ಪಕ್ಷಬೇಧ ಮರೆತು ನಗರದ ಅಭಿವೃದ್ಧಿಗಾಗಿ ನಾನು ಸದಾ ಸಿದ್ಧ-ಮತ್ತಿಮಡು

ಶಹಾಬಾದ: ಸಾರ್ವಜನಿಕರು, ನಗರದ ಮುಖಂಡರು ಯಾವುದೇ ಸಮಸ್ಯೆಗಳಿದ್ದರೂ ತಿಳಿಸಿ, ಪಕ್ಷಬೇಧ ಮರೆತು ನಗರದ ಅಭಿವೃದ್ಧಿಗಾಗಿ ನಾನು ಸದಾ ಸಿದ್ಧ ಕಲಬುರಗಿ ಗ್ರಾಮೀಣ ಮತಕ್ಷೇತ್ರದ ಶಾಸಕ ಬಸವರಾಜ ಮತ್ತಿಮಡು ಹೇಳಿದರು.

ಅವರು ನಗರದ ವಾರ್ಡ ನಂ. ೨೦ ರಲ್ಲಿ ಲೋಕೋಪಯೋಗಿ ಇಲಾಖೆಯ ಪ್ರಗತಿ ಕಾಲೋನಿ ಯೋಜನೆಯಡಿಯ ಆಯೋಜಿಸಲಾದ ವಿವಿಧ ಕಾಮಗಾರಿಗಳನ್ನು ಪರಿಶೀಲಿಸಿ ಹಾಗೂ ವಿವಿಧ ಕಾಮಗಾರಿಗಳಿಗೆ ಚಾಲನೆ ನೀಡಿ ಮಾತನಾಡಿದರು.

ಈಗಾಗಲೇ ಲೋಕೋಪಯೋಗಿ ಇಲಾಖೆಯ ಪ್ರಗತಿ ಕಾಲೋನಿ ಯೋಜನೆಯಡಿಯಲ್ಲಿ ಸುಮಾರು ೨೦ ಕೋಟಿ ರೂ. ಅನುದಾನದಲ್ಲಿ ಕಾಮಗಾರಿಗಳು ಪ್ರಗತಿಯಲ್ಲಿವೆ.ಅಲ್ಲದೇ ಕೆಲವು ಕಾಂಗಾರಿಗಳನ್ನು ಚಾಲನೆ ನೀಡಲಾಗಿದೆ. ತಮ್ಮ ವಾರ್ಡನಲ್ಲಿ ಬೇಕಾದ ಕಾಮಗಾರಿಗಳನ್ನು ಪಟ್ಟಿ ಮಾಡಿ. ನಗರದ ಅಭಿವೃದ್ಧಿಗಾಗಿ ಸಾಕಷ್ಟು ಅನುದಾನ ತರಲು ಸಿದ್ಧ ಎಂದರು.ಈಗಾಗಲೇ ವಿಧಾನಸೌಧ ನಿರ್ಮಾಣಕ್ಕೆ ೧೦ ಕೋಟಿ ರೂ. ಅನುದಾನ ತರಲಾಗಿದೆ.ಅಲ್ಲದೇ ಸಮಾಜ ಕಲ್ಯಾಣ ಸಚಿವರಿಗೆ ನಗರದ ಅಭಿವೃದ್ಧಿಗಾಗಿ ೧೫ ಕೋಟಿ ರೂ. ಅನುದಾನ ನೀಡಲು ಮನವಿ ಮಾಡಿದ್ದೆನೆ.ಅವರು ಅನುದಾನ ನೀಡಲು ಮುಂದಾಗಿದ್ದಾರೆ.ವಾರ್ಡ ನಂ. ೨೦ ರಲ್ಲಿ ಸಿಸಿ ರಸ್ತೆ, ಕೊಳವೆ ಬಾವಿ, ಬಸವೇಶ್ವರ ನಗರದಲ್ಲಿ ಮೊಟ್ಟ ಮೊದಲ ಬಾರಿಗೆ ಎಲ್ಲಾ ಕಡೆಗಳಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಲಾಗುತ್ತಿದೆ. ಪಕ್ಷಬೇಧ ಮರೆತು ನಾನು ನಿಮ್ಮ ಜನಪ್ರತಿನಿಧಿಯಾಗಿ ನಿಮ್ಮ ಕೆಲಸ ಮಾಡಲು ಪ್ರಾಮಾಣಿಕ ಪ್ರಯತ್ನ ಮಾಡುತ್ತೆನೆ.

ಇದೇ ಸಂದರ್ಭದಲ್ಲಿ ವಾರ್ಡ ನಂ.೨೦ರ ನಗರಸಭೆಯ ಸದಸ್ಯ ಸೂರ್ಯಕಾಂತ ಕೋಬಾಳ ಅವರು ತಮ್ಮ ವಾರ್ಡನಲ್ಲಿ ಸಾಕಷ್ಟು ಅಭಿವೃದ್ಧಿಪಡಿಸಿದಕ್ಕಾಗಿ ಬಸವೇಶ್ವರ ನಗರದ ಬಡಾವಣೆಯ ಸಾರ್ವಜನಿಕರು ಹಾಗೂ ಶಾಸಕರು ವಿಶೇಷ ಸನ್ಮಾನಗೈದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ.ರಶೀದ್ ಮರ್ಚಂಟ್ ಮಾತನಾಡಿದರು. ತಹಸೀಲ್ದಾರ ಸುರೇಶ ವರ್ಮಾ, ನಗರಸಭೆಯ ಅಧ್ಯಕ್ಷೆ ಅಂಜಲಿ ಗಿರೀಶ ಕಂಬಾನೂರ, ಉಪಾಧ್ಯಕ್ಷೆ ಸಲೀಮಾಬೇಗಂ, ಸ್ಥಾಯಿ ಸಮಿತಿ ಅಧ್ಯಕ್ಷ ತಿಪ್ಪಣ್ಣ ನಾಟೇಕಾರ, ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ, ಬಿಜೆಪಿ ಅಧ್ಯಕ್ಷ ಅಣವೀರ ಇಂಗಿನಶೆಟ್ಟಿ.,ನಗರಸಭೆ ಸದಸ್ಯ ಸೂರ್ಯಕಾಂತ ಕೋಬಾಳ,ತಿಪ್ಪಣ್ಣ ಬೆಲ್ಲದ್,ಅಣ್ಣಪ್ಪ ದಸ್ತಾಪೂರ,ಅಣವೀರ ದ್ಯಾಮಾ,ಸಿದ್ದಣ್ಣ ಕೋಲಕುಂದಿ,ವಿಜಯಕುಮಾರ ಕಣಕಿ,ಗುಂಡಣ್ಣ ಗುರುಮಿಠಕಲ್,ಶರಣಯ್ಯಸ್ವಾಮಿ, ಕಾಂತು ಯಲಗೋಡಕರ್,ಮೌನೇಶ, ಶ್ರೀನಾಥ, ಜೆಇ ಜಗನ್ನಾಥ ಇತರರು ಇದ್ದರು.