ಕರ ಸಂಗ್ರಹ ಶಿಬಿರ ಮಾದರಿಯಲ್ಲಿ ಸಮಸ್ಯೆ ಆಲಿಸುವ ಶಿಬಿರ ಹಮ್ಮಿಕೊಳ್ಳಲು ಆಗ್ರಹ

ಕಲಬುರಗಿ: ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ ಕರ ಸಂಗ್ರಹ ಶಿಬಿರ ಮಾದರಿಯಲ್ಲಿ ಸಮಸ್ಯೆ ಆಲಿಸು ಶಿಬಿರಗಳು ಪ್ರಾರಂಭಿಸಬೇಕೆಂದು ವಿದ್ಯಾನಗರ ವೆಲ್‌ಫೇರ ಸೊಸಾಯಿಟಿಯ ಕಾರ್ಯದರ್ಶಿ ಹಾಗೂ ನ್ಯಾಯಾವಾದಿ ಶಿವರಾಜ ಅಂಡಗಿ ಆಗ್ರಹಿಸಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿದ ಅವರು ಈ ಕುರಿತು ಈಗಾಲೇ ಮಂಡಳಿಯ ಸಹಾಯಕ ಅಭಿಯಂತರಿಗೆ ಆಗ್ರಹಿಸಲಾಗಿದೆ ಎಂದು ತಿಳಿಸಿದ ಅವರು ಕುಡಿಯುವ ನೀರಿನ ವ್ಯವಸ್ಥೆ ಹಾಗೂ ಒಳಕಚರಂಡಿ ಸಮಸ್ಯೆ ಕುರಿತು ಅನೇಕ ಬಾರಿ ದೂರು ನೀಡಿದ್ದು, ಇಲ್ಲಿಯವರೆಗೆ ಒಂದು ಸಾರಿಯಾದರು ಯಾವ ಸಮಸ್ಯೆ ಮತ್ತು ಹೇಗಿದೆ ಎಂದು ಇಲ್ಲಿಯವರೆಗೆ ವೀಕ್ಷಣೆ ಮಾಡಿಲ್ಲ ಎಂದು ಅಸಮಧಾನ ವ್ಯಕ್ತಪಡಿಸಿದ್ದಾರೆ.

ಮುಂದಿನ ದಿನಗಳಲ್ಲಿ ಕರವಸೂಲಿ ಶಿಬಿರದಂತೆ ಪ್ರತಿಯೊಂದು ಕಾಲೋನಿಯ ಸಮಸ್ಯೆಗಳನ್ನು ಆಲಿಸಲು ಅಧಿಕಾರಿಗಳು ಶಿಬಿರ ಆಯೋಜಿಸಿ ಸಮಸ್ಯೆಗಳು ಆಲಿಸಿ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.