ಮಕ್ಕಳಿಗೆ ಮೌಲ್ಯಾಧಾರಿತ ಶಿಕ್ಷಣ ಅಗತ್ಯ: ಸೊನ್ನ ಶ್ರೀಗಳು ಅಭಿಮತ

ಜೇವರ್ಗಿ: ಇಂದಿನ ವಿದ್ಯಾರ್ಥಿಗಳಿಗೆ ಯಾವುದೇ ಜಾತಿ-ಬೇಧವಿಲ್ಲದಿರುವಂತಹ. ಸೋಲು-ಗೆಲುವನ್ನು ಸಮಾನವಾಗಿ ಕಾಣುವಂತಹ ಮೌಲ್ಯಾಧಾರಿತ ಶಿಕ್ಷಣ ನೀಡುವ ಅಗತ್ಯವಿದೆ ಎಂದು ಸೊನ್ನ ವಿರಕ್ತ ಮಠದ ಶ್ರೀ ಡಾ.ಶಿವಾನಂದ ಮಹಾಸ್ವಾಮಿಗಳು ನುಡಿದರು.

ಕಲ್ಯಾಣ ಕರ್ನಾಟಕೋತ್ಸವ ಅಂಗವಾಗಿ ಕಲಬುರಗಿಯ ವಿಶ್ವಜ್ಯೋತಿ ಪ್ರತಿಷ್ಠಾನವು ತಾಲೂಕಿನ ನೆಲೋಗಿಯ ಸರಕಾರಿ ಪ್ರೌಢ ಶಾಲಾ ಆವರಣದಲ್ಲಿ ಆಯೋಜಿಸಿದ ‘ಕಲ್ಯಾಣ ಶಿಕ್ಷಣ’ ವಿಶೇಷ ಅಭಿಯಾನದಲ್ಲಿ ಪಾಲ್ಗೊಂಡು ಆಶೀರ್ವಚನ ನೀಡಿದ ಅವರು, ಈ ನಿಟ್ಟಿನಲ್ಲಿ ಸಂಘಟಕ ವಿಜಯಕುಮಾರ ತೇಗಲತಿಪ್ಪಿ ಅವರು ತಮ್ಮ ಪ್ರತಿಷ್ಠಾನದ ನಿತ್ಯ ನೂತನ ಕಾರ್ಯಕ್ರಮಗಳಿಂದ ಸರ್ವ ಜನಾಂಗದ ಸೇವಕರೆನಿಸಿಕೊಂಡಿದ್ದು, ಹಾಗಾಗಿ ಮುಂದಿನ ದಿನಗಳಲ್ಲಿ ಜಿಲ್ಲೆಯ ಕನ್ನಡ ಸಾರಸ್ವತ ಲೋಕದಲ್ಲಿ ಎತ್ತರದ ಸ್ಥಾನಕ್ಕೆ ಹೋಗಲಿ ಎಂದು ಹಾರೈಸಿದರು.

ಪ್ರತಿಷ್ಠಾನದ ಸಂಸ್ಥಾಪಕ ವಿಜಯಕುಮಾರ ತೇಗಲತಿಪ್ಪಿ ಮಾತನಾಡಿ, ಪ್ರತಿಯೊಬ್ಬರ ಬದುಕಿನಲ್ಲಿ ಬೆಳಕನ್ನು ಮೂಡಿಸುವ ಕೆಲಸವನ್ನು ಶಿಕ್ಷಕರು ಮಾಡುತ್ತಿದ್ದಾರೆ. ಅವರ ಜೀವನ ಎಲ್ಲರಿಗೂ ಪ್ರೇರಣೆಯಾಗಿದೆ. ಸಮಾಜದ ಅಭಿವೃದ್ದಿಗೆ ಶಿಕ್ಷಕರ ಕೊಡುಗೆ ಅಪಾರವಾಗಿದ್ದು, ವಿದ್ಯಾರ್ಥಿಗಳಿಗೆ ಒಳ್ಳೆಯ ಸಲಹೆ, ಮಾರ್ಗದರ್ಶನ ನೀಡಿದರೆ ಸಮಾಜವನ್ನು ಮತ್ತಷ್ಟು ಪರಿವರ್ತನೆಯತ್ತ ಕೊಂಡೊಯ್ಯಬಹುದು ಎಂದು ಆಶಯ ವ್ಯಕ್ತಪಡಿಸಿದರು.
ಅಭಿಯಾನಕ್ಕೆ ಚಾಲನೆ ನೀಡಿದ ಗ್ರಾಪಂ ಅಧ್ಯಕ್ಷ ಬೈಲಪ್ಪ ನೇದಲಗಿ ನೆಲೋಗಿ, ಮಕ್ಕಳಿಗೆ ಹೆಚ್ಚಿನ ಅಂಕ ಗಳಿಸುವ ಶಿಕ್ಷಣಕ್ಕಿಂತ ಸಾಮಾಜಿಕ ಪ್ರಜ್ಞೆ ಮೂಡಿಸುವಂಥ ಮೌಲ್ಯಾಧಾರಿತ ಶಿಕ್ಷಣದ ಅವಶ್ಯಕತೆ ಇದೆ ಎಂದರು.

ಶಾಲೆಯ ಮುಖ್ಯೋಪಾಧ್ಯಾಯರಾದ ದೇವಿಂದ್ರಪ್ಪ ಗುಂಡಾಪುರ ಅಧ್ಯಕ್ಷತೆ ವಹಿಸಿದ್ದರು. ಕ್ಷೇತ್ರ ಸಮನ್ವಯಾಧಿಕಾರಿ ಸಂತೋಷ ಹೂಗಾರ ಉಪನ್ಯಾಸ ನೀಡಿದರು.

ಪಿಎಸೈ ರಾಜಕುಮಾರ ಜಾಮಗೊಂಡ, ಸಾಹಿತ್ಯ ಪ್ರೇರಕರಾದ ಭೀಮರಾವ ಗುಜಗೊಂಡ, ಶರಣಕುಮಾರ ಬಿಲ್ಲಾಡ, ಎಸ್.ಡಿ.ಎಂ.ಸಿ. ಅಧ್ಯಕ್ಷರಾದ ವಿದ್ಯಾಧರ ಚೌಡಾಪುರ, ನಿಂಗಣ್ಣ ಅಂಬಿಗೇರ, ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಎಸ್.ಕೆ.ಬಿರಾದಾರ, ಸಾಹಿತಿ ಸದಾನಂದ ಪಾಟೀಲ, ಪ್ರಮುಖರಾದ ಭೀಮಾಶಂಕರ ಕಾಚಾಪುರ, ಮಂಜುನಾಥ ಕಂಬಾಳಿಮಠ, ವಿಶ್ವನಾಥ ತೊಟ್ನಳ್ಳಿ. ಶರಣಕುಮಾರ ಹೊಸಮನಿ, ಭಗವಂತರಾಯ ಪಾಟೀಲ ಅಂಕಲಗಿ, ಆನಂದ ದೊಡ್ಡಮನಿ, ಬಾಬುಗೌಡ ಪಾಟೀಲ, ಸೋಮರಾಯ ಗುಜಗೊಂಡ, ಗುರು ಪಾಟೀಲ, ಅಣವೀರ ಹರವಾಳ, ಭಗವಂತರಾಯ ಚೌಡಾಪುರ, ಶ್ರೀಶೈಲ್ ಬಿರಾದಾರ, ಮಲ್ಲಿಕಾರ್ಜುನ ಬಂಗಾರಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.

ಶಿಕ್ಷಕ ವೃತ್ತಿಯ ಜತೆಗೆ ಸಾಮಾಜಿಕ ಸೇವೆಯಲ್ಲಿ ತೊಡಗಿಸಿಕೊಂಡಿರುವ ಮಲ್ಲಿಕಾರ್ಜುನ ಬಂಗಾರಿ, ದೇವಪ್ಪ ಹಿಪ್ಪರಗಿ, ದೇವಿಂದ್ರಪ್ಪ ಗುಂಡಾಪುರ, ದೌಲತರಾಯ ಭಂಟನೂರ, ಶ್ರೀಶೈಲ ಬಿರಾದಾರ, ರಾಜೇಸಾಬ, ವಿಶ್ವನಾಥ ಮೇತ್ರಿ, ಮಲ್ಲಿನಾಥ ಹೂಗಾರ, ಮರೆಪ್ಪ ಮ್ಯಾಗೇರಿ, ತಿಪ್ಪಣ್ಣ ಪರೀಟ್, ಮಲ್ಲಿಕಾರ್ಜುನ ರೆಡ್ಡಿ, ಮಲ್ಲಿಕಾರ್ಜುನ ಕೊಟ್ರಗಸ್ತಿ, ಮಾಳಪ್ಪ ಆರ್.ಕಲ್ಲೂರ, ಕಸ್ತೂರಿ ಹರಿವಾಳ, ಅಂಬುಜಾ, ಹುಲಿಗೆಮ್ಮಾ, ಸವಿತಾ ಗಾಣಿಗೇರ ಅವರಿಗೆ ‘ಆದರ್ಶ ಶಿಕ್ಷಕ’ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು.