ಜಾನಪದ ಜಾತ್ರೆ ಅಕಾಡೆಮಿಯಿಂದ ನಡೆಯಲಿ: ಟಾಕಪ್ಪ ಕಣ್ಣೂರ

ಕಲಬುರಗಿ: ಹೈದರಾಬಾದ್ ಕರ್ನಾಟಕ ಪ್ರದೇಶದಲ್ಲಿ ಜನಪದ ಕಲಾವಿದರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಅವರಿಗೆ ಆದ್ಯತೆ ನೀಡುವ ಕೆಲಸ ಆಗಬೇಕಿದೆ ಎಂದು ಜಾನಪದ ಅಕಾಡೆಮಿ ಅಧ್ಯಕದಷ ಬಿ. ಟಾಕಪ್ಪ ಕಣ್ಣೂರ ತಿಳಿಸಿದರು.

ಗುಲ್ಬರ್ಗ ವಿವಿ ಕನ್ನಡ ಅಧ್ಯಯನ ಸಂಸ್ಥೆಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಾಜ್ಯದಲ್ಲಿ ಇದೀಗ 5016 ಜನಪದ ಕಲಾವಿದರಿದ್ದು, ಇನ್ನೂ 5000 ಜನರ ಪಟ್ಟಿಯನ್ನು ನಾನು ಸಿದ್ಧಪಡಿಸಿರುವೆ ಎಂದರು. ಅಕಾಡೆಮಿಗೆ ರಾಜ್ಯ ಸರ್ಕಾರದಿಂದ 1.10 ಕೋಟಿ ವಾರ್ಷಿಕ ಬಜೆಟ್ ನೀಡುತ್ತಿದ್ದಾರೆ. ಇದು ಯಾವುದಕ್ಕೂ ಸಾಕಾಗುವುದಿಲ್ಲ ಎಂದು ಅಸಮಧಾನ ವ್ಯಕ್ತಪಡಿಸಿದರು.

ಹೈಕ ಭಾಗ ಹಿಂದುಳಿದಿಲ್ಲ.‌ ಬೂದಿಮುಚ್ಷಿದ ಕೆಂಡದಂತೆ ಇಲ್ಲಿನ ಕಲಾವಿದರಿದ್ದಾರೆ. ಅಖಿಲ ಭಾರತ ಜಾನಪದ ಸಮಾವೇಶ ಉತ್ತರ ಕರ್ನಾಟಕ ಅದರಲ್ಲೂ ಹೈ.ಕ. ಭಾಗದಲ್ಲಿ ನಡೆಸುವ ಉದ್ದೇಶ ನನಗೆ ಇದೆ ಎಂದರು.
ಅಕಾಡೆಮಿ ರಿಜಿಸ್ಟ್ರಾರ್ ಸಿದ್ರಾಮ ಸಿಂಧೆ, ಕನ್ನಡ ಅಧ್ಯಯನ ಸಂಸ್ಥೆ ನಿರ್ದೇಶಕ ಪ್ರೊ. ಎಚ್.ಟಿ. ಪೋತೆ, ಸದಸ್ಯರಾದ ಪ್ರಕಾಶ ಅಂಗಡಿ, ವಿಜಯಕುಮಾರ ಸೋನಾರೆ ಇದ್ದರು