ಸುರಪುರ ಉಪ ಕಾರಾಗೃಹದಲ್ಲಿನ ಮೂವರು ಆರೋಪಿಗಳಲ್ಲಿ ಕೊರೊನಾ ಪತ್ತೆ

ಯಾದಗಿರಿ: ಸುರಪುರ ನಗರದ ಉಪ ಕಾರಾಗೃಹದಲ್ಲಿನ ಮೂವರು ಆರೋಪಿಗಳಲ್ಲಿ ಕೊರೊನಾ ದೃಢಪಟ್ಟಿದೆ.ಮೂವರು ವಿಚಾರಣಾಧಿನ ಕೈದಿಗಳಿಗೆ ಶೀತ ಜ್ವರ ಇರುವ ಕಾರಣದಿಂದ ನಗರದ ತಾಲೂಕು ಸರಕಾರಿ ಆಸ್ಪತ್ರೆಗೆ ಚಿಕಿತ್ಸೆಗೆಂದು ಕರೆದುಕೊಂಡು ಬರಲಾಗಿತ್ತು.

ಈ ಸಂದರ್ಭದಲ್ಲಿ ಕೊರೊನಾ ಪರೀಕ್ಷೆ ನಡೆಸಿದಾಗ ಮೂವರಲ್ಲೂ ಕೊರೊನಾ ಸೊಂಕು ಇರುವುದು ದೃಢಪಟ್ಟಿದೆ ಎಂದು ತಾಲೂಕು ಆರೋಗ್ಯಾಧಿಕಾರಿ ಡಾ: ಆರ್.ವಿ.ನಾಯಕ ತಿಳಿಸಿದ್ದಾರೆ.

ಉಪ ಕಾರಾಗೃಹದಲ್ಲಿ ಒಟ್ಟು ೪೦ ಜನ ಕೈದಿಗಳಿದ್ದಾರೆ ಎಂದು ಹೇಳಲಾಗುತ್ತಿದ್ದು,ಈಗ ಮೂರು ಜನರಲ್ಲಿ ಕೊರೊನಾ ಪತ್ತೆಯಾಗಿದ್ದರಿಂದ ಇನ್ನುಳಿದ ಕೈದಿಗಳು ಪ್ರಾಥಮಿಕ ಸಂಪರ್ಕ ಹೊಂದಿರುವ ಬಗ್ಗೆ ಈಗ ಅನುಮಾನಗಳು ವ್ಯಕ್ತವಾಗುತ್ತಿದ್ದು,ಇನ್ನುಳಿದವರನ್ನು ಪರೀಕ್ಷೆಗೊಳಪಡಿಸಲಾಗುವುದು ಎಂದು ತಾಲೂಕು ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.