ಶಿವಮೂರ್ತಿ ಶಿವಾಚಾರ್ಯ ಶ್ರೀ ರಾಜುಗೌಡ ಸೇವಾ ಸಮಿತಿಗೆ ೫೧ ಸಾವಿರ ದೇಣಿಗೆ

ಸುರಪುರ: ತಾಲೂಕಿನ ದೇವಾಪುರ ಜಡಿಶಾಂತಲಿಂಗೇಶ್ವರ ಹಿರೇಮಠ ಸಂಸ್ಥಾನದ ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಶುಕ್ರವಾರ ಸಂಜೆ ನಗರದ ತಾಲೂಕು ಆಸ್ಪತ್ರೆಯಲ್ಲಿನ ಕೋವಿಡ್ ಆಸ್ಪತ್ರೆಗೆ ಹಾಗು ಕಾಳಜಿ ಕೇಂದ್ರಕ್ಕೆ ಭೇಟಿ ನೀಡಿ ಕೊರೊನಾ ಸೊಂಕಿತರಿಗೆ ಸಾಂತ್ವಾನದ ಜೊತೆಗೆ ಅವರೆಲ್ಲರಿಗೂ ಯೋಗದ ಮಹತ್ವವನ್ನು ತಿಳಿಸುವ ಜೊತೆಗೆ ನಿತ್ಯವು ಯೋಗ ಮಾಡುವಂತೆ ಸಲಹೆ ನೀಡಿದರು.

ಇದೇ ಸಂದರ್ಭದಲ್ಲಿ ರಾಜುಗೌಡ ಸೇವಾ ಸಮಿತಿಯ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ ಶ್ರೀಗಳು ರಾಜುಗೌಡ ಸೇವಾ ಸಮಿತಿ ಉತ್ತಮವಾಗಿ ಕೆಲಸ ಮಾಡುತ್ತಿದೆ,ಅಲ್ಲದೆ ಸೊಂಕಿತರಿಗೆ ನಿತ್ಯವು ಆಹಾರ ನೀರು ಹಣ್ಣ ಹಂಪಲು ವಿತರಣೆ ಮಾಡುವ ಜೊತೆಗೆ ಅವರಲ್ಲಿ ಮಾನಸಿಕ ಧೈರ್ಯ ತುಂಬುವ ಮೂಲಕ ಸೊಂಕಿತರ ಚೇತರಿಕೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತಿದೆ ಎಂದು ಸಂತೋಷ ವ್ಯಕ್ತಪಡಿಸಿದರು ಜೊತೆಗೆ ಕೋವಿಡ್ ಸಂದರ್ಭದಲ್ಲಿ ನಿರಂತರವಾಗಿ ತಮ್ಮ ಜೀವದ ಹಂಗು ತೊರೆದು ಕೆಲಸ ಮಾಡುತ್ತಿರುವ ವೈದ್ಯರು ಹಾಗು ಆರೋಗ್ಯ ಇಲಾಖೆ,ಪೊಲೀಸ್ ಇಲಾಖೆ,ಕಂದಾಯ ಇಲಾಖೆ,ಅಂಗನವಾಡಿ ಆಶಾ ಕಾರ್ಯಕರ್ತೆಯರ ಸೇವೆಯನ್ನು ಶ್ಲಾಘೀಸಿದರು.

ಇದೇ ಸಂದರ್ಭದಲ್ಲಿ ರಾಜುಗೌಡ ಸೇವಾ ಸಮಿತಿ ಇನ್ನೂ ಹೆಚ್ಚಿನ ಸೇವೆಗೆ ನೆರವಾಗಲೆಂದು ತಿಳಿಸಿ ೫೧ ಸಾವಿರ ರೂಪಾಯಿಗಳ ದೇಣಿಗೆ ನೀಡುವ ಜೊತೆಗೆ ಕೊರೊನಾ ಸೊಂಕಿತರಿಗೆ ಬಿಸ್ಕೆಟ್ ಮತ್ತು ವಿಟಾಮಿನ್ ಸಿ ಮಾತ್ರೆಗಳನ್ನು ವಿತರಿಸಿದರು.ಈ ಸಂದರ್ಭದಲ್ಲಿ ರಾಜುಗೌಡ ಸೇವಾ ಸಮಿತಿಯ ಅನೇಕ ಜನ ಮುಖಂಡರಿದ್ದರು.