ಬೈಲಕುಂಟಿ ಗ್ರಾಮದಲ್ಲಿ ಸಸಿ ನೆಟ್ಟು ವಿದ್ಯಾರ್ಥಿ ದಿವಸ್ ಆಚರಿಸಿದ ಎಬಿವಿಪಿ

ಸುರಪುರ: ಹುಣಸಗಿ ತಾಲೂಕಿನ ಬೈಲಕುಂಟಿ ಗ್ರಾಮದಲ್ಲಿ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್‌ನ ಸಂಸ್ಥಾಪನಾ ದಿನದ ಸವಿನೆನಪಿಗಾಗಿ ಪ್ರತಿ ವರ್ಷ ಆಚರಿಸುವ ವಿದ್ಯಾರ್ಥಿ ದಿವಸ್ ಅಂಗವಾಗಿ ಗ್ರಾಮದಲ್ಲಿ ಸಸಿ ನೆಡುವುದರ ಮೂಲಕ ಆಚರಿಸಲಾಯಿತು.

ಶನಿವಾರ ಬೆಳಿಗ್ಗೆ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಆವರಣದಲ್ಲಿ ಸೇರಿದ ಎಬಿವಿಪಿ ಮುಖಂಡರು ಮೊದಲಿಗೆ ಸ್ವಾಮಿ ವಿವೇಕಾನಂದರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ನಂತರ ಪವಾಡಪುರುಷ ಎಂದು ಖ್ಯಾತರಾಗಿರುವ ಶಿವಣ್ಣ ಪೂಜಾರಿಯವರ ಸಾನಿಧ್ಯದಲ್ಲಿ ಪರಿಷತ್‌ನ ಕಲಬುರಗಿ ವಿಭಾಗಿಯ ಪ್ರಮುಖರಾದ ಡಾ:ಉಪೇಂದ್ರ ನಾಯಕ ಸುಬೇದಾರ ಅವರ ನೇತೃತ್ವದಲ್ಲಿ ಸಸಿಗಳನ್ನು ನೆಟ್ಟು ನೀರೆರೆಯುವ ಮೂಲಕ ಚಾಲನೆ ನೀಡಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಶಿವಣ್ಣ ಪೂಜಾರಿಯವರು,ವಿದ್ಯಾರ್ಥಿಗಳು ಕೇವಲ ಓದಿಗೆ ಮಾತ್ರ ಸೀಮಿತವಾಗದೆ ದೇಶಪ್ರೇಮ,ದೇಶಭಕ್ತಿ ಹಾಗು ಪರಿಸರ ಕಾಳಜಿಯನ್ನಿಟ್ಟುಕೊಂಡು ತಮ್ಮ ಸಂಘಟನೆಯ ಸಂಸ್ಥಾಪನ ದಿನವನ್ನು ಈ ರೀತಿ ಅರ್ಥಪೂರ್ಣವಾಗಿ ಆಚರಿಸುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ ಎಂದರು.

ನಂತರ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಡಾ:ಉಪೇಂದ್ರ ನಾಯಕ ಸುಬೇದಾರ ಮಾತನಾಡಿ,ಎಬಿವಿದ ದೇಶದಲ್ಲಿ ಹುಟ್ಟಿಕೊಂಡು ೭೩ ವರ್ಷಗಳಲ್ಲಿ ಕೋಟ್ಯಾಂತರ ವಿದ್ಯಾರ್ಥಿಗಳ ಎದೆಯಲ್ಲಿ ದೇಶಪ್ರೇಮದ ಬೀಜವನ್ನು ಬಿತ್ತಿದೆ.ಅಲ್ಲದೆ ದೇಶಕ್ಕೆ ಸಾವಿರಾರು ಜನ ನಾಯಕರನ್ನು ಕೊಟ್ಟ ಕೀರ್ತಿ ಎಬಿಪಿಗೆ ಸಲ್ಲುತ್ತದೆ.ಇಂತಹ ಸಂಘಟನೆಯಲ್ಲಿ ನಾವೆಲ್ಲರು ಇರುವುದೆ ತುಂಬಾ ಹೆಮ್ಮೆಯ ಸಂಗತಿಯಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ಶಾಲೆಯ ಮುಖ್ಯಗುರು ಭೀಮಣ್ಣ ಕುಲಕರ್ಣಿ,ಶಿಕ್ಷಕರಾದ ರಾಜಶೇಖರ,ಸದಾಶಿವಪ್ಪ,ಇಸ್ಮೈಲ್ ಹಾಗು ಗ್ರಾಮ ಪಂಚಾಯತಿ ಉಪಾಧ್ಯಕ್ಷರಾದ ರಾಮನಗೌಡ ತೆಳಗಿನಮನಿ,ಸದಸ್ಯರಾದ ಮುತ್ತಣ್ಣ ದೇಸಾಯಿ,ಸಾಬಣ್ಣ ಪೂಜಾರಿ,ಪರಮಣ್ಣ ಗೂಳಿ ಹಾಗು ಮುಖಂಡ ಅಮರೇಶ ನಾಯಕ ಹಾಗು ಎಬಿವಿಪಿಯ ವಿರೇಶ ಗೂಗಲಗಟ್ಟಿ,ಶಿವು ಶಾಂತಪೂರ,ಜಿಲ್ಲಾ ಹಾಸ್ಟೆಲ್ ಪ್ರಮುಖ ಹಣಮಂತ್ರಾಯ ಮಂಜಲಾಪುರ ಹಾಗು ಕಾರ್ಯಕ್ರಮದ ಆಯೋಜನೆಯಲ್ಲಿ ಪ್ರಮುಖರಾದ ಪರಿಷತ್ ಜಿಲ್ಲಾ ಮಾಧ್ಯಮ ಪ್ರಮುಖ ಪರಶುರಾಮ ಬೈಲಕುಂಟಿ ಸೇರಿಂತೆ ಅನೇಕ ಕಾರ್ಯಕರ್ತರು ಭಾಗವಹಿಸಿದ್ದರು.