ಟಿ.ಸಿ. ಟ್ರಾನಫಾರ್ಮಗಳ ದುರಸ್ತಿಯಾಗದೆ ರೈತರ ಗೋಳಾಟ

ಆಳಂದ:ಪ್ರವಾಹ ಬಂದು ರೈತರ ಜೀವನ ದುಸ್ತರವಾಗಿ ಸುಧಾರಿಸಿ ಕೊಳ್ಳುವ ಹೊತ್ತಿನಲ್ಲಿಯೇ ವಿದ್ಯುತ್ ಟಿ.ಸಿ ಟ್ರಾನಫಾರ್ಮಗಳು ದುರಸ್ತಿಯಾಗದೆ ರೈತರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.

ಗುಲ್ಬರ್ಗ ವಿದ್ಯುತ್ ಸರಬರಾಜು ಕಂಪನಿ ಕಡಗಂಚಿ ಉಪ-ವಿಭಾಗ ಕಚೇರಿಯಲ್ಲಿ ನಡೆದ ಗ್ರಾಹಕರ ಸಭೆಯಲ್ಲಿ ಅನೇಕ ರೈತರು ತಮ್ಮ ಸಮಸ್ಯೆಗಳನ್ನು ತೋಡಿಕೊಂಡರು.

ಈ ಸಂದರ್ಭದಲ್ಲಿ ನಿಂಬರ್ಗಾ ವಲಯ ಕರ್ನಾಟಕ ರಕ್ಷಣಾ ವೇದಿಕೆ ಅಧ್ಯಕ್ಷರಾದ ಬಸವರಾಜ ಯಳಸಂಗಿ ಮಾತನಾಡಿ, ಕೊಳವೆ ಭಾವಿ ನೀರನ್ನು ಆಶ್ರಯಿಸಿ ಬೇಸಿಗೆ ಬೆಳೆ ಬೆಳೆದಿರುವ ರೈತರು ವಿದ್ಯುತ್ ಸಮಸ್ಯೆಯಿಂದ ನೀರು ಹಾಯಿಸಲು ಸಾಧ್ಯವಾಗದೇ ಬೆಳೆ ಒಣಗುವ ಆತಂಕ ಎದುರಾಗಿದೆ. ಅಲ್ಲದೆ ಟಿ.ಸಿ ಗಳು ಸುಟ್ಟು ಹೋಗಿವೆ, ಜವಳಿ-ಡಿ ಗ್ರಾಮದ ತೋಟದಲ್ಲಿನ ಟಿ.ಸಿ. ಹದಗೆಟ್ಟು, ಸುಮಾರು15 ದಿನಕ್ಕೂ ಮೇಲಾಗಿದೆ. ಇದಕ್ಕೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ನಿಂಬರ್ಗಾ ಕೆಯಿಬಿ ಅಫಿಸ್ ಹಾಗೂ ಜೈ ಗೆ ತಿಳಿಸಲಾಗಿದೆ, ಅಲ್ಲದೆ ಗುಲ್ಬರ್ಗ ಮುಖ್ಯ ಅಧಿಕಾರಿಗಳಿಗೂ ತಿಳಿಸಲಾಗಿದೆ. ಆದರೂ ರೈತರ ಸಮಸ್ಯೆ ಪರಿಹಾರವಾಗಿಲ್ಲ. ಕೂಡಲೇ ಈ ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸಿ ರೈತರಿಗೆ ಟಿ.ಸಿ ಉಪಯೋಗವಾಗುವಂತೆ ಕ್ರಮ ವಹಿಸಬೇಕು ಎಂದು ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಸಂತೋಷ ಚವ್ಹಾಣ್, ಮುಖ್ಯ ಕಾರ್ಯನಿರ್ವಾಹಕ ಅಭಿಯಂತರರು, ಸುನಿಲ್ ಕುಮಾರ್ ಉಪವಿಭಾಗಾಧಿಕಾರಿ ಕಡಗಂಚಿ, ಸಾತಲಿಂಗಪ್ಪ ಸಹಾಯಕ ಅಭಿಯಂತರರು, ಸಂಜಯ ಮೇಲ್ವಿಚಾರಕರು ನಿಂಬರ್ಗಾ, ಮಲ್ಕಪ್ಪ ಶಾಖಾಧಿಕಾರಿ ನರೋಣ, ಅಮೃತ ಶಾಖಾಧಿಕಾರಿ ನಿಂಬರ್ಗಾ, ನಾಗಪ್ಪ ಗಿರಿ ಶಾಖಾಧಿಕಾರಿ ಕಡಗಂಚಿ,ನಿಂಬರ್ಗಾ ವಲಯ ಕ.ರ.ವೇ ಅಧ್ಯಕ್ಷ ಬಸವರಾಜ ಯಳಸಂಗಿ, ಚಂದ್ರಕಾಂತ ಅವಟೆ,ಭೀಮರಾಯ್ ಸನಗುಂದಿ,ಕಲ್ಯಾಣಿ ದೇವಕರೆ,ಹನಮಂತ ವಗ್ಗೆ, ದತ್ತು ಗೌರವಗೋಳ ಸೇರಿದಂತೆ ಅನೇಕ ರೈತರು ಉಪಸ್ಥಿತರಿದ್ದರು.