ಧಂಗಾಪೂರ: ೧.೪೧ ಕೋ. ಕಾಮಗಾರಿಗೆ ಶಾಸಕ ಗುತ್ತೇದಾರ ಚಾಲನೆ

ಆಳಂದ: ತಾಲೂಕಿನ ಧಂಗಾಪೂರ ಗ್ರಾಮದಲ್ಲಿ ಕೇಂದ್ರ ಪುರಸ್ಕೃತ ಯೋಜನೆಯಾದ ಜಲಜೀವನ ಮಿಷನ್ ಯೋಜನೆಯಡಿ ಹಮ್ಮಿಕೊಂಡಿರುವ ಕುಡಿಯುವ ನೀರು ಪೂರೈಕೆ ಯೋಜನೆಯ ಕಾಮಗಾರಿಗೆ ಆಳಂದ ಶಾಸಕ ಸುಭಾಷ್ ಆರ್ ಗುತ್ತೇದಾರ ಚಾಲನೆ ನೀಡಿದರು.

ಈ ಕಾಮಗಾರಿಗೆ ಸರ್ಕಾರವು ೧.೪೧ ಕೋ. ರೂ ವ್ಯಯಿಸಲಿದ್ದು ಕೊಳವೆ ಬಾವಿಗೆ ೨ ನೀರಿನ ಟ್ಯಾಂಕ್ ನಿರ್ಮಿಸಿ ಪೈಪಲೈನ್ ಮೂಲಕ ಗ್ರಾಮದ ಪ್ರತಿ ಮನೆಗೆ ಹೊಸದಾಗಿ ನಳದ ಕನೆಕ್ಷನ್ ಕೊಟ್ಟು ಕುಡಿಯುವ ನೀರು ಪೂರೈಸಲಾಗುವುದು ಎಂದರು.

ಈ ಸಂದರ್ಭದಲ್ಲಿ ಗ್ರಾಮದ ಅನೇಕ ಕಾಂಗ್ರೆಸ್ ಕಾರ್ಯಕರ್ತರು ಶಾಸಕರ ಅಭಿವೃದ್ಧಿ ಕಾರ್ಯ ಮೆಚ್ಚಿ ಬಿಜೆಪಿ ಪಕ್ಷಕ್ಕೆ ಸೇರ್ಪಡೆಯಾದರು. ಆಳಂದ ಮಂಡಲ ಬಿಜೆಪಿ ಅಧ್ಯಕ್ಷ ಆನಂದರಾವ ಪಾಟೀಲ ಕೊರಳ್ಳಿ, ಕೆಎಂಎಫ್ ನಿರ್ದೇಶಕ ಚಂದ್ರಕಾಂತ ಭೂಸನೂರ, ಮುಖಂಡರಾದ ಸಂತೋಷ ಹಾದಿಮನಿ, ರಾಜಶೇಖರ ಮಲಶೆಟ್ಟಿ, ಬಸವರಾಜ ಶೇಗಜಿ, ಶಿವಶರಣಪ್ಪ ನಾಗೋಜಿ, ಲಕ್ಷ್ಮಣ ಕರುಣಾಕರ, ಪ್ರಭು ಸರಸಂಬಿ, ನಾಗರಾಜ ಶೇಗಜಿ, ಬಸವರಾಜ ಗುತ್ತೇದಾರ, ಪುಂಡಲಿಕ ಗುತ್ತೇದಾರ, ಶರಣಪ್ಪ ಮೇಲ್ಕೇರಿ ಸೇರಿದಂತೆ ಇತರರು ಇದ್ದರು.