ಪಂಚಾಯತಿಯಿಂದ ವಿಶೇಷ ಚೇತನರಿಗೆ ಸಲಕರಣೆ ವಿತರಣೆ

ಸುರಪುರ: ತಾಲೂಕು ಪಂಚಾಯತಿ ಸುರಪುರ ಹಾಗು ತಾಲೂಕು ಪಂಚಾಯತಿ ಹುಣಸಗಿ ವತಿಯಿಂದ ತಾಲೂಕಿನ ಅನೇಕ ಜನ ವಿಶೇಷ ಚೇತನರಿಗೆ ವಿವಿಧ ಸಲಕರಣೆಗಳನ್ನು ವಿತರಿಸಲಾಯಿತು.೩ ಜನರಿಗೆ ಪಾನ್ ಬಿಡಾ ಡಬ್ಬಿಗಳನ್ನು,೧೧ ಜನರಿಗೆ ಹೊಲಿಗೆ ಯಂತ್ರಗಳನ್ನು,೧೦ ಜನರಿಗೆ ವ್ಹೀಲ್ ಚೇರ್‌ಗಳನ್ನು,೨೬ ಜನರಿಗೆ ಬಗಲು ಬಡಿಗೆಗಳನ್ನು,೨೨ ಜನರಿಗೆ ಸೋಲಾರ್ ಲ್ಯಾಂಪ್‌ಗಳನ್ನು,೭ ಜನರಿಗೆ ತ್ರಿಚಕ್ರ ವಾಹನಗಳನ್ನು,೨ಜನರಿಗೆ ಝೇರಾಕ್ಸ್ ಮಷೀನ್,೨೦ ಜನರಿಗೆ ಗ್ಯಾಸ್ ಮತ್ತು ಒಲೆಗಳನ್ನು,೨೫ ಜನರಿಗೆ ಶ್ರವಣ ಸಾಧನ ಯಂತ್ರಗಳನ್ನು, ಒಬ್ಬರಿಗೆ ತ್ರಿಚಕ್ರ ಮೋಟಾರ್ ವಾಹನ ಹಾಗು ೧೦ ಜನರಿಗೆ ಲ್ಯಾಪ್‌ಟಾಪ್ ವಿತರಿಸಲಾಯಿತು.

ಈ ಸಂದರ್ಭದಲ್ಲಿ ಆಡಳಿತಾಧಿಕಾರಿ ರಾಜಕುಮಾರ,ತಾಲೂಕು ಪಂಚಾಯತಿ ಮಾಜಿ ಅಧ್ಯಕ್ಷೆ ಶಾರದಾ ಭೀಮಣ್ಣ ಬೇವಿನಾಳ, ತಾಲೂಕು ಪಂಚಾಯತಿ ಇಒ ಅಮರೇಶ,ಹುಣಸಗಿ ತಾ.ಪಂ ಇಒ ಪ್ರಕಾಶ ಬಾಕ್ಲಿ,ತಾಲೂಕು ಆರೋಗ್ಯಾಧಿಕಾರಿ ಡಾ:ಆರ್.ವಿ.ನಾಯಕ,ಮುಖಂಡರಾದ ದೊಡ್ಡ ದೇಸಾಯಿ ದೇವರಗೋನಾಲ,ವಿಕಲಚೇತನರಾ ಸಂಘದ ಮುಖಂಡ ಮಾಳಪ್ಪ ಸೇರಿದಂತೆ ಅನೇಕರಿದ್ದರು.