ಬಿಆರ್‌ಸಿ ಸಮನ್ವಯಾಧಿಕಾರಿಯಾಗಿ ಜಿಡ್ಡೆ ಅಧಿಕಾರ ಸ್ವೀಕಾರ

ಆಳಂದ: ಸ್ಥಳೀಯ ಶಿಕ್ಷಣ ಇಲಾಖೆಯ ಬಿಆರ್‌ಸಿ ಕೇಂದ್ರದ ಸಮನ್ವಯಾಧಿಕಾರಿಯಾಗಿ ಶ್ರೀಮಂತ ಜಿಡ್ಡೆ ಅವರಿಗೆ ಕ್ಷೇತ್ರ ಶಿಕ್ಷಣಾಧಿಕಾರಿ ಭರತರಾಜ ಸಾವಳಗಿ ಅವರು ಶುಕ್ರವಾರ ಅಧಿಕಾರ ವಹಿಸಿಕೊಟ್ಟರು.

ಸ್ಥಳೀಯ ಬಿಆರ್‌ಸಿ ಖಾಲಿಯಿದ್ದ ಹುದ್ದೆಗೆ ಸಮನ್ವಯಾಧಿಕಾರಿಯಾಗಿ ಪಟ್ಟಣದ ಬಾಲಕರ ಸರ್ಕಾರಿ ಪ್ರೌಢಶಾಲೆಯ ಮುಖ್ಯ ಶಿಕ್ಷಕ ಶ್ರೀಮಂತ ಜಿಡ್ಡೆ ಅವರಿಗೆ ಪ್ರಭಾರ ಅಧಿಕಾರ ವಹಿಸಲಾಯಿತು.

ಬಳಿಕ ಪಟ್ಟಣದ ಗುರುಭವನದಲ್ಲಿ ಪರಿಶಿಷ್ಟ ಪಂಗಡ ಹಾಗೂ ಪರಿಶಿಷ್ಟ ಜಾತಿ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದಿಂದ ಆಯೋಜಿಸಿದ್ದ ಸನ್ಮಾನ ಕಾರ್ಯಕ್ರಮದಲ್ಲಿ ಕ್ಷೇತ್ರ ಶಿಕ್ಷಣಾಧಿಕಾರಿ ಭರತರಾಜ ಸಾವಳಗಿ ಮತ್ತು ನೂತನ ಪ್ರಭಾರ ಸಮನ್ವಯಾಧಿಕಾರಿ ಶ್ರೀಮಂತ ಜಿಡ್ಡೆ ಅವರಿಗೆ ಸನ್ಮಾನಿಸಲಾಯಿತು.

ಸಂಘದ ಅಧ್ಯಕ್ಷ ರಮೇಶ ಸಕ್ಕರಗಿ, ಶಿವಲಿಂಗಪ್ಪ ಬಾವಿಮನಿ, ವಿಠ್ಠಲ ಕವಲಗಿ, ಲಕ್ಷ್ಮಣ ತಳಕೇರಿ, ಅಂಬರಾಯ ಕಾಂಬಳೆ, ಶಂಕರ ಮಗಿ, ಹಳವಪ್ಪ ಮಂಟಕಿ, ಬಸವರಾಜ ದೊಡ್ಡಮನಿ, ಮಹಾದೇವ ಗುಣಕಿ, ವಿದ್ಯಾಧರ ಬಾವಿಕಟ್ಟಿ, ಖಾಜಪ್ಪ ಹಂಚನಾಳ, ವಿಶ್ವನಾಥ ಘೋಡಕೆ, ಗುಂಡಪ್ಪ ದರ್ಗಾಶಿರೂರ, ರಾಜೇಂದ್ರ ನಾಗೂರೆ, ಪತ್ರಾಂಕಿತ ವ್ಯವಸ್ಥಾಪಕ ಮಲ್ಲಿಕಾರ್ಜುನ ಮತ್ತಿತರು ಇದ್ದರು.

ಶಿಕ್ಷಕ ಜೀತೆಂದ್ರ ತಳವಾರ ನಿರೂಪಿಸಿದರು. ಅನುದಾನ ರಹಿತ ಶಾಲೆಗಳ ಸಂಘಟನಾ ಕಾರ್ಯದರ್ಶಿ ಜಗದೀಶ ಕೋರೆ ವಂದಿಸಿದರು.