ಬುಡಕಟ್ಟು ಜನಾಂಗಕ್ಕೆ ಸರ್ಕಾರದ ಯೋಜನೆಗಳ ಅರಿವು-ನೆರವು ಕಾರ್ಯಕ್ರಮ

ಶಹಾಬಾದ: ತೀವ್ರ ಅನಕ್ಷರತೆಯಿಂದ ಬಡತನ ರೇಖೆಗಿಂತ ಕೆಳಮಟ್ಟದಲ್ಲಿ ಜೀವಿಸುತ್ತಿರುವ ಬುಡಕಟ್ಟು ಜನಾಂಗದವರಿಗೆ ಸರ್ಕಾರದ ವಿವಿಧ ಸವಲತ್ತುಗಳ ಬಗ್ಗೆ ಅರಿವು ಮೂಡಿಸಬೇಕು.ಆ ಮೂಲಕ ಅವರನ್ನು ಸಮಾಜದ ಮುಖ್ಯ ವಾಹಿನಿಗೆ ತರುವುದು ನಮ್ಮೆಲ್ಲರ ಕರ್ತವ್ಯ ಎಂದು ನಗರದ ಜೆ.ಎಮ್.ಎಫ್.ಸಿ ನ್ಯಾಯಾಲಯದ ನ್ಯಾಯಾಧೀಶರಾದ ಮಲ್ಲೇಶಿ.ಪಿ.ಮೋಹಿತೆ ಹೇಳಿದರು.

ಅವರು ನಗರದ ಹನುಮಾನ ತಾಂಡಾದಲ್ಲಿ ತಾಲೂಕಾ ಸೇವಾ ಸಮಿತಿ ಚಿತ್ತಾಪೂರ ಹಾಗೂ ವಕೀಲರ ಸಂಘ ಶಹಾಬಾದ ಸಹಯೋಗದಲ್ಲಿ ಆಯೋಜಿಸಲಾದ ಬುಡಕಟ್ಟು ಜನಾಂಗದವರಿಗೆ ಸರ್ಕಾರದಿಂದ ಸಿಗುವ ಯೋಜನೆ ಬಗ್ಗೆ ಕಾನೂನು ಅರಿವು-ನೆರವು ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಜಗತ್ತಿನ ಎಲ್ಲಾ ಸಮಸ್ಯೆಗಳಿಗೆ ಕಾರ್ಲ ಮಾರ್ಕ್ಸ ವಿಚಾರಧಾರೆ ಉತ್ತರ

ಬುಡಕಟ್ಟು ಜನರನ್ನು ಅರಣ್ಯದಿಂದ ಒಕ್ಕಲೆಬ್ಬಿಸಿದರೂ, ಅದಕ್ಕೆ ತಕ್ಕ ರೀತಿ ಪರ್ನವಸತಿ ಕಲ್ಪಿಸುತ್ತಿಲ್ಲ. ಅನಕ್ಷರತೆಯಿಂದ ಹೆಚ್ಚು ಶೋಷಣೆಗೆ ಒಳಗಾಗುತ್ತಿರುವ ಬುಡಕಟ್ಟು ಜನರನ್ನು ಎಷ್ಟೋ ಬಾರಿ ಮಾವೋವಾದಿಗಳೆಂದು ಜೈಲಿಗೆ ದೂಡಿದ ಉದಾಹರಣೆಗಳಿವೆ.ಇದಕ್ಕೆ ಕಾರಣ ನಾವು ಅವರನ್ನು ಸಮಾಜದ ಮುಖ್ಯವಾಹಿನಿಗೆ ಕರೆದುಕೊಂಡು ಬರುವ ಕೆಲಸ ಮಾಡಿಲ್ಲ.ಅವರ ಹಕ್ಕುಗಳನ್ನು ರಕ್ಷಿಸಿಲ್ಲ.ಆದ್ದರಿಂದ ಅಂತಹವರಿಗೆ ಶಿಕ್ಷಣದ ಅರಿವು ಮೂಡಿಸುವ ಕಾರ್ಯ ಮಾಡಬೇಕಿದೆ.

ಬುಡಕಟ್ಟು ಸಮುದಾಯಗಳಿಗೆ ಮೀಸಲಾದ ಸರಕಾರಿ ಯೋಜನೆಗಳು ತಲುಪಿದಾಗ ಮಾತ್ರ ಬುಡಕಟ್ಟು ಜನರ ಅಭಿವೃದ್ಧಿ ಸಾಧ್ಯ ಆದಿವಾಸಿ ಬುಡಕಟ್ಟು ಸಮುದಾಯಗಳು ಅರಣ್ಯದ ಅಂಚಿನಲ್ಲಿಮತ್ತು ಅರಣ್ಯದ ಹೊರಗೆ ವಾಸಿಸುತ್ತಿದ್ದು,ಎಲ್ಲರೀತಿಯ ಸೌಲಭ್ಯ ಒದಗಿಸಬೇಕು. ಸರಕಾರವು ಬುಡಕಟ್ಟು ಸಮುದಾಯಗಳಿಗೆ ಅನೇಕ ಯೋಜನೆ ಹಾಕಿಕೊಂಡಿದೆ. ಅವುಗಳನ್ನು ಅವರಿಗೆ ತಲುಪಿಸುವ ಕೆಲಸ ಮಾಡಬೇಕು ಎಂದರು.

ಕ್ಷಯ ಮುಕ್ತ ಮಾಡಲು ವಿದ್ಯಾರ್ಥಿಗಳಿಗೆ ಸಲಹೆ

ವಕೀಲರ ಸಂಘದ ಅಧ್ಯಕ್ಷ ಅತುಲ್ ಯಲಶೆಟ್ಟಿ, ವಕೀಲರಾದ ದೇವಪ್ಪ ಕುಲಕುಂದಿ,ರವೀಂದ್ರ.ಡಿ.ಕೆ, ಉಮೇಶ ಪೋಚ್ಚಟ್ಟಿ, ನಾಗೇಶ ಧನ್ನೇಕರ್,ತಿಮ್ಮಯ್ಯ ಮಾನೆ,ರಮೇಶ ರಾಠೋಡ,ರಘುವೀರಸಿಂಗ ಠಾಕೂರ ಇತರರು ಇದ್ದರು.