ಆನಂದದಾಸರ ಆರಾಧನಾ ಮಹೋತ್ಸವದ ಅಂಗವಾಗಿ ಲೇಖನ ಭಾಷಣ ಸ್ಪರ್ಧೆ

ಸುರಪುರ: ಇಲ್ಲಿಯ ಸಂಸ್ಥಾನದ ದಾಸವರೇಣ್ಯರಾಗಿದ್ದ ಆನಂದ ದಾಸರ ಆರಾಧನಾ ಮಹೋತ್ಸವದ ಅಂಗವಾಗಿ ನಗರದ ದರಬಾರ ಹಾಲ್‌ನಲ್ಲಿ ಲೇಖನ ಹಾಗು ಭಾಷಣ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು.

ಭಾನುವಾರ ಬೆಳಿಗ್ಗೆ ನಡೆದ ಕಾರ್ಯಕ್ರಮದಲ್ಲಿ ನಗರದ ವಿವಿಧ ಶಾಲೆಗಳ ಸುಮಾರು ೩೫ ವಿದ್ಯಾರ್ಥಿಗಳು ಲೇಖನ ಸ್ಪರ್ಧೆಯಲ್ಲಿ ಭಾಗವಹಿಸಿ ಆನಂದ ದಾಸರ ಕುರಿತು ಲೇಖನ ಬರೆದರು.ಇದೇ ಸಂದರ್ಭದಲ್ಲಿ ನಡೆದ ಭಾಷಣ ಸ್ಫರ್ಧೆಯಲ್ಲಿ ೧೪ ಜನ ವಿದ್ಯಾರ್ಥಿಗಳು ಭಾಗವಹಿಸಿ ಆನಂದದಾಸರ ಕುರಿತು ತಮ್ಮ ಭಾಷಣವನ್ನು ಮಂಡಿಸಿದರು.

ಈ ಸಂದರ್ಭದಲ್ಲಿ ಸಂಸ್ಥಾನದ ರಾಜಾ ಕೃಷ್ಣಪ್ಪ ನಾಯಕರು ಹಾಗು ಕೇದಾರನಾಥ ಶಾಸ್ತ್ರಿ,ಶ್ರೀಹರಿರಾವ್ ಆದವಾನಿ, ನರಸಿಂಹ ಬಂಡಿ, ರಾಧಾಬಾಯಿ ಹಿಪ್ಪರಗಿ,ಶೈಲಜಾ,ರಾಘವೇಂದ್ರ ಭಕ್ರಿ ಸೇರಿದಂತೆ ಇನ್ನೂ ಅನೇಕರು ಭಾಗವಹಿಸಿದ್ದರು.