ಅಖಿಲ ಭಾರತೀಯ ಕೋಳಿ ಸಮಾಜದ ನೂತನ ಅಧ್ಯಕ್ಷ ದತ್ತಾತ್ರೇಯ ರೆಡ್ಡಿಗೆ ಸನ್ಮಾನ

ಕಲಬುರಗಿ: ನಗರಕ್ಕೆ ಆಗಮಿಸಿದ ಅಖಿಲ ಭಾರತೀಯ ಕೋಳಿ ಸಮಾಜದ ನೂತನವಾಗಿ ಕರ್ನಾಟಕ ರಾಜ್ಯ ಅಧ್ಯಕ್ಷರಾದ ದತ್ತಾತ್ರೇಯ ರೆಡ್ಡಿ ಅವರಿಗೆ ಜಿಲ್ಲೆಯ ನಿವೃತ್ತ ನೌಕರ ಸಂಘ, ನೌಕರ ಸಂಘ, ಅಖಿಲ ಭಾರತೀಯ ಕೋಳಿ ಸಮಾಜದ ಯುವಕರ ಸಂಘದ ವತಿಯಿಂದ ಸ್ವಾಗತಿಸಿ ಸನ್ಮಾನಿಸಲಾಗಿತ್ತು.

ಈ ಸಮಯದಲ್ಲಿ ಅಖಿಲಭಾರತೀಯ ಕೋಳಿ ಸಮಾಜದ ರಾಷ್ಟ್ರೀಯ ಸಂಘಟಕರಾದ ಶಿವಲಿಂಗಪ್ಪ ಕಿನ್ನೂರ್ ರವರು ಮಾತನಾಡಿ ಸಮಾಜದ ಸಂಘಟನೆಯ ಬಲವರ್ಧನೆಗಾಗಿ ಅತಿ ಹೆಚ್ಚು ಜಿಲ್ಲಾ ಹಾಗೂ ತಾಲೂಕುವಾರು ಸಮಿತಿಗಳನ್ನು ರಚಿಸಬೇಕು ಎಂದು ಹೇಳಿದರು.

ನೂತನವಾಗಿ ರಾಜ್ಯಾಧ್ಯಕ್ಷ ದತ್ತಾತ್ರೇಯ ರೆಡ್ಡಿ ಅವರು ಮಾತನಾಡಿ ಸಮಾಜದ ಟೋಕರೆ ಕೋಳಿ ಹಾಗೂ ಪರಿವಾರ ತಳವಾರ್ ಎಸ್ಟಿ ಪ್ರಮಾಣಪತ್ರವನ್ನು ಆದಷ್ಟು ಬೇಗ ಸಮಾಜಕ್ಕೆ ಕೊಡಿಸುವಲ್ಲಿ ಪ್ರಾಮಾಣಿಕ ಪ್ರಯತ್ನವನ್ನು ಮಾಡುತ್ತೇನೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಶಿವಶರಣಪ್ಪ ಜಮಾದಾರ, ಅಮೃತ ಮಾಲಿಪಾಟೀಲ್, ರಾಜೇಂದ್ರ ಚಿಂಚೋಳ್ಳಿ, ಮಡಿವಾಳಪ್ಪ ನರಿಬೋಳ, ಡಾ: ರಾಜ ದೇವೇಂದ್ರಪ್ಪ ಶಾಪುರ್, ಸೋಮರಾಯ ನಾಗಾವಿ, ದೇವೇಂದ್ರ ಚಿಗರಹಳ್ಳಿ, ಚಂದ್ರಶೇಖರ ಫಿರೋಜಾಬಾದ, ಪರಶುರಾಮ ಹಂಚನಾಳ, ನಾಗರಾಜ ಸುರಪೂರ, ಪಿಡ್ಡಪ್ಪ ಜಾಲಗಾರ ಇದ್ದರು.