ಅಧಿಕಾರಿ ಪ್ರತಾಪ ಸಿಂಗ್ ಠಾಕೂರ್ ನಿಧನಕ್ಕೆ ಸಂತಾಪ

ಸುರಪುರ: ಪ್ರತಾಪ ಸಿಂಗ್ ಠಾಕೂರ್ ಅವರು ಒಬ್ಬ ಗೃಹರಕ್ಷಕರಾಗಿ ನಮ್ಮೊಂದಿಗೆ ಸೇವೆ ಸಲ್ಲಿಸಿದ ಸಮಯ ಅವಿಸ್ಮರಣಿಯವಾಗಿದೆ,ಇಂದು ಅವರು ನಮ್ಮನಗಲಿರುವುದು ದುಃಖದ ಸಂಗತಿಯಾಗಿದೆ ಎಂದು ಗೃಹರಕ್ಷಕ ದಳದ ಕಂಪನಿ ಕಮಾಂಡರ್ ಯಲ್ಲಪ್ಪ ಹುಲಿಕಲ್ ಮಾತನಾಡಿದರು.

ಇಂದು ನಿಧನರಾದ ಮಾಜಿ ಗೃಹ ರಕ್ಷಕ ದಳದ ಅಧಿಕಾರಿ ಪ್ರತಾಪ ಸಿಂಗ್ ಠಾಕೂರ್ ಅವರ ನಿಧನಕ್ಕೆ ಸಂತಾಪ ಸೂಚಿಸಿ ಗೃಹರಕ್ಷಕ ದಳದ ಕಚೇರಿಯಲ್ಲಿ ಹಮ್ಮಿಕೊಂಡಿದ್ದ ಸಂತಾಪ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿ,ಪ್ರತಾಪ ಸಿಂಗ್ ಅವರು ಕೇವಲ ಗೃಹ ರಕ್ಷಕ ಅಧಿಕಾರಿ ಮಾತ್ರವಲ್ಲದೆ ಶಿಕ್ಷಕರು ಮುಖ್ಯಗುರುಗಳಾಗಿ ಸೇವೆ ಸಲ್ಲಿಸಿದವರು.

ಕೊರೊನಾ ಲಸಿಕೆ ವಿತರಣೆ ಜನ ಜಾಗೃತಿ 

ನಂತರ ಗೃಹ ರಕ್ಷಕರಾಗಿ ಜನರ ಸೇವೆಗೆ ತೊಡಗಿ,ನಿಷ್ಕಾಮವಾದ ಅವರ ಸೇವೆಗೆ ಸಾರ್ಜೆಂಟ್,ಸಿ.ಎಸ್.ಎಮ್,ಪ್ಲಾಟೂನ್ ಕಮಾಂಡರ್ ಪ್ರಶಸ್ತಿಗಳು ಲಭಿಸಿದ್ದವು.ಇಂತಹ ಅಪರೂಪದ ಮಹಾನ್ ವ್ಯಕ್ತಿಗಳು ನಮಗೆಲ್ಲರಿಗೂ ಮಾದರಿಯಾಗಿದ್ದರು.ಇಂದು ಅವರು ನಮ್ಮನ್ನೆಲ್ಲ ಅಗಲಿರುವುದು ನೋವಿನ ಸಂಗತಿಯಾಗಿದೆ.ದೇವರು ಅವರ ಆತ್ಮಕ್ಕೆ ಶಾಂತಿ ನೀಡಲಿ ಎಂದು ಪ್ರಾರ್ಥಿಸುವುದಾಗಿ ತಿಳಿಸಿದರು.

ಇದೇ ಸಂದರ್ಭದಲ್ಲಿ ಪ್ರತಾಪ ಸಿಂಗ್ ಠಾಕೂರ್ ಅವರ ಆತ್ಮಕ್ಕೆ ಶಾಂತಿ ಕೋರಿ ಎರಡು ನಿಮಿಷಗಳ ಮೌನಾಚರಣೆ ನಡೆಸಲಾಯಿತು. ಸಭೆಯಲ್ಲಿ ವೆಂಕಟೇಶ ಸುರಪುರ ರಮೇಶ ಅಂಬುರೆ ಭೀಮರಾಯ ಹುಲಿಕಲ್ ಕೊಟ್ರಯ್ಯ ಸ್ವಾಮಿ ಮಾನಯ್ಯ ನಾಯಕ ಇತರರಿದ್ದರು.