ಜಕಣಮ್ಮ ದೇವಿ ದೇವಸ್ಥಾನದಲ್ಲಿ ಸಂಗೀತ ಕಾರ್ಯಕ್ರಮ

ಕಲಬುರಗಿ: ನಗರದ ಆಳಂದ ಕಾಲೋನಿಯ ಜಕಣಮ್ಮದೇವಿ ದೇವಸ್ಥಾನದ ಆವರಣದಲ್ಲಿ ಗಡಿನಾಡು ಸಂಗೀತ ಹಾಗೂ ವಿವಿದೋದ್ದೇಶ ಸೇವಾ ಸಂಸ್ಥೆಯ ವತಿಯಿಂದ ನವರಾತ್ರಿ ಉತ್ಸವದ ನಿಮಿತ್ಯ ಸಂಗೀತ ಕಾರ್ಯಕ್ರಮ ಜರುಗಿತು.

ಮಹಾನಗರ ಪಾಲಿಕೆ ಸದಸ್ಯ ಸಚೀನ ಕಡಗಂಚಿ ಕಾರ್ಯಕ್ರಮ ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ಶ್ರೀಮಂತರಾವ ಪಾಟೀಲ, ಸೋಮಶೇಖರ ಮೂಲಗೆ, ನೀಲಕಂಠ ಪಾಟೀಲ, ಯೋಗೇಶ ಪಾಟೀಲ ಭಾಗವಹಿಸಿದ್ದರು. ಪಿಡಿಒ ರಾಮಲಿಂಗಪ್ಪ ಪಾಟೀಲ ಅಧ್ಯಕ್ಷತೆ ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಮಡಿವಾಳಯ್ಯ ಹಿರೇಮಠ, ಬಸವರಾಜ ಶಾಸ್ತ್ರೀ ಕೂಕನೂರ, ಶಿವಲಿಂಗಯ್ಯ ಶಾಸ್ತ್ರೀ, ಬಸವರಾಜ ಕಾಳನೂರ, ಶಿವರಾಜ ನಿರಗುಡಿ, ಸುರಭಿ ಚಿಂಚೂರ, ಪ್ರಕೃತಿ ಮೇತ್ರೆ, ನಿರ್ಮಲಾ ಸಿರಗಾಪುರ, ಸಾಕ್ಷಿ ಪಾಟೀಲ, ಗುರುಶಾಂತಯ್ಯ ಸ್ಥಾವರಮಠ, ಪವಿತ್ರಾ ಜಿ, ಲೋಕನಾಥ ಚಾಂಗಲೇರ, ಸ್ವಯಂ ಸಿರಗಾಪೂರ, ವೀರಯ್ಯ ಮಾಡ್ಯಾಳ, ಮಹೇಶ ಪಾಟೀಲ, ಸೋಮನಾಥ ಕೊಂಡೇದ ಸಂಗೀತ ಸೇವೆ ಸಲ್ಲಿಸಿದರು. ಸಂಘದ ಅಧ್ಯಕ್ಷ ವೀರಭದ್ರಯ್ಯ ಸ್ಥಾವರಮಠ, ಕಾರ್ಯದರ್ಶಿ ಸುವರ್ಣಾ ಸ್ಥಾವರಮಠ ಕಾರ್ಯಕ್ರಮ ನಿರ್ವಹಿಸಿದರು.