಿಗೆ ಮನವಿ ಪತ್ರ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಬಂಜಾರ ಸಮಾಜದ ಅಧ್ಯಕ್ಷ ಭರತಕುಮಾರ ರಾಠೋಡ ನಗರದ ಇಂದಿರಾ ನಗರದ ಮಡ್ಡಿ ನಂ.೧ ಮತ್ತು ಇಂದಿರಾ ನಗರ ಮಡ್ಡಿ ನಂ. ೨ರ ಜೆಪಿ ಕಾಲೋನಿಯ ಬಂಜಾರಾ ಸಮಾಜದªರಿಗೆ ಭೂಮಿ ಇರುವುದಿಲ್ಲ . ಈ ಹಿಂದಿನಿAದಲೂ ಸಮಾಜದಲ್ಲಿ ಯಾರಾದರೂ ಸಾವನಪ್ಪಿದರೇ ಕಾರ್ಖಾನೆಯ ವ್ಯಾಪ್ತಿಯ ಪ್ರದೇಶದಲ್ಲಿ ಅಂತ್ಯಕ್ರಿಯೆ ಮಾಡಲಾಗುತ್ತಿತ್ತು. ಆದರೆ ಈಗ ಜೆಪಿ ಕಂಪನಿಯವರು ಅದಕ್ಕೆ ಅನುಮತಿ ನೀಡದಿರುವುದರಿಂದ ಸಾಕಷ್ಟು ತೊಂದರೆಯಾಗುತ್ತಿದೆ.ಆದ್ದರಿAದ ಮಡ್ಡಿ ಪ್ರದೇಶದಲ್ಲಿ ಯಾವುದಾದರೂ ಖಾಸಗಿ ಜಮೀನನ್ನು ಸರ್ಕಾರದಿಂದ ಖರೀದಿಸಿ ಇಲ್ಲಿನ ಬಂಜಾರಾ ಸಮಾಜದವರಿಗೆ ರುದ್ರಭೂಮಿ ಒದಗಿಸಿಕೊಡಬೇಕೆಂದು ಒತ್ತಾಯಿಸಿ, ಮನವಿ ಪತ್ರವನ್ನು ಶಾಸಕ ಬಸವರಾಜ ಮತ್ತಿಮಡು ಅವರಿಗೆ ನೀಡಿದರು.

ಬಂಜಾರಾ ಸಮಾಜದ ಮುಖಂಡರಾದ ಅರ್ಜುನ ರಾಠೋಡ,ಪ್ರೀತಮ ಚವ್ಹಾಣ, ನಾಗರಾಜ ಚವ್ಹಾಣ,ಶೇರು ಚವ್ಹಾಣ,ಜಗನ ರಾಠೋಡ,ಅಣ್ಣಾ ಚವ್ಹಾಣ,ಸುಮೀತ ಚವ್ಹಾಣ ಹೊಂದ ನಾಯಕ್, ಬಿಜೆಪಿ ಅಧ್ಯಕ್ಷ ಅಣವೀರ ಇಂಗಿನಶೆಟ್ಟಿ, ನಾಗರಾಜ ಮೇಲಗಿರಿ, ಕನಕಪ್ಪ ದಂಡಗುಲಕರ್ ಇತರರು ಇದ್ದರು.