ಧಾರ್ಮಿಕ ಪ್ರೇಮಿ ಲಿಂಗೈಕ್ಯ ಶಿವಪ್ಪ ಅಂಡಗಿ ದತ್ತಿ ಉಪನ್ಯಾಸ ಕಾರ್ಯಕ್ರಮ ನಾಳೆ

ಕಲಬುರಗಿ: ನಾಳೆ ಮಧ್ಯಾಹ್ನ 2 ಕ್ಕೆನಗರದ ಹೊರವಲಯದ ಕೆ.ಎಸ್.ಆರ್.ಪಿ ಸುಲ್ತಾನಪೂರ ಸರಕಾರಿ ಪ್ರೌಢ ಶಾಲೆಯಲ್ಲಿ ಅಖಿಲ ಭಾರತ ಶರಣ ಸಾಹತ್ಯ ಪರಿಷತ್ತ ಜಿಲ್ಲಾ ಘಟಕದ ವತಿಯಿಂದ ಕಾಳಗಿ ತಾಲೂಕಿನ ಟೆಂಗಳಿ ಗ್ರಾಮದ ಧಾರ್ಮಿಕ ಪ್ರೇಮಿ ಲಿಂಗೈಕ್ಯ ಶಿವಪ್ಪ ವಿರೂಪಾಕ್ಷಪ್ಪ ಅಂಡಗಿ ಅವರ ದತ್ತಿ ಉಪನ್ಯಾಸ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ನ್ಯಾಯವಾದಿ ಶಿವರಾಜ್ ಅಂಡಗಿ ತಿಳಿಸಿದ್ದಾರೆ.

ಈ-ಮೀಡಿಯಾ ಆನ್-ಲೈನ್ ನ್ಯೂಸ್ ನಿರ್ದೇಶಕರು ಹಾಗು ಪತ್ರಕರ್ತರಾದ ಡಾ. ಶಿವರಂಜನ ಸತ್ಯಂಪೇಟೆ ಅವರು ಕಾಯಕ ಮತ್ತು ದಾಸೊಹ ಕುರಿತು ಉಪನ್ಯಾಸ ನೀಡಲಿದ್ದು, ಕೆ.ಎಸ್.ಆರ್.ಪಿ ಕಮಾಂಡೆಂಟ್ ಬಸವರಾಜ ಜೆಳ್ಳೆ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಕೆ.ಎಸ್.ಆರ್.ಪಿ ಶಾಲೆಯ ಮುಖ್ಯ ಗುರುಗಳಾದ ಡಾ. ರಾಜಕುಮಾರ ಪಾಟೀಲ್ ಅಧ್ಯಕ್ಷತೆ ವಹಿಸಲಿದ್ದು, ಜಿಲ್ಲಾ ಶರಣಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರಾದ ಕುಪೇಂದ್ರ ಪಾಟೀಲ, ಪ್ರಧಾನ ಕಾರ್ಯದರ್ಶಿಗಳಾದ ಡಾ. ಶರಣಬಸಪ್ಪ ವಡ್ಡನಕೇರಿ ಹಾಗೂ ಜಿಲ್ಲಾ ಶರಣಸಾಹಿತ್ಯ ಪರಿಷತ್ತಿನ ಯುವಘಟಕದ ಅಧ್ಯಕ್ಷ ಮತ್ತು ದತ್ತಿ ದಾಸೋಹಿಗಳಾದ ಶಿವರಾಜ ಅಂಡಗಿ ಉಪಸ್ಥಿತರಿಲಿದ್ದಾರೆಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ