ಲಾಡ ಚಿಂಚೋಳಿ: ಕಾಮಗಾರಿಗಳಿಗೆ ಶಾಸಕ ಗುತ್ತೇದಾರರಿಂದ ಚಾಲನೆ

ಆಳಂದ: ತಾಲೂಕಿನ ಲಾಡ ಚಿಂಚೋಳಿ ಗ್ರಾಮದಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಶಾಸಕ ಸುಭಾಷ್ ಆರ್ ಗುತ್ತೇದಾರ ರವಿವಾರ ಚಾಲನೆ ನೀಡಿದರು.

ಲಾಡ ಚಿಂಚೋಳಿ ಗ್ರಾಮದ ಹೊಸ ಬಡಾವಣೆಯಲ್ಲಿ ಸೌಭಾಗ್ಯ ಯೋಜನೆಯ ಅಡಿಯಲ್ಲಿ ಅಳವಡಿಸಲಾದ ವಿದ್ಯುತ್ ಮೀಟರಗಳಿಗೆ ಚಾಲನೆ ಹಾಗೂ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಮಂಜೂರಾದ ೨ ಶಾಲಾ ಕೋಣೆಗಳ ನಿರ್ಮಾಣಕ್ಕೆ ಗುದ್ದಲಿ ಪೂಜೆ ನೇರವೇರಿಸಿದರು.

ಈ ಸಂದರ್ಭದಲ್ಲಿ ಜೇಸ್ಕಾಂ ನಿರ್ದೇಶಕ ವೀರಣ್ಣ ಮಂಗಾಣೆ, ಮುಖಂಡರಾದ ರಾಜಶೇಖರ ಮಲಶೆಟ್ಟಿ, ಶಂಕರರಾವ ಪಾಟೀಲ, ಶಿವಾನಂದ ಪಾಟೀಲ, ಕಾಂತು ಮಂಗಾಣೆ, ಪ್ರಭು ಹುಲಿ, ಬಸವರಾಜ ಮೂಲಗೆ, ಅಂಬರೀಶ ಅಂಬಾಡಿ, ದಯಾನಂದ ಹಾವನೂರ, ಮಲ್ಲಿನಾಥ ಮಾಡ್ಯಾಳ, ರಾಣೋಜಿ ಹಾವಣೆ, ಶೇಖರ ಬಿರಾದಾರ, ದಯಾನಂದ ಬಿರಾದಾರ ಸೇರಿದಂತೆ ಇತರರು ಇದ್ದರು.