ಮುಸ್ಲಿಂ ಸಮುದಾಯದ ಮೀಸಲಾತಿ ಹೆಚ್ಚಳಕ್ಕೆ ಸಿಎಂಗೆ ಮನವಿ

ಕಲಬುರಗಿ: ಶಿಕ್ಷಣ, ಉದ್ಯೋಗ ಮತ್ತು ಸೇವೆಗಳಲ್ಲಿ ಮುಸ್ಲಿಂ ಸಮುದಾಯಕ್ಕೆ (2 ಬಿ-ವರ್ಗ) 4% ರಿಂದ 10% ಕ್ಕೆ ಮೀಸಲಾತಿಗೆ ಹೆಚ್ಚಿಸಲು ಒತ್ತಾಯಿಸಿ ಮುಖ್ಯಮಂತ್ರಿ ಬಸವರಾಜ್ ಬೋಮ್ಮಾಯಿ ಅವರಿಗೆ ನೋವ್ಸ್ ಯೂವರ್ ರೈಟ್ಸ್ ಸಂಸ್ಥೆ ಸದಸ್ಯರು ಜಿಲ್ಲಾಧಿಕಾರಿ ಮೂಲಕ ಮನವಿ ಮಾಡಿ ಆಗ್ರಹಿಸಿದೆ.

ವಲಯಗಳು ಮತ್ತು ಜನಗಣತಿ, NSSO, ಸಾಚಾರ್ ಸಮಿತಿ, ಜಾಗತಿಕ ಆರೋಗ್ಯ ವರದಿ, ಅಂತರಾಷ್ಟ್ರೀಯ ಅಸಮಾನತೆ ಸೂಚ್ಯಂಕ ವರದಿ, ಜಾಗತಿಕ ಸಾಮಾಜಿಕ ಚಲನಶೀಲತೆ ವರದಿ, UNDP & OPHD ಹಾಗೂ ಸಾಚಾರ್ ಸಮಿತಿಯ ವರದಿಯ ಪ್ರಕಾರ ಭಾರತೀಯ ಮುಸ್ಲಿಂ ಸಮುದಾಯದ ಸ್ಥಿತಿ ಸಾಮಾಜಿಕ, ಆರ್ಥಿಕ, ರಾಜಕೀಯ ಮತ್ತು ಶೈಕ್ಷಣಿಕ ಕ್ಷೇತ್ರದಲ್ಲಿ ಎಸ್ಸಿ/ಎಸ್ಟಿಗಿಂತ ಕೆಳಮಟ್ಟದಲ್ಲಿದೆ ಉಲ್ಲೇಖಿಸಿದೆ.

ಅದರಂತೆ ಸಮುದಾಯದ ಏಳಿಗೆಗಾಗಿ ಶಿಕ್ಷಣ, ಉದ್ಯೋಗ ಮತ್ತು ಸೇವೆಗಳಲ್ಲಿ ಮೀಸಲಾತಿ ಹೆಚ್ಚಳ ಅಗತ್ಯವಾಗಿದ್ದು, ಈ ಸಂಬಂಧಿಸಿದಂತೆ ನಿವೃತ್ತ ಹೈಕೋರ್ಟ್ ಅಥವಾ ಸುಪ್ರೀಂ ಕೋರ್ಟ್ ನ್ಯಾಯಾಧೀಶರ ಅಡಿಯಲ್ಲಿ ಸಮಿತಿ ರಚಿಸುವಂತೆ ಮುಖ್ಯಮಂತ್ರಿಗಳಲ್ಲಿ ಪತ್ರದ ಮೂಲಕ ಮನವಿ ಮಾಡಿದ್ದಾರೆ.

ಈ ಸಂದರ್ಭದಲ್ಲಿ ಸಮುದಾಯದ ಅಬ್ದುಲ್ ರಜಾಕ್, ರಿಯಾಜ್ ಖತೀಬ್, ಶೇಖ್ ಮುನಿರೋದ್ದಿನ್ ಸೇರಿದಂತೆ ಇತರರು ಇದ್ದರು.