ಜಿಲ್ಲೆಯಲ್ಲಿರುವ ಎಲ್ಲಾ ವಸತಿ ನಿಲಯಗಳಿಗೆ ಮೂಲಭೂತ ಸೌಕರ್ಯ ಒದಗಿಸಿಕೊಡುವಂತೆ ಮನವಿ: ದತ್ತು ಭಾಸಗಿ

ಕಲಬುರಗಿ: ಜಿಲ್ಲೆಯಲ್ಲಿರುವ ಎಲ್ಲಾ ವಸತಿ ನಿಲಯಗಳಿಗೆ ಮೂಲಭೂತ ಸೌಕರ್ಯ ಒದಗಿಸಿಕೊಡುವಂತೆ ಜೈ ಕನ್ನಡಿಗರ ಸೇನೆಯ ವತಿಯಿಂದ ಹಿಂದುಳಿದ ವರ್ಗಗಳ ಸಚಿವರು ಹಾಗೂ ಸಮಾಜ ಕಲ್ಯಾಣ ಇಲಾಖೆ ಸಚಿವರಾದ ಕೋಟ ಶ್ರೀನಿವಾಸ ಪೂಜಾರಿ ಅವರಿಗೆ ಮನವಿಯನ್ನು ಸೇನೆಯ ಸಂಸ್ಥಾಪಕ ಅಧ್ಯಕ್ಷ ದತ್ತು ಭಾಸಗಿ ಅವರ ನೇತೃತ್ವದಲ್ಲಿ ಸಲ್ಲಿಸಲಾಯಿತು.

ಜಿಲ್ಲೆಯಲ್ಲಿರುವ ಯಾವೊಂದು ವಸತಿ ನಿಲಯಗಳಲ್ಲಿ ಮೂಲಭೂತ ಸೌಕರ್ಯಗಳಾದ ಶುದ್ಧ ಕುಡಿಯುವ ನೀರು, ಶೌಚಾಲಯ, ಹಾಸಿಗೆ ಹೊದಿಕೆ, ಬೆಡ್‌ಗಳು, ಪೌಷ್ಠಿಕ ಆಹಾರ, ವಿದ್ಯುತ್ ಸೇರಿದಂತೆ ಇನ್ನಿತರ ಯಾವುದೇ ಸೌಲಭ್ಯಗಳು ದೊರೆಯದೆ ವಿದ್ಯಾರ್ಥಿಗಳು ವಂಚಿತರಾಗುತ್ತಿದ್ದಾರೆ ಎಂದು ಮನವಿಯಲ್ಲಿ ತಿಳಿಸಲಾಗಿದೆ ಎಂದರು.

ಅಲ್ಲದೇ ಕೆಲವೊಂದು ವಸತಿನಿಲಯಗಳಲ್ಲಿ ರಾತಿ ಕಾವಲುಗಾರ ಕೂಡ ಇರುವುದಿಲ್ಲ ಇದರಿಂದ ಕೊಲವೊಂದು ಸೂಕ್ಷ್ಮ ಬಡಾವಣೆಯ ವಸತಿ ನಿಲಯಗಳಲ್ಲಿ ಹೊರಗಿನಿಂದ ಬೇರೆ ಜನ ಬಂದು ಅಲ್ಲಿರುವ ವಿದ್ಯಾರ್ಥಿಗಳಿಗೆ ಹೆದರಿಸುವುದು ಬೆದರಿಸುವುದು ಕೂಡಾ ಮಾಡಿರುವುದು ಕಂಡು ಬಂರುತ್ತಿದೆ, ಆದ್ದರಿಂದ ನಮ್ಮ ಮನವಿಗೆ ಆದಷ್ಟು ಶೀಘ್ರದಲ್ಲಿಯೇ ಎಲ್ಲಾ ಮೂಲಭೂತ ಸೌಕರ್ಯಗಳನ್ನು ಒದಗಿಸಿಕೊಡಬೇಕೆಂದು ಜೈ ಕನ್ನಡಿಗರ ಸೇನೆಯ ವತಿಯಿಂದ ಮನವಿ ಮಾಡಲಾಯಿತು ಎಂದು ದತ್ತು ಭಾಸಗಿ ತಿಳಿಸಿದರು.

ಈ ಸಂದರ್ಭದಲ್ಲಿ ಜಗನ್ನಾಥ ಸೂರ್ಯವಂಶಿ, ಶೇಷಗಿರಿ ಮರತೂರಕರ್, ಚೇತನ ಸಾಂಗ್ರೇಕರ್, ಸಂಜೀವಕುಮಾರ ಮಾಳಗೆ, ಪ್ರಶಾಂತ ಬಾಪೂನಗರ ವಿಶ್ವ ಬಾಪುನಗರ ಸೇರಿದಂತೆ ಇನ್ನಿತರರು ಇದ್ದರು.