ಜಾನಪದವನ್ನು ಅರೆತು ಹೆಚ್ಚು ಒತ್ತು ಕೊಟ್ಟರೆ ಉಳಿಸಿ ಬೆಳೆಸಬಹುದು: ಎಂ.ಬಿ.ನಿಂಗಪ್ಪ

ಕಲಬುರಗಿ: ಜಾನಪದ ಅನ್ನೊದು ಪ್ರತಿಯೊಬ್ಬರಿಗೂ ಬೇಕಾಗಿರೊದೆ ಆದರೆ ಇಂದಿನ ದಿನಗಳಲ್ಲಿ ನಮ್ಮ ಯುವಕ ಯುವತಿಯರು ಮೊಬೈಲಿನಲ್ಲಿ ಮಾರುಹೊಗುತ್ತಿದ್ದಾರೆ. ಆದ ಕಾರಣ ಪ್ರತಿಯೊಬ್ಬರು ಜಾನಪದವನ್ನು ಅರೆತು ಹೆಚ್ಚು ಒತ್ತು ಕೊಟ್ಟರೆ ಜಾನಪದ ಉಳಿಸಿ ಬೆಳೆಸಬಹುದು ಎಂದು ಕಲಬುರಗಿ ಕನ್ನಡ ಜಾನಪದ ಪರಷತ್‌ನ ಜಿಲ್ಲಾಧ್ಯಕ್ಷ ಎಂ.ಬಿ. ನಿಂಗಪ್ಪ ಹೇಳಿದರು.

ನಗರದ ಕಲಾಮಂಡದಲ್ಲಿ ಸರಸ್ವತಿ ಸಾಂಸ್ಕೃತಿಕ ಕಲಾ ಟ್ರಸ್ಟ್ ರಿ. ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು ಇವರ ಸಂಯುಕ್ತ ಆಶ್ರಯದಲ್ಲಿ ನಡೆದ ಜಾನಪದ ಸಂಗೀತೊತ್ಸವ ೨೦೨೧ರ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ಮುಖ್ಯ ಅತಿಥಿಯಾಗಿ ಆಗಮಿಸಿದ ಜಾನಪದ ಕಲಾವಿದರಾದ ಸಿದ್ಧಾರ್ಥ ಚಿಮ್ಮಾ ಇದಲಾಯ ಅವರು ಮಾತನಾಡಿ ನಮ್ಮ ಭಾಗದಲ್ಲಿ ಅತಿ ಹೆಚ್ಚು ಹೆಚ್ಚು ಯುವ ಕಲಾವಿದರು ಇದ್ದಾರೆ ಆದರೆ ಅವರಿಗೆ ಸೂಕ್ತ ವೇದಿಕೆ ಸಿಗುತ್ತಿಲ್ಲಾ. ಇಂಥಹ ಸಂಸ್ಥೆ ಯವರು ನಮ್ಮ ಕಲಾವಿದರಿಗೆ ವೇದಿಕೆ ರೂಪಿಸಿದರೆ ಮಾತ್ರ ನಮ್ಮ ಕಲಾವಿದರು ರಾಜ್ಯ ಮಟ್ಟದಲ್ಲಿ ಮತ್ತು ರಾಷ್ಟೃಮಟ್ಟದಲ್ಲಿ ಅವರ ಪ್ರತಿಭೆ ತೊರಿಸಲು ಮಾತ್ರ ಸಾದ್ಯ ಎಂದು ಹೇಳಿದರು.

ರಾಜ್ಯ ಯುವ ಪ್ರಶಸ್ತಿ ಪುರಸ್ಕೃತರಾದ ಬಸವರಾಜ ಸಿ ತೋಟದ್ ಮಾತನಾಡುತ್ತಾ ಅವರು, ರಾಜ್ಯದ ಯುವಕ ಯುವತಿಯರಿಗಾಗಿಯೆ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯವರ ತಾಲುಕು, ಜಿಲ್ಲಾ ಮಟ್ಟದ ಹಾಗೂ ರಾಜ್ಯ ಮಟ್ಟದ ರಾಷ್ಟ್ರದ ಯುವಜನೋತ್ಸವ ಕಾರ್ಯಕ್ರಮ ಹಮ್ಮಿಕೋಳ್ಳುತ್ತಾರೆ. ಆ ಕಾರ್ಯಕ್ರಮದಲ್ಲಿ ಭಾಗವಹಿಸಿದರೆ ಜಾನಪದ ಸಂಸ್ಕೃತಿ ಉಳಿಸಿ ಬೆಳಸಬಹುದು ಎಂದು ತುಂಬಾ ಹೆಮ್ಮೆಯಿಂದ ಹೇಳಿದರು.

ಈ ಕಾರ್ಯಕ್ರಮದಲ್ಲಿ ಎಚ್.ಎಸ್.ಬರಗಾಲಿ, ಹುಣಚಪ್ಪಾ ಪೂಜಾರಿ, ಚಂದ್ರಶೇಖರ ಹಾಗರಗುಂಡಗಿ, ಟ್ರಸ್ಟಿನ ಕಾಂiiದರ್ಶಿಯಾದ ಮಹೇಶ ದೇವಣಿ ಅಧ್ಯಕ್ಷತೆ ವಹಿಸಿದರು.

ಈ ಕಾರ್ಯಕ್ರಮದಲ್ಲಿ ಕಲಾವಿದರಾದ ಶ್ರೀಧರ ಹೊಸಮನಿ ಜಾನಪದ ಗಾಯನ, ಪರಶುರಾಮ ಜವಳ್ಕರ ಮೋಹರಂ ಪದ, ರಾಣಪ್ಪ ಎಸ್ ಕಾಂಬಳೆ ಹಂತಿ ಪದ, ಮಹಾಂತೆಶ ಕಾಂಬಳೆ ಗೀಗಿ ಪದ, ಮಾಳಿಂಗರಾಯ ಮತ್ತು ತಂಡ ಡೋಳ್ಳು ಕುಣಿತ, ಗಣಪತಿ ಕುಸನೂರ ಮತ್ತು ತಂಡ ಹಲಗೆ ವಾದನ, ಸುಸಲಾಬಾಯಿ ಮತ್ತು ತಂಡ ತತ್ವ ಪದ, ಇವೆಲ್ಲಾ ಕಾರ್ಯಕ್ರಮ ಜರುಗಿದವು, ಕಾರ್ಯಕ್ರಮದ ನಿರುಪಣೆ ವಿಶ್ವನಾಥ ತೊಟ್ನಳ್ಳಿ, ದತ್ತುಕುಮಾರ ವಂದಿಸಿದರು.