ರಾಜಿ ಸಂಧಾನದಿಂದ ಶ್ರಮ ಸಮಯ,ಹಣ ಉಳಿತಾಯ; ಸಿವಿಲ್ ನ್ಯಾ. ಡಿ.ರಮೇಶ

ಜೇವರ್ಗಿ: ತಾಲೂಕು ಕಾನೂನು ಸೇವೆಗಳ ಸಮಿತಿ ,ವಕೀಲರ ಸಂಘ ಹಾಗೂ ಜೇವರ್ಗಿ ತಾಲೂಕು ಆಡಳಿತ ಸಂಯುಕ್ತ ಆಶ್ರಯದಲ್ಲಿ ಮಹಾತ್ಮ ಗಾಂಧೀಜಿ ಜಯಂತಿ ಪ್ರಯುಕ್ತ ಕಾನೂನು ಸಾಕ್ಷರತಾ ಕಾರ್ಯಕ್ರಮವನ್ನು ತಹಸೀಲ್ದಾರ ಕಾರ್ಯಾಲ ಜೇವರ್ಗಿಯಲ್ಲಿ , ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮದ ಉದ್ಘಾಟನೆಯನ್ನು ನೆರವೇರಿಸಿ ಮಾತನಾಡಿದ, ಮಾನ್ಯ ಡಿ ರಮೇಶ್ ಸಿವಿಲ್ ನ್ಯಾಯಾಧೀಶರು ಮತ್ತು ಪ್ರಥಮ ದರ್ಜೆ ನ್ಯಾಯಿಕ ದಂಡಾಧಿಕಾರಿಗಳು ಹಾಗೂ ಸದಸ್ಯ ಕಾರ್ಯದರ್ಶಿಗಳು ತಾಲೂಕು ಕಾನೂನು ಸೇವೆಗಳ ಸಮಿತಿ,ಇವರು ಮಾತನಾಡಿ ರಾಜಿ ಸಂಧಾನದ ಮೂಲಕ ಒಪ್ಪಂದ ಸೂತ್ರಕ್ಕೆ ಬದ್ಧರಾಗಿ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳುವುದುರಿಂದ ಮಾನಸಿಕ ನೆಮ್ಮದಿಯ ಜೊತೆಗೆ ಉತ್ತಮ ಬಾಂಧವ್ಯವನ್ನು ಉಳಿಸಿಕೊಂಡು ಹೋಬಹುದು. ಹಾಗು ಸಮಯ ,ಹಣ ಶ್ರಮದ ಉಳಿತಾಯವಾಗುತ್ತದೆ . ಈ ಸೇವೆಯನ್ನು ಉಚಿತವಾಗಿ ನೀಡಲಾಗುತ್ತದೆ .ಇದರ ಸದುಪಯೋಗವನ್ನು ಪಡೆಯಲು ಸಾರ್ವಜನಿಕರು ಹಾಗೂ ಮಹಿಳೆಯರು ಸೇರಿದಂತೆ ಎಲ್ಲ ವರ್ಗದ ಜನರು ಮುಂದೆ ಬರಬೇಕೆಂದು ಕರೆ ನೀಡಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಿನಯ್ ಕುಮಾರ್ ಪಾಟೀಲ್ ತಾಸಿಲ್ದಾರರು ವಹಿಸಿದ್ದರು, ಮುಖ್ಯ ಅತಿಥಿಸ್ಥಾನವನ್ನು ಜೆ.ವಿ ಹತ್ತಿ ಅಧ್ಯಕ್ಷರು ವಕೀಲರ ಸಂಘ ಜೇವರ್ಗಿ ವಹಿಸಿದ್ದರು, ಉಪನ್ಯಾಸ ಕಾರ್ಯಕ್ರಮವನ್ನು ನ್ಯಾಯವಾದಿಗಳಾದ ಎಸ್.ಬಿ ಯಂಕಚಿ ಹಾಗೂ ವೈ.ಜಿ ಪಾಟೀಲ್ ಮಹಾತ್ಮ ಗಾಂಧೀಜಿ ಜಯಂತಿ ಹಾಗೂ ಲೋಕಾದಾಲತ ಉಪಯೋಗಗಳ ಕುರಿತು ಮಾಹಿತಿ ನೀಡಿದರು.

ಕಾರ್ಯಕ್ರಮದಲ್ಲಿ ಎಲ್ಲಾ ಇಲಾಖೆ ಸರ್ಕಾರಿ ನೌಕರರು ಸೇರಿದಂತೆ ವಿವಿಧ ಇಲಾಖೆ ಮುಖ್ಯಸ್ಥರು ಹಾಗೂ ಪುರಸಭೆ ಮುಖ್ಯಾಧಿಕಾರಿಗಳಾದ ಶರಣಯ್ಯ ಹಿರೇಮಠ , ಪುರಸಭೆ ಅಧ್ಯಕ್ಷರು ಸೇರಿದಂತೆ ನ್ಯಾಯಾಲಯದ ಸಹಾಯಕ ಸರಕಾರಿ ಅಭಿಯೋಜಕರಾದ ನಾಗವೇಣಿ ಸೇರಿದಂತೆ ನ್ಯಾಯವಾದಿಗಳಾದ ,ಕೆ.ಇ ಬಿರಾದಾರ,ರಾಮನಾಥ ಭಂಡಾರಿ, ಅಪ್ಪಾಸಾಹೆಬ ಕೋಳಕುರ,ರಾಜು ಮುದ್ದಡಗಿ, ಅರ್.ಡಿ ಪಾಟೀಲ್,ಎಮ್.ಅಯ್ ಸೂಗುರ,ಸೋಮಶೇಖರ್,
ಸಿದ್ದು ದೇಸಾಯಿ ,ಭಾಷಾ ಪಟೇಲ್ ಯಾಳವಾರ್ ,ಕಚೇರಿ ಸಿಬ್ಬಂದಿಗಳು ಸೇರಿದಂತೆ ಸಾರ್ವಜನಿಕರು ಭಾಗವಹಿಸಿದ್ದರು.