ಅನ್ನದಾತ ಪೌಂಡೇಶನ್ ರಾಜುಗೌಡ ಅಭಿಮಾನಿ ಬಳಗ ಸ್ಯಾನಿಟೈಜ್ ಸಿಂಪಡಣೆ

ಸುರಪುರ: ಅನ್ನದಾತ ಪೌಂಡೇಶನ್ ಹಾಗು ರಾಜುಗೌಡ ಅಭಿಮಾನಿ ಬಳಗದಿಂದ ತಾಲೂಕಿನ ಮೂವತ್ತು ಗ್ರಾಮಗಳಲ್ಲಿ ಸ್ಯಾನಿಟೈಜ್ ಸಿಂಪಡಣೆ ಕಾರ್ಯಕ್ಕೆ ಲಕ್ಷ್ಮೀಪುರ ಶ್ರೀಗಿರಿ ಮಠದ ಚನ್ನಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮೀಜಿ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀಗಳು,ಇಂದು ಕೊರೊನಾ ನಿರ್ಮೂಲನೆಗೆ ಸರಕಾರ ಅನೇಕ ಕ್ರಮಗಳನ್ನು ಕೈಗೊಳ್ಳುತ್ತಿದೆ.ಅದರಂತೆ ಸಾರ್ವಜನಿಕರ ಕರ್ತವ್ಯವು ತುಂಬಾ ಇದೆ.ಅದನ್ನು ಅರಿತುಕೊಂಡು ರಂಗನಗೌಡ ಪಾಟೀಲ್ ಅವರ ನೇತೃತ್ವದ ಅನ್ನದಾತ ಪೌಂಡೇಶನ್ ಹಾಗು ರಾಜುಗೌಡ ಅಭಿಮಾನಿ ಬಳಗದ ನೇತೃತ್ವದಲ್ಲಿ ಸ್ಯಾನಿಟೈಜ್ ಸಿಂಪಡಣೆಗೆ ಮುಂದಾಗಿರುವುದು ತುಂಬಾ ಹೆಮ್ಮೆಯ ಸಂಗತಿ ಹಾಗು ಇತರೆ ಸಂಘ ಸಂಸ್ಥೆಗಳಿಗೆ ಅನ್ನದಾತ ಪೌಂಡೇಶನ್ ಹಾಗು ರಂಗನಗೌಡ ಮಾದರಿಯಾಗಿದ್ದಾರೆ ಎಂದರು.

ರಂಗನಗೌಡ ಪಾಟೀಲ್ ಮಾತನಾಡಿ,ಕೊರೊನಾ ಲಾಕ್ ಡೌನ್ ಮುಗಿಯುವ ವರೆಗೂ ಸುಮಾರು ಮೂವತ್ತು ಹಳ್ಳಿಗಳಲ್ಲಿ ಉಚಿತವಾಗಿ ಸ್ಯಾನಿಟೈಜ್ ಸಿಂಪಡಣೆ ಮಾಡುವ ಮೂಲಕ ಕೊರೊನಾ ನಿರ್ಮೂಲನೆಗೆ ಸಂಸ್ಥೆ ಸೇವೆ ಮಾಡಲಿದೆ ಎಂದು ತಿಳಿಸಿದರು.ನಂತರ ಗ್ರಾಮದಲ್ಲಿ ವಾಹನ ಸಂಚರಿಸಿ ಎಲ್ಲೆಡೆ ಸ್ಯಾನಿಟೈಜ್ ಸಿಂಪಡಣೆ ನಡೆಸಲಾಯಿತು.