ಹೋರಾಟದ ಸಭೆ ಮುಂದೂಡಿಕೆ

ಕಲಬುರಗಿ: ಕರೋನಾ ಮಹಾಮಾರಿ ಇಡೀ ದೇಶವ್ಯಾಪಿ ದಿನದಿಂದ ದಿನಕ್ಕೆ ಉಲ್ಬಣಿಸುತ್ತಿದ್ದು, ಮೇ ತಿಂಗಳ ೧೦ರಂದು ನವದೆಹಲಿಯ ಡಾ. ಬಿ.ಆರ್. ಅಂಬೇಡ್ಕರ್ ಇಂಟರ್‌ನ್ಯಾಷನಲ್ ಸೆಂಟರ್‌ನಲ್ಲಿ ನಡೆಯಬೇಕಾಗಿದ್ದ ಕೋಲಿ ಸಮಾಜ ಎಸ್.ಟಿ.ಗೆ ಸೇರಿಸಬೇಕೆಂಬ ಹೋರಾಟದ ಸಭೆ ಮುಂದೂಡಲಾಗಿದೆ ಎಂದು ಕರ್ನಾಟಕ ರಾಜ್ಯ ಟೋಕರೆ ಕೋಲಿ ಕಬ್ಬಲಿಗರ ಸಂಘದ ರಾಜ್ಯಾಧ್ಯಕ್ಷ ಬಸವರಾಜ ಹರವಾಳ ತಿಳಿಸಿದ್ದಾರೆ.

ಈ ಕುರಿತು ಕೇಂದ್ರ ಸಚಿವೆ ಸಾಧ್ವಿ ನಿರಂಜನ ಜ್ಯೋತಿ, ಕಲಬುರಗಿ ಸಂಸದರಾದ ಡಾ. ಉಮೇಶ ಜಾಧವ್, ಹೈದ್ರಾಬಾದ್ ಮುಜರಾಯಿ ಸಮುದಾಯದ ಅಧ್ಯಕ್ಷರಾದ ಕಸಾನಿ ಜ್ಞಾನೇಶ್ವರ ಹಾಗೂ ಮಹಾರಾಷ್ಟ್ರ ಎಂ.ಎಲ್.ಸಿ. ರಮೇಶ ದಾದಾ ಪಾಟೀಲ್ ಅವರೊಡನೆ ಮಲ್ಲಣಪ್ಪ ಮಹಾಸ್ವಾಮಿಗಳು ಸೇರಿ ರಾಜ್ಯ ಪದಾಧಿಕಾರಿಗಳೊಂದಿಗೆ ಚರ್ಚಿಸಿ ಸಭೆಯನ್ನು ಮುಂದೂಡಲಾಗಿದ್ದು, ಮುಂದಿನ ದಿನಾಕ ಪ್ರಕಟಿಸಲಾಗುವುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.